［回憶］［校園］一個信息改變左我嘅中學生活: 續(五)夢想

講完之後阿心就打爆左佢坐住嘅冰，但變成嘅唔係一塊塊嘅碎片，而係一個用冰整出黎嘅銘字。
我睇到之後跪左係地下，我好驚訝點解阿心會準備咁多禮物比我，更估唔到每一份到用盡心思，令我反思左我多野。
阿心，既然我地都想一齊返，點解我地仲要係度流眼淚啊？我地應該出去慶祝同埋感受返拍拖嘅感覺啊。我好激動咁講。
阿心背住我講：你仲記唔記得當年點解我地點解會散啊？ 四年後嘅今日我仲點敢咁張揚啊？佢講嘅同時我都聽到不停有滴滴滴嘅聲音出現。
我：但係依家嘅我地唔同啊，我地都18歲架啦，點解仲要收收埋埋啊！如果連鐘意一個人我都要收埋嘅話，我同一個懦夫有咩分別啊！
阿心：阿銘，你一路都知道自從我地開始拍拖個一日，我就用同你度過一生黎做我嘅夢想，我依家唔敢去嘗試，只係希望我嘅夢想唔好要破滅多一次啊。同埋我驚今日同左你一齊，聽日就要分開嘅感覺啊。
阿銘，其實我今日做咁多野都係希望唔好為自己嘅夢想留低一份缺陷咋。
我聽完之後，我一開始個一份嘅激動已經消失得無影無蹤，遺留嘅就只有傷感仲有無奈係我嘅腦海。
對唔住啊，阿心。我唔應該咁激動架。我好細聲咁講。
無所謂，只不過我要你今晚盡情咁係度陪我玩，仲有聽日去陪我睇放榜結果，如果有辛可以一齊入到大學嘅，就係天賜良緣，如果唔係可能就係緣盡此生啦。




所以我希望今晚可以有你陪我挨過依一日。