阿心,如果我同你唔可以入到同一間大學,就要永遠分開啊?我好驚咁問。
阿心:我都唔知啊,我阿爸就話等我讀完大學就移民去外國,永遠都唔會返黎,但係咪真但嘅我就唔知啦。
我心入面盤算左一陣,即使我地可以入到同一間大學,但四年後呢?我要將阿心依個人係我腦入面永遠刪除?定係跟佢去外國?
諗到依一刻,我已經無哂所有嘅心情去玩,我只係唔理阿心自己坐埋一邊,冷淡咁睇住個銘字,仲有無奈嘅阿心。唔通讀書唔叻,真係咁大問題咩!我喊左依一句。
阿心見我咁激動,就行左過黎攬住我,細細聲咁安慰我講:可能你可以同我入到同一間大學,我阿爸就會對你改觀,唔洗要我移民黎避開你。
我聽完反而更加激動,居然會有一個阿爸為左避開一個讀書唔夠叻,屋企唔夠多錢嘅人,特登移民去強迫自己個女離開依一個人。
哈哈哈⋯⋯⋯我對住個天冷笑左幾下,可能有錢人嘅生活仲有想法,我依D窮人都唔會明白。
阿心見我咁灰,佢無出半句聲,只係緊緊咁攬實我,心入面默默咁支持我。
我過左一陣,心情平伏左落黎,我帶著微笑同阿心講:有一個遊戲,我想同你玩好耐啦,唔知今日有無機會啊。
阿心好疑惑咁問我:係咩遊戲啊?




我好認真咁講,你合埋對眼,行前十步。再坐低啊。同樣我都做同一樣嘅野。
跟住你就用周圍嘅冰黎砌一個物品,然後再講個物品係咩意思。
阿心佢雖然好噩然,但係佢都跟足我嘅指示黎做。
一個鐘之後,就一齊攞出黎互相睇下啊。
一開始嘅時候,阿心不斷咁問我點解玩依個遊戲嘅,點解要係砌野嘅?各式各樣嘅問題,但我通通都係答:等陣你咪知囉。
10分鐘之後阿心先開始認真砌個野出黎,而我,就去我嘅袋度攞出我一早準備好嘅物品。
好快,就已經得返五分鐘,我提一提阿心,再睇一睇手上嘅錶,心入面同自己講:今次一定要得啊!
嘟嘟嘟。。。。我手上嘅錶已經響起,隨即,我就聽到鎖鑰開門嘅聲音。
看更行左入黎同我地講:夠鐘走啦,依商場仲有半個鐘就開啦。我聽完暗爽左一下:同我預計嘅一樣。
我見阿心砌完出黎之後,只係影左一張相,之後就一腳踢爛左佢砌嘅野,再拖住我隻手講:行啦,我地去食早餐之後睇放榜啦。




好快我地就食完左一個簡單普通嘅早餐,一齊去面對眼前嘅依一刻。
正當我地行到去間房嘅門口,我伸出左雙手,擋住阿心,跪係佢面前講:我唔知一陣係我地表上嘅會唔會係同一間嘅學校,但我知道眼前依一刻我必須要把握,我唔理你阿爸派左幾多人黎監視你,但我準備嘅依一樣嘅你一定要戴係手上。
我攞出左一隻鑽石戒指,戴左係阿心嘅手上。我四年前同你講過,有一日我會為你戴上真嘅鑽石戒指。雖然依D嘅戒指你屋企有好多,但係依一隻戒指就代表住我,即使分隔兩地,定係近在身旁,你都唔可以除低依一隻戒指。可唔可以啊?阿心!
我見阿心慢慢咁將隻戒指戴左係手上,再抶起左我。拖住我隻手,慢慢咁去攞個一張決定一生嘅紙。