【我怕沒有這運氣】一個相戀十年的故事: 彼岸
「鍾莫言，遞樽洗頭水俾我丫！」
「鍾翹都大個啦！用我地o個Ｄ咪得囉…」
「陣間用到皮膚敏感，你又跌錢我又鄧個孫仔心痛！」
「響邊呀……」
「響下低第二格，黃色o個支…」
「唔……呢支？」
「係呀！」
「哇…乜百幾蚊架？同我地o個Ｄ有咩唔同先？」
「ＢＢ梗係有ＢＢ既野架啦！你都唔食佢Ｄ蕃薯乾啦！」
「哇鍾翹，一路趙蕃薯乾一路剪頭髮咁嘆？Ｄ洗頭水會唔會滴到落佢Ｄ蕃薯乾架…」
「哈，呢隻洗頭水就係貴在可以吞落肚仔！」
「吓…會唔會對身體產生異變，變左蜘蛛俠架…」
「咁你變左未丫？你細個都係咁剪頭髮架啦！」
「原來咁過癮架？」
「你麻煩好多！一拎開你塊蕃薯乾，你就郁黎郁去！」
「其實呢Ｄ蕃薯乾有幾好味姐……Ｄ味又怪質感又硬…」
「ＢＢ未出哂牙仔，放入口趙下趙下又有Ｄ味，有得食又有得玩，不知幾Happy！」
「哈哈哈，鍾翹同老豆一樣成日中嫲嫲計！」
「你兩個真係幾似，不過鍾翹冇你咁自我。」
「兩歲已經奠定咗我日後立志成為一個詩人既意向。」
「你睇你個仔！真係成個阿媽既餅印！」
「希望鍾翹慢慢會行番條正路啦……」
「咩係正路？」
「似番我。」
「似家嫂不知幾好，又貴氣又醒目！」
「喂佢塊蕃薯乾趙哂喇喎…」
「快喇快喇，就剪好喇！」
「鍾翹你真係乖，環境咁惡劣都坐得咁定！」
「不知幾舒服，開咁大缸暖水俾佢浸住，又有鴨仔又有蕃薯乾！」
「成缸水都係頭髮咁核突！」
「似你囉！成頭都係剪髮，剪到頭暈呀！」
「攞個剷一野剃光佢咪得囉！」
「唔得！孫仔Ｄ頭髮咁靚，梗係留番黎梳花旗裝啦！」
「話時話佢套柯南西裝攞得未？」
「禮拜尾先有得攞…」
「好在佢阿媽話擺佢響度多一個禮拜！」
「唔係既話呢？」
「套柯南西裝咪變成睡衣囉……」
「哈哈哈…碧瑄其實真係好可愛，佢會著鞋上床瞓覺！」
「其實我真係唔明點解會唔記得除鞋瞓覺！」
「可能真係好攰掛…」
「只能夠講，畫家既思維係我地呢Ｄ凡夫俗子唔會明白到……。」
「哎呀！你估個個可以生到個咁得意既仔架？」
「哦！我會同人講，想生個得意既仔就記得著住對鞋上床瞓覺喇。」
「呃係呀…禮拜五晚我去睇家嫂個畫展，然後同佢食晚飯，你湊鍾翹喇。」
「哦好呀……咁順便問佢要唔要花牌又或者扮富商高價競投佢Ｄ作品。」
「你記得早Ｄ番黎湊個仔仲好啦！」
「你唔帶埋佢出去？」
「家嫂話唔好，因間見到Mammy扭哂計點算？」
「咁又係……」
「你個仔最重要既始終係佢阿媽，咩都係假！」
「唔……」
「喂你個仔瞓著左喎…」
「哈哈哈哈哈……可愛到真係想咬佢一啖！」
「鍾翹鍾翹起身喇！要洗頭仔喇…喂喂喂！」
「哇！鍾翹你睇下！！Barney呀！」
「Barney……？Barney！Barney！Wow！Barney！」
「出去出去，阻住哂！」
每當鍾翹在家，我也心情開朗，
除了能父子團聚之外，鍾翹有媽媽悉心照顧令我格外安心，
不用擔心鍾翹在姜碧瑄那邊會有什麼意外發生。
就有一次，姜碧瑄不小心打翻了花瓶，遍地玻璃，弄傷了手臂，
幸好孩子剛巧在床上沒有事，然而姜碧瑄就沒辦法下床。
最後打來找我媽求救，我們緊張起來，連忙飛車過海。
走到她家樓下，我跟媽媽說：「媽我…都係唔上去喇…我響度等您…好嘛？」
分開後，我們的世界也分成兩邊，沒有多再見面，
由簽署撫養權協議之後，一直到上星期交收孩子的晚上。
之間發生的事情，也由我媽代勞。
很多時，媽媽會把她們互通的電郵轉載給我，
也會把她們外出的合照放在我電腦的桌面上，
她的最新消息也只能從媽媽口中得知，
我也有時候刻意把一些情報透露給媽媽，
好讓媽媽轉告她，
例如我經常一個人在家打遊戲機，足不出戶，
讓她知道，我沒有她，生活就真的沒有了，
從而她或許會意會到：「老婆，我很想妳。」
我知媽媽很希望我們復合，
只是我們實在無能為力。
一天外出後回家，跟鍾翹一起關在浴室拉屎，
看著他拿著跑車型小廁板的呔盤高興地裝著駕駛，
又令我想起跟她一起購物時的情景。
鍾翹，到底你長大後會怎樣？
會像你媽一樣當一個畫家？
不如先說你爺爺曾經想我當什麼吧！
他由我一歲開始就希望我能夠當上醫生，
開一間診所，每逢周末贈醫施藥……
直到我中四那年文理的分岔口間，
因為心儀的女同學選了文科班，我也選了文科升讀，
他知道醫生夢碎，顯然憂鬱鬱寡歡，
自此再沒有對我提過什麼望子成龍的大計。
這刻我一邊替孩子抹屁股一邊自言自語，
媽媽突然走進來說：「喂老豆你搞乜咁耐呀？哎呀！睇你搞到個仔成腳都係屎喇！」
媽媽把毛巾搶過來，我抱起孩子以便媽媽替孩子抹乾淨，
三個人迫在數十呎的浴室手忙腳亂，我想起她平日一定比我們更辛勞。
她會用畫筆把頭髮紮成一個髻，然後屈身替孩子整理，
這樣的工作真花力氣，堂堂姜家大小姐，
我能想象彼岸那個單親媽媽有多辛酸，紅起眼眶的孤獨感覺。
「喂……你去啦…」
「妳去啦！呢Ｄ野妳做開架嘛！」
「講明你番黎你做架嘛！」
「哇……呢劑特別臭喎…」
「可能轉左奶粉……」
「我願意出五百元聘請臨時換片員，小姐唔知妳有冇興趣呢？」
「冇呀，出手咁低！呢Ｄ苦力野起碼一千啦！」
「哇…小姐妳呢家咁叫做座地起價喇喎？」
「公價黎架啦！唔信你問下奶奶丫！」
「妳打去叫妳奶奶過黎換左條片佢啦！」
「奶奶未黎到，我同你已經中毒昏迷喇……」
「唉…拿妳負責除條片出黎，我抱佢去洗蘿柚！」
「你除條片出黎，我同佢去沖Pat Pat啦！你粗手粗腳，撞親個仔點算！？」
「好啦好啦……」
「哇……臭到呢……」
「你除緊片就咪擘大個口講野啦！」
「唔唔唔，今日Ｄ屎咸咸地！」
「快Ｄ啦！成間屋都臭哂喇！」
「唔唔唔……唔……唔……唔唔…」
「快快快，快Ｄ包起佢掉出去垃圾房！」
「唔唔，唔唔唔唔……唔唔唔…」
「妳睇你個仔瀨左屎都可以瞓得咁淋…」
「似足老豆！」
「其他細路通常瀨到一片都係都喊到九彩……」
「哈！偏偏你個仔一柯完就瞓！」
「可能個蘿柚暖暖地增加睡意……」
「咦你最近咪話瞓得唔係咁好啊可？」
「好呀，我今晚飲杯黑牛，然後柯到一灘灘咁醃住黎瞓！」
「好呀！唔該你去浴缸瞓，最多我幫你鋪張墊褥。」
「唔得！有好野梗係兩公婆有福同享啦！我會分少少俾妳享受！」
「你心地真係好好！」
「冬天都唔使開暖爐，被窩入面暖笠笠，仲要有得揀味道！」
「有咩味揀呢咁？」
「咁要睇妳有幾重口味喇！」
「我要最重o個隻！」
「咪係妳個仔Ｄ屎再由我個胃主理加工而成既特濃肉醬！」
「鍾莫言，睇下你一講核突野個樣幾咁開心！」