~一個熟悉嘅身影,...越離越近...,越近我就行得越慢,到我地只有五米距離,...我終於睇清楚啦.....。

 「...咦...你咪..泳琳。」係...係我堂哥呀,佢認得泳琳。堂哥而家一手拖住個大喼,
一手拎住個背囊,背脊後面仲咩住個結他,好似走難咁款。

 「…er....你係...?...」泳琳睇離唔多認得堂哥。

 「我呀...子仁堂哥文聰呀...,舊年暑假,返過離子仁屋企住過幾個禮拜架呢...。」堂哥見到泳琳,依家好鬼興奮。

 「...哦...聰哥,我記得啦,教我彈結他果個。」泳琳終於都記得。



 「...係呢...依位係..?」堂哥而家望住我。

 「...吓....ar.....。」泳琳開始面有難色,唔知點答好。點好呢...點好呢...。

 「...hi...我...我係泳琳家姐呀,你好。」臨急臨忙是但啦,扮住泳琳家姐先啦。

 「...oh...Nice to meet you.,原來係泳琳家姐,唔怪得同泳琳一樣咁靚女啦。」堂哥答我,

 「…不...不如入去先講啦。」我開左度門入屋。



 而家堂哥坐左喺梳化度,整理緊佢d行李,等我介紹吓我堂哥先啦,
佢叫做周文聰,即係我堂姐周文琪細佬囉,今年廿六歲,好鬼死聰明架,
聽講iq有成150,細細個讀書果陣已經係資優生,十五歲已經係當年會考唯一一個十a狀元,
之後去左加洲大學做交換生,廿一歲已經喺加洲大學完成物理化學系碩士學位,
之後又無啦啦話想做一個流浪歌手喎,再繼續進修聲樂課程,最後到今年完成埋聲樂課程拎到加洲大學雙碩士學位。

唉... 無啦啦返離都唔單聲架,你話點搞呢。

 「...咦...係喎,子仁呢。」堂哥整理完行理,之後問我地。



 「..子仁佢...去左學校交流團要一個星期先返。」泳琳爆左句出離。

 「…ok..,咁點解...你地會喺度嘅?...」堂哥好多問題呀。

 「…因..因為,其實...我同子仁同居緊。」泳琳繼續發功。

 「...oh...i  know,唔怪得依度周圍都係女仔衫褲啦。」堂哥四圍望緊。

 「...係呀...子仁唔係度依排我都會喺度陪泳琳架...嘻嘻。」我繼續配合泳琳。

 「…okok,其實子仁唔喺度仲好啦,我又可以了解多d泳琳妹妹你啦。」堂哥條友...不嬲我都覺得佢對泳琳有意思架啦,
而家我唔係度仲唔食住上咩...激氣呀。

 「…係呢,阿聰哥牙,你唔會打算住喺度架呵?你知啦,兩個女仔喺度唔係幾方便架嗎...嘻嘻。」我問堂哥。



 「…er...我要搵左我家姐先,佢會安排我住宿嘅,放心啦。」堂哥輕描淡寫咁答我。

好彩唔係喺度住姐,繼續對住佢真係人都癲呀。

 「...你地係咪諗住煮飯呀?...」堂哥望到我地拎住嘅食材。

 「…係...係呀,你都應該肚餓架啦呵...我地入去廚房先...。」我口窒窒咁答完堂哥,
之後就拉左泳琳入廚房啦。 .

「...點算呀,子欣。」泳琳喺廚房問我。

 「見步行步囉,反正佢都唔會喺度住,應該食完飯就會走掛。」我好無奈咁答泳琳。

 就係咁,我就開始煮飯啦,因為泳琳完全幫唔到手,所以中途我叫左佢出去坐吓先,


我用左半個鐘時間就煮好哂啲餸菜,而家拎出去廳放低先。

 「...哈哈..,泳琳唔係咁架,個f chord呢如果撳唔到,就撳住f maj7先啦,簡單好多架。」頂....堂哥條粉腸,
而家坐左喺泳琳後面教緊佢彈結他囉,仲要捉住佢隻手,成個人攬住佢咁滯,非禮呀...。

 「...er....食得飯啦喎。」我大大聲咁講。

 「...oh...thanks 家姐,我地練埋依度先。」...喂....,放開個女仔佢呀。

 「…泳琳牙...你地咁親熱...好似唔係幾好喎。」我見泳琳好似好享受咁,忍唔住出聲啦。

 「...er...都係嘅,食飯啦不如。」泳琳終於都醒覺啦。

 「..係嘅,家姐煮得咁辛苦,等我試下先。」堂哥講。



 佢地終於肯乖乖地過離食飯啦,堂哥仲對我煮嘅野讚不絕口添。

 「…係呢,聰哥,聽講你喺外國讀完書返離架喎,有d咩鴻圖大計呀。」食食吓飯,我問堂哥。

 「...我決定左架啦...,我要做一個電單車手。」咩料呀堂哥,九唔搭八嘅,讀左咁多書做電單車手,藝術家真係藝術家。

 「...但係..你之前唔係話想做個歌手架咩?」泳琳問堂哥。

 「…er...我而家又覺得自己唔係咁適合做歌手喎。」堂哥好認真咁答。

 「...吓...變得咁快嘅。」泳琳講。

 「...小琳,我對你唔變咪得囉。」堂哥又發功啦,佢都算係個靚仔離嘅,而家chok哂樣咁,成個謝霆鋒咁。

 「...聰哥...唔好咁啦。」死啦,泳琳面紅呀,唔係真係比堂哥霖到吖嗎。



 「...er...係呢,聰哥...你又話搵琪姐嘅。」我嘗試推開話題。

 「...係喎,我都唔記得左家姐幾多號電話添。」堂哥咁聰明,但係依d野又會唔記得囉。

 「…我有琪姐電話呀,我幫你打吖。」我搶住打電話。

 …嘟....「喂...子仁咩事。」好野,係琪姐呀。

 「...喂,琪姐牙,我係泳琳家姐呀,無呀,阿聰哥返左離喎,而家喺子仁度。」我同琪姐講。

 「吓...咁突然,個衰仔冇提過嘅,我而家同你姐夫去左澳門喎,要聽日先返呀。」堂姐答我。

 「…吓...咁點算呀?...」我好緊張咁問.。

 「...冇計啦,子仁,比佢喺你度住一晚先啦,聽日我返離,先幫佢安排地方住啦。」堂姐好唔好意思咁講,
之後就收左線啦。而家泳琳同堂哥都望住左我。

 「...er...琪姐話,叫聰哥喺度訓一晚先喎...哈哈。」我傻左啦。

 「ok ..,No problem,我訓廳得架啦,唔洗理我喎。」堂哥講。

 就係咁,我又要收留多個麻煩人喺度訓一晚啦。食完飯之後,我入左廚房洗野,
堂哥就繼續喺度溝緊泳琳...諗起都真係人都癲呀,要放個情敵入離同自己女朋友住一晚喎,千奇唔可以鬆懈呀。

 我同泳琳各自沖完涼之後就一齊行左入房,而堂哥就繼續喺張梳化度彈佢嘅結他,彈到合埋哂眼,懶有feel咁。

 「…泳琳...,冇問題吖嗎?...」 我問泳琳,而家我同泳琳兩個一齊訓左上我張床。

 「...嗯...,我同左媽咪講,話去小欣屋企過夜。」泳琳細細聲講。

 「…你...媽咪..冇話你?...」我問泳琳。

 「…佢...仲係未接受到架,不過就冇之前咁抗拒囉,...佢叫我地兩個女仔,訓還訓,唔好搞搞震喎。」泳琳面紅紅咁講。

好彩泳琳媽咪唔係報警搵女果d人姐....,但係...其實...咁耐以離,泳琳都未離過我屋企過夜架....。

之前泳琳媽咪死都唔比,話驚我地搞出人命喎,...唔通覺得依家兩個女仔搞唔出d咩出離,所以無所謂?

出奇地,依家我地成晚完全冇發生過任何事,...嘻嘻.....你估晚晚都有野發生咩...,
我同泳琳就只係攬住咁訓到第二朝,本來喺出面彈緊結他嘅堂哥,可能舟車勞頓嘅關係啦,
我同泳琳入左房冇幾耐就已經聽到佢嘅鼻鼾聲,所以呢,令大家失望啦。

到左第二朝,堂哥仲係訓到不醒人事果陣,我同泳琳就已經返左學啦。

 「…係喎,表姐你就離生日啦喎。」lunch果陣,表妹無啦啦醒起。

 「...咦…幾時呀?…」kimmy好好奇咁問。

 「...十月廿六吖嗎,星期六咪係囉。」表妹一個洞悉機先嘅樣。係喎,我自己都唔記得左添,原來星期六就係啦。

 「...㖿...衰人伍家蔚,做咩唔早d話我知喎。」kimmy咒怨緊表妹。

 「…喂,倪金兒,表姐fackbook都有寫出離啦,係你冇留意姐...呵呵。」表妹還擊。


  係喎,離左泳琳學校讀書之後,泳琳就幫我開左個fb,平時我都只係用離睇吓泳琳d相,同比佢地tag返我。

 「……吓....er...對唔住呀家姐...。」kimmy同我講。

 「…哈哈...傻啦,都未到,依家知咪得囉。」我笑笑口咁同kimmy講。

 「…咁...點同家姐慶祝好呢...。」kimmy對眼又look左向上啦。

 「...er....不如,去海洋公園(哈佬喂)吖,我識人可以拎到快証喎。」阿成提議。

 「...都好喎,我好耐冇去過玩鬼屋啦,諗起都興奮呀。」kimmy好興奮咁講。

 「…正喎喂,又有鬼屋玩,又有跳樓機,果晚真係有排玩啦,表姐你點呢...嘻嘻...好想去呀。」表妹係咁比壓力我囉。

 「...嘅...其實我冇去過(哈佬喂)架...哈哈,試吓都好嘅,係咪呀泳琳。」其實係因為我好驚鬼架,所以以前都唔係咁敢去。

 「…er..冇所謂。」泳琳講。

 「...嘻嘻,kimmy鍾意...吖唔係..子欣鍾意就好啦...,咁我搵人安排吓架啦。」阿成好開心咁喎。

 我食完飯冇咩野做,就諗住去籃球場坐吓,咦...可能時間尚早啦,而家得幾個師兄喺度射緊波,
長櫈果邊一個人都冇喎,好啦,過去坐吓先....。...突然。

 ~吧嗒吧嗒....好似有人...走緊埋離喎。

 ~...嘭...~.....有人喺我背後用硬物,打左我一野...,我成個人訓左落地度。

 「...我警告過你架啦,係你逼我架....點解你係都要...煩住一軍呀....!!!!!」原來又係alice,
佢喺我後面用木頭扑左我一野之後,而家好似癲左咁撲左埋離,騎左喺我身上面,係咁扯我件衫,同我d頭髮。

 「...喂...痛呀,...放手呀...痴左線咩你。」我而家係咁掙扎。

 「...我...我...要殺左你...呀....呀呀...。」死啦,alice好似精神病發咁,進入無人之境,
而家雙手摙住我條頸,直頭想殺死我咁...。

 「…喂....ar.......a....。」頭先比佢喺後面扑左一野,個人本身已經暈暈地,依家佢仲要騎住我,
用盡全力想至我於死地咁摙住我條頸....,我...我....就離透...透唔到氣啦,意識開始模糊....。

隱約見到有個男仔衝左埋離,一手推開左alice。

 「喂...喂....小欣...醒吓呀...小欣...你唔好有事呀。」果把聲好激動咁叫....點解....好似...似曾相識咁嘅.....。