~星期日,就係安息日,已經日上三竿啦,我訓到中午都唔願起身,好似訓極到訓唔夠咁。

「~窗外陰天了~人是無聊了~我的心開始想你了~
~電話響起了~你要說話了~還以為你心裡對我又想念了~」

電話不停咁響。

....唉..比我訓多陣啦。

 「…喂...speaking。」我好唔願意咁拎起左個電話聽。



 「…喂..小欣...捨得起身未呀。」原來係泳琳打比我。

 「...係..係..bb豬,醒左啦,邊有訓姐...嘻嘻...吖...嗚。」我講。

 「…打哂喊路喎你。」泳琳質疑緊我。

 「...嘻嘻...比你識穿左添。」我講。

 「...開門啦,傻婆。」原來泳琳已經到左我門口啦。 我仲係烏眉瞌睡咁,行左出去開門比泳琳。



 「..喂...仲想訓,過離呀。」泳琳見到我想走返入房,即刻扯返我出廳。

 「.十分鐘吖...。」我哀求緊泳琳。

 「...唔...得...呀。」泳琳贏左啦,我投降啦....而家同泳琳一齊坐左喺梳化睇電視...
一開電視...城市論壇喎...好悶呀....轉台...轉台...。

 「...都冇野睇嘅。」我拎住個搖控撳離撳去。



 「…不如去我阿爺會所度灑太陽同焗桑拿吖。」泳琳突然諗到節目。

 「...咦...都好喎,上次去沙灘又游唔成水,而且你阿爺屋企就喺附近,行過去十分鐘就到啦。」 我好興奮咁講。

 「...好就快d刷牙洗面啦,仲坐喺度。」泳琳拍一拍我背脊,推左我入廁所梳洗。
 我好快就梳洗完行返出離,原來泳琳已經幫我簡好左套衫啦。

 「…拿...今日著依套啦。」泳琳遞左套衫比我,係一件白色衫同一條牛仔短褲,
...著左上身之後,就知點解泳琳簡依套衫啦,...因為..泳琳自己都係著住白色衫同牛仔短褲,唔通想同我著情侶裝...?

 「...子欣...你著得..好好睇呀。」泳琳面紅紅咁同我講。

 「…你咪著得仲好睇過我,bb豬。」我摸一摸泳琳個頭。
 我地去左附近食左個lunch先,食完之後先去會所游水。



其實我同泳琳間唔中都會去阿爺會所度玩,因為貪佢夠近,而且又有健身室,我又可以去推吓胸同跑步....,
不過而家變左女仔就....唔洗再推大個胸啦...哈哈。

行到去阿爺屋苑,都唔洗十分鐘,泳琳一路帶住我慢慢行入去會所果度。
yeah~好耐冇離啦,有d掛住依度添,對上一次離,已經係八月嘅事啦,真係好急不及待啦我。

 「...喂...。」可能我都真係好熟依度嘅關係,冇理到泳琳叫我,就一枝箭咁衝左入廁所準備換衫啦。
一入到去,緊係搵返個用開嘅locker啦,好啦,除衫先。

 「...嘅....小姐。」有人叫我嘅?我擰一擰頭望,係一個大哥哥。

 「...依度係...男更衣室喎。」著住條波褲嘅大哥哥面紅紅咁講。
大獲啦.....唔記得左而家係女仔添.....醜死鬼啦....。

 「...er..唔好意思...。」好彩今次我著定左件泳衣喺入面姐...我拎返起哂d野,九秒九衝返出去。



嚇死我...嚇死我啦。

 「...都叫住你架啦,仲衝入去。」企喺更衣室門口嘅泳琳嬲爆爆咁話我。

 「...習..習慣左添..嘻嘻。」我笑笑口講。

 「跟住我啦。」泳琳講。

於是我就跟住泳琳衫尾,慢慢步入男性嘅禁地....會所嘅女更衣室啦...
嘩...原來女更衣室依邊大咁多架....仲有好多梳妝檯比人化妝添。

因為今日係星期日嘅關係,所以而家都有幾多人喺度換緊衫。

 「...唔準周圍望呀...。」泳琳另轉頭警告我。



 「...邊有喎。」我好無奈咁回應泳琳。

 泳琳帶我去到一個應該係佢用開嘅locker位置,之後我地就除低衫褲,將d野收好入櫃啦。

 「嘩...好熱鬧呀...。」出到泳池出面,泳琳講。  

不過都真係幾多人,泳琳搵左兩張太陽櫈,於是我地就過去灑太陽先啦。
 而家我著住左套紫色嘅比堅尼,而泳琳就著住套白色比堅尼,我地兩個靚女吸引左唔小男泳客嘅目光...,
周不時都有男仔喺我地兩個身邊行離行去,仲有...我見到頭先男更衣室果個大哥哥,佢喺我前面經過左成五六次囉。

 真係好舒服呀,溫暖嘅陽光射落我嘅身上,一種暖和嘅感覺充斥住全身,就好似比一個全身都好暖嘅人攬住一樣咁舒服呀。
其實女仔灑黑d都冇咩所謂啦,都唔明d人成日都話女仔一定要夠白,咩野(一白遮三醜)喎,計我話呢,
你係靚就黑白都靚架啦,係咪先。



就喺我訓喺度享受緊咁舒服嘅環境果陣。

突然有個人行左埋離我身邊,龐大的身軀遮住哂溫暖嘅陽光,我睜開眼望一望到底,邊條友仔喺度阻頭阻勢呀。

 「...子...子欣..,好...好耐冇見啦。」一把熟悉嘅聲線....,原...原來係肥恆。

係喎,唔記得左肥恆都係住喺依度嘅添,以前間中都會同佢一齊喺度做gym。

 「…吓...點解你喺度架。」我嚇到彈左起身。

 「...子欣...你唔記得啦咩,我不嬲都住喺度架啦....嘻嘻。」肥恆面紅紅咁同我講,
個樣仲好似中左六合彩咁,笑到見牙唔見眼。

 「…er....係...係...喎。」我都唔知同佢講咩好啦。

 「...係..係呢,你轉左校呀?....果日之後都再見你唔到啦.....,我好...好掛住你呀。」肥恆好怕醜咁講。

 「...係...係呀,你知啦,我依家嘅身份....點可能...唔轉校呢,哈哈。」肥恆原來仲鍾意我架....唔好啦掛。

 之後肥恆就一碌木咁幢左喺我側邊,係咁聊我講野....,大佬...都真係幾煩吓....,
人地本來心情好靚咁灑太陽架嗎...依家肥恆望住哂,點灑喎。

 「...er...我都係游吓水先。」我趷左起身,諗住行去游水。

 「...子欣,去邊呀。」差d訓著左嘅泳琳見到我起身,醒左一醒。

 「…咦...原來泳琳都喺度呀。」肥恆終於都望到泳琳啦。

 「…咦...你咪係...。」泳琳記得肥恆係我個friend,但係就嗡唔出肥恆個名。

 「…係呀,子仁個friend呢。」肥恆講。

 「...哦...係呀,係呀,我認得你...不過....你...點解...。」泳琳有d疑惑肥恆點解認得我。

 「...哦...嘻嘻,我一早知道左架啦。」肥恆笑淫淫咁同泳琳講。

 「...吓....幾時嘅事離架。」泳琳有d驚訝。

 「...嘻嘻...,都係我地衰囉,當時又唔知...黑仔又貪玩喎...格硬除子仁衫...咁所以....。」
肥恆一路講,個樣就好似一路回味緊咁,好嘔心囉...。

 「...夠啦.....,唔好再講啦,我唔想...記返起呀....。」我個樣好唔開心咁dup低左個頭講。

 「…你地...唔會對...子欣做左d咩野掛...?..」泳琳好緊張咁講。

 「...冇呀...冇呀..咩都冇做過。」肥恆面都紅埋係咁耍手另頭。

 「...啍...冇你咁好氣,死肥恆,我游水。」我嬲爆爆咁行左去泳池果邊。

 「…喂..子欣...唔好嬲啦...等埋呀。」肥恆見到我嬲爆爆咁,即刻好驚咁追住我。
 我都費是理肥恆啦,而家跳左落水度,浸返陣先,...咦..d水都唔算太凍喎,幾舒服咁啦。

好啦,游返幾個堂先。

其實男仔果陣時嘅我游水都唔差架,閒閒地都游到十幾個堂,但係估唔到變左女仔之後都仲keep到,
我而家游到第十個堂都未有攰意,

.........終於我有到第十五個堂,好啦都係休息一陣先啦。

 「…吁....吁...。」我而家上左水,坐左係池邊長櫈度透緊大氣。

 「...小欣...,飲唔飲汽水呀..嘻嘻。」肥恆又失驚無神坐左係我隔離,仲隊左罐可樂埋離添。

 「…唔..唔洗啦,肥恆。」游緊水飲乜鬼野汽水呀....唔怪得肥恆會咁肥啦。

 「...係呢...小欣你...有冇男朋友呀?..」肥恆突然提出左個咁嘅問題。

 「...痴線啦...肥恆..你...你知我係男仔離架。」我好激動咁答肥恆。

 「...我...我諗住你都變左女仔咁耐啦....諗法可能會唔同左吖嗎...。」肥恆口窒窒咁講。

 「...你...都知我好愛泳琳架,點會變姐。」我口窒窒咁答肥恆。

 「...但係...你地而家兩個女仔喎,社會都唔接受啦...不如...。」肥恆慾言又止咁。

 「...不...不如咩呀?..」我問肥恆。

 「...不如比我做你男朋友啦。」肥恆又離啦。

 「...喂...,點解你仲唔死心架...,我一直當你係我細佬架咋。」 我好無奈咁答。

 「…咁..我真係對你一見終情吖嗎,你唔可以剝削我鍾意你嘅權利架小欣...,
總之我對你嘅愛...就唔會變啦,無論你鍾唔鍾意我都好...,
我都會一直喺小欣你身邊...支持你,關心你...,我會一直等你架。」肥恆情深款款咁對住我講。

 「…er......。」我都唔知再講d咩好啦...,算啦,佢鍾意點就點啦。

 之後我就返左去太陽櫈果邊搵泳琳,原來泳琳已經訓著左,仲訓得好冧添。
我叫醒左泳琳,之後我地就返入去更衣室沖涼換衫啦。

出到更衣室門口之後,我好似做賊咁左望右望。

「做咩姐...小欣你。」泳琳見我鬼鬼鼠鼠咁,所以問我。

「你唔明架啦,我睇吓肥恆有冇跟蹤我呀,...呼....好彩應該冇姐。」唔見肥恆,我鬆左一口氣。

「佢好似好鍾意你咁喎...。」泳琳笑我囉。

「唉....條友未知我係子仁之前仲變態到跟蹤我囉...,又寫哂情信咁喎...。」我講。

「...其實....男仔追女仔咁都好正常喎。」泳琳講。

「..........。」我唔識答。

「...唔好再講佢啦,我地返去煮飯仔啦...嘻嘻。」我推開左個話題。

「咁好啦...。」泳琳答。


於是我同泳琳就一齊去左買餸,買完之後就一齊返我屋企煮飯仔啦,
我地兩個人揪住一袋二袋咁,慢慢步向我屋企門口,...咪住先....點解...點解....我屋企門口,坐左個人喺度架.?...