~咔~咔.....


咦?點解有門聲嘅?


仲喺甜夢當中嘅我,比門聲嘈醒。

咦~~難得人地發緊夢同泳琳sweet緊架嘛!!!
真係可惡呀.....!邊條友仔係度阻頭阻勢呀。



......咪住...門聲?

我突然清醒起離,彈左起身.......見到嘅竟然係...堂姐。

堂姐依家企左喺房門口,單手揸住門柄,雙眼好疑惑咁望住我,
好似慾言又止咁....我而家訓係床上面,個身冚住張被同堂姐對望緊....
我地dead air左十幾秒之後,堂姐終於都開聲。

「...妹...妹...你..有著衫架呵...。?」堂姐打開話端。



「緊...緊係有啦...。」堂姐究竟諗緊咩...。

「你...你...地有冇做安全措施...?」堂姐一路講一路四圍望,好似想搵我出離咁。

「你講咩....咩呀...堂姐...。」我有小小嬲,堂姐你當我咩人呀。

「閘住!我未係你堂姐呀...子仁去左邊!快d叫佢出離。」堂姐繼續搜索。

「真係犀利....識左我堂弟冇幾耐,已經有咁多你d女裝衫褲係度....,你到底耍左d咩手段呀?


可以令到一心愛泳琳嘅子仁咁快同你發生關係....!!」堂姐放棄搜索,轉而質問我。

「都...都話唔係囉...!唔係你諗咁....」我無名火起。

「冇野你會一早訓係佢張床?我承認你係有幾分姿式...
但係識左幾日就同人上床都唔方係好人啦...我唔會比你地一齊架!....
等子仁個衰仔返離,我實鬧死佢。」堂姐把口真係好勁,
我都唔知應該點開口講,佢就一輪咀....不停攻擊我。   


~叮噹~…………門鐘突然向起。


「緊係子仁個衰仔返離....你...唔準起身!」堂姐一手指住我,慢慢向門口走過去。



我緊係睬佢都傻啦,堂姐一轉身,我就即刻彈起身,跟住尾衝出去啦。

出到廳,堂姐剛好打開大門,企係門口嘅,...係泳琳呀。

好啦好啦,救星到啦... 泳琳快d幫我解釋吓啦。

「...咦...琪姐!你離左嘅~」泳琳講。

「...泳琳...你離得啱啦,唔洗驚...有琪姐幫你出頭,放心啦,
我唔會比果個女人留喺度。」堂姐一邊講一邊拖住泳琳入屋。

而家嘅我望住泳琳苦笑。

「....h...h...he......he......嘻嘻...哈....哈哈哈。」泳琳聽完堂姐講之後,
終於忍唔住大笑...眼淚水都標埋。



「...喺度幸災樂禍...快d幫我解釋啦。」我瞇起對眼啤住泳琳。

「......哈....h...he...係啦係啦。」泳琳強行忍住笑聲....不過見佢忍得好辛苦。

而家到堂姐一頭霧水,完全唔知我地講緊咩,好疑惑咁望住泳琳。

「...佢...he..咪係子仁囉.....」泳琳仲係忍唔到笑....。

堂姐而家上下打量緊我....於是我再將成件事又由頭講多一次。

「...咪..咪住先.....等我組織下先....,你話你果晚撞完車之後,第二朝訓醒就變左女仔......
而且仲喺夢入面聽到個男仔叫你做子欣?」堂姐坐低左,雙手翹起。

「.....冇錯.....」我點點頭答。



「咁即係,成件事嘅關鍵就係果日撞車啦。」堂姐突然企左起身,
擺出一副名偵探柯南,誓要搵出真相咁嘅樣。

「係....係掛...」可能啦.....。

「明白....咁我唯有搵你堂姐夫幫吓手啦,暫時唔洗咁擔心,身份證果方面,
堂姐有辦法架啦,應該冇問題嘅,但係未搞掂身份之前,子仁你暫時都要以子仁依個身分生活一排先,
我一搞掂,就會順便幫你轉校,等你可以...以女仔身份生活做咩都方便d。」堂姐講完之後行左埋離我面前...攬住左我。

「傻仔....一早就應該講比堂姐知啦....堂姐點都會撐你架嘛,係啦...而家應該叫你做傻女先啱..he..!」
堂姐攬得好溫柔,我感覺到佢嘅體溫,好...好溫暖呀。

我....開始心跳加速....咁大過仔都未比堂姐攬過,好...開心...。



「...好啦....所有野都搞清楚哂,依家第一件事,子仁你即刻落街搵間影相舖,
影住半打証件相比我,等我可以幫你搞証件。」堂姐好認真咁講。

「....er....咁....!」我講。

「咁咩呀,仲唔快d去換衫。」堂姐教官上身啦。

「....哦.....」我哦完就行向間房。

「...喂....!」堂姐大叫。

「咩...咩...呀?」比堂姐喝一喝,我口到震哂。

「著...靚...d....呀。」堂姐又試瞇起對眼,望實我。

就係咁,而家我單拖咁落左樓下商場。

本來諗住叫泳琳陪我,點知泳琳話好耐冇見堂姐,
要同堂姐傾心事喎,轉頭先同堂姐落離商場join我。

唉,估唔到泳琳都會拋棄我,由於堂姐逼我著靚d,
所以我而家係著住條純白色連身裙一身斯文look。

好快就影完証件相,見堂姐佢地又未落離,
冇理由企定定㗎...四圍睇下野先...哈...一於去行吓nike。

...咦...前面就係啦喎。

依個時候.....突然見到一對疑似情侶嘅人喺我前面,個女仔好細粒,
著住件校服,而個男仔就好高大...我諗最小有米八,亦都好大隻,
單眼皮眼細細咁,上身著住件黑色背心,下身就著左條普通深藍色牛仔褲,
著到成個古惑仔咁...而且仲染哂金毛,一睇就知唔方好人啦。

「...點...點...解....你要咁對...我喎...?」個女仔喊住咁喺後面追住個男仔。

「死開啦!你好煩呀,我根本就冇鍾意過你!」金毛仔一手推低左個女學生,好惡咁鬧佢,
周圍嘅人見到金毛咁高大又成個古惑仔咁都唔敢出聲。

但係半分體之後,我要個死金毛後悔。

我平生最憎人蝦蝦霸霸,仲要打女仔,簡直就唔係人。
我決定要過去教訓吓佢,就算唔夠打,我都唔會袖手旁觀。

於是,我慢慢行到去死金毛後面,拍一拍佢膊頭...,金毛即時轉身。

「又邊個....煩住哂呀!..ar........天...天使....」本來怒氣沖沖嘅金毛見到我之後突然成個人呆左。  

(機會離啦,飛雲)。

我迅速跳起,凌空轉身一個turning kick,踢中金毛個頭,
動作完美,一秒多餘時間都冇嘥。

~嘭~一聲....金毛應聲倒地。

周圍嘅人都嚇呆哂。就喺依一刻,人群後面,我見到堂姐同泳琳行緊過離。
大獲!唔可以比佢地見到我打人架.....速逃。

我即刻向反方向狗衝,直至四圍冇哂人,我先慢慢停落離。

「~呼...呼!!!!」~HA~HA~….頭先真係有驚無險,好彩堂姐見唔到我姐。

我抖順條氣之後,就行返去影相舖度同佢地匯合。

「走左去邊呀!」泳琳差起條腰,look大對眼問。

「冇...hehe...去左nike姐。」我笑笑口回應。

就係咁,我地都係食吓野,行下街咁又一日啦。
今日係暑假嘅最後一日啦,聽日我就要用依個女性身體去面對校園生活啦。

我決定暫時女扮男裝返學,因果我依家個樣同男仔果陣輪廓都幾似,
而且我仲上網買左個同我男人果陣時差唔多嘅短假髮,
我上網睇過d片,只要帶上一個髮網,將我本身把長髮收喺髮網入面,
再帶上男裝假髮就可以...希望可以瞞天過海啦,依家唯有係咁。

好啦,早d訓,有咩聽日再算啦...~吖~嗚~

九月一日,終於都來臨。

今日一早,我專登早兩個鐘起身準備,沖完涼吹完頭之後,
首先我就帶起髮網,將把長髮收入去,再帶上短假髮。

咦....效果又幾好喎! 依家望落去,即刻冇咁女性化....不過其實似tb多d囉....
換上男裝校服之後,我就企喺連身鏡前面練習吓壓低聲線扮男仔聲講野。

「...早晨...。」

「...你好....。」

「…good bye sir…」

怪怪地咁嘅....算啦,應該過到骨嘅,比d信心自己。「出發。」


用左十五分鐘就去到學校門口。

好野呀,早d返都係值得嘅,學校門口而家一個學生都冇,
得校工東叔坐左喺大堂張長櫈度,好....快d行入去先。

我一個箭步行左入門口,轉右準備衝上樓梯....點知。

「...喂...同學...!你唔洗睇分班表呀?」東叔坐喺櫈上叫住我。

「...吖...係喎...哈哈...唔該東叔。」我扮傻行返去大堂壁報板睇分班表。

「...咦...同學...好似未見過你嘅?」東叔企左起身,
而家行緊過離....死啦,唔係一返到離就出事掛....

~嗹~嗹~  校務處電話突然響起。

本來行緊過離嘅東叔,聽到電話響,即時掉頭好似好緊張咁。

(機會離啦,飛雲。)

咁好嘅機會,我緊係唔會放過啦,就喺百分之一秒嘅一瞬間,
我就好似識(凌波微步)咁,一枝箭跑左上樓梯。

5c班....5c班....喺邊度呢?...咦~搵到啦,3樓.....3樓....好彩指示夠清晰。

好快我就上到3樓,搵到5c班房。

不出所料真係一個人都冇,咁我緊係拿拿林搵返個冇乜人見到嘅窗口尾位坐低啦,
見仲早,一於僕底訓陣先。

....唔知訓左幾耐,我開始聽到傾計嘅嘈吵聲,我一張開眼,...咦...差唔多坐滿人嘅,再睇睇隻錶,
喂...八點半...,原來我訓左成個鐘架啦。依家我開始觀察其他人,有好多之前唔係同班,
所以唔多識我嘅人喺度,yeah,我d運未走呀,就喺我睇住隻錶倒數緊上堂時間果陣。

...突然....門口跑左兩個人入離。

大獲....係肥恆同黑仔,原來佢兩個同我同班。

我即刻張個假髮果大執陰撥落離,遮遮個樣,
希望冇咁易比佢地識穿啦, ..果然,佢兩個見唔到我,
而家坐左係門口果邊。

~嗹~~上堂鐘響起。

班主任miss lee準時行左入離,首先幫大家點一點名,睇下有冇人去錯班房。

本來一直都相安無事,但係到點到我個名果陣。

「周子仁!」miss lee四圍望緊。

「係,,,係,,,度呀!!!」我即刻壓低聲線,舉手。

喺果一刻,我眼尾及到黑仔同肥恆望左過離。

死啦...穿崩啦...唔得,我要主動出擊。

於是到lunch果陣,我主動行左過去肥恆佢地度。

「...喂....黑仔...肥恆,好耐冇見啦喎,最近咩景況呀。」我主動同佢地打招呼。

肥恆望一望過離,之後又僕返低...到底咩事呢。

「~你就唔夠老友啦,仁哥。」黑仔好悔氣咁講。

「...吓...咩呀?」我唔知黑仔咩意思。

「搵你又唔聽電話,whatapp問你去唔去打波又唔覆。」黑仔擰哂頭咁。

「...er....係呀...我早幾日返左福建飲囍酒吖嘛....唔記得覆你地添...哈...sorry囉。」原來係咁咋嗎,
仲以為比佢地識穿添。

「...唉...算啦,你老友失戀呀,你幫手安撫吓佢啦。」黑仔指住僕喺度嘅肥恆。

「...失戀?...無可能...佢拍過拖咩。」我笑笑口咁講, 之後黑仔打斷我個爛gag。

「咪玩啦...條女喺商場茶餐廳撞到嘅,肥恆一見到就好似撞左邪咁,
係咁話...女神呀...女神呀...,之後仲求我幫佢過去問條女攞電話...唉...我幫到盡架啦,條女唔比面,
仲so都唔so我地。....諗住肥恆條友會死心啦,又好似整定咁喎,早兩日諗住同肥恆落球場射波,
又比我地撞返條女喎,條女拎住個籃球喺球場行緊出離,我都叫肥恆算架啦,
點知肥恆仲要走去跟蹤人地,跟到人入快餐店,仲比哂情信咁。」黑仔講。

「咁....之後呢。」我扮哂傻咁問。

「~唔知喎~肥恆比完情信就衝左出離啦喎,不過佢唔走,都九成比人請佢食多次檸檬架啦,
講真條女咁索,身材又好,點會so肥恆吖。」黑仔雖然係事實姐,都唔洗講到咁白嘅...肥恆點解會鍾意我架。...

...無驚無險...終於都放學啦,yeah過到骨啦,咩事都冇,
連肥恆佢地都留意唔到,即係冇咩人會留意到啦....哈...哈...。

「係呀,子仁,你記得聽日放學要去籃球隊報到架呵。」放學之前,黑仔走過離同我講。

「...緊...緊係記得啦。」其實我唔記得咗。

「咁聽日見啦。」黑仔講完就走左。

放學之後我就即刻返左屋企,除低頭上個假髮,同套校服,大字型咁訓左喺床上面,
唉...個假髮戴左咁耐,真係好唔舒服,好鬼焗。 

休息咗一陣,我又諗起聽日嘅訓練,
點算好呢,我依家變左女仔仲應唔應付到校隊嘅訓練呢。?

我同黑仔,肥恆,都係今年一齊新加入嘅隊員,黑仔係打控球後衛,係球場上,最鍾意用垃圾話攻擊對手,
肥恆而家有成米八咁高,又大份,成隻灰熊咁,就緊係打中鋒啦,而我...之前講過啦,
我係分衛,我地三個新隊員,比其他同學叫我地做(狂歡三寶)...,唔係因為我地勁,
係因為我地三個同場果陣,緊會有d搞笑事件會發生,希望聽日平安無事啦。


諗完一大輪之後,我就沖涼啦,我開始習慣咗依個身體,而且有小小...鍾意添....講真依家嘅身形真係好迷人,
32c嘅上圍,條腰點解可以咁幼...?,雖然男仔果陣時身形都唔差,但此終冇依家咁完美嘅感覺。

比著以前見到條咁正嘅女,喺我面前除哂衫,我一定扯到爆,
但係依家望住自己,又完全冇哂果種衝動。

...唉...細佬呀...細佬,你真係冇用....十幾年離,你都發揮唔到你嘅功效,
點解你要離我而去呢,而家望住自己下面,空空如也,
得返一條線,但係都冇想搞佢嘅意慾。

沖完涼之後,都係好無聊咁上吓網,今又一日啦,堂姐呀,堂姐,
你幾時先會解救到我呀,我唔想偷偷摸摸咁做人呀。 訓啦...吖....嗚....