［回憶］［校園］一個信息改變左我嘅中學生活: 續（七）離開或一起

阿心企左係我旁邊細細聲咁同我講：如果我地真係要分隔兩地，你可唔可以block哂所有同我有關係嘅野啊。
我：點解啊？阿心。我地即使見唔到大家個樣但都可以靠相仲有wts黎互相關心，點解要block哂所有同你有關嘅野啊！
阿心：唔洗啦，到時大家都有唔同嘅生活圈子，而我都會慢慢係你嘅腦海沉沒，咁長痛就不如短痛啦。最後阿心仲補上左一個嘅微笑。
我聽完就好似崩潰左一樣，跪左係地下。
呯一聲，時間好似減慢左咁。每叫一個名，都為我同阿心加上左一份壓力。直到個一刻。
林家銘同學。
正當我準備出左嘅時候，阿心拉住左我：如果你入嘅唔係最好嘅大學，可能就要永遠都見我唔到架啦。
我拉開左阿心隻手，背住佢慢慢咁行去攞我嘅命運決定紙。我行到去老師面前，輕輕咁接實佢比我嘅個張紙，再急急腳離開依一間房，途中我都唔敢打開個一張嘅放榜紙。我行到去阿心面前，我地都點一點頭，意思即係出面見嘅意思。可能我地兩個都心靈相通，唔想係咁多人面前，面對咁重要嘅時刻。
我好驚咁行出依一個地方，行到一個無咩人嘅位置，慢慢咁回想起，以前同阿心嘅一點一滴。
你應承我以後都唔會分開啊。 如果依一隻戒指仲係你手上，你都唔可以離開我。一句句嘅聲音，就好似錄音機咁不停係我耳邊重播。




我摸一摸自己隻手，戒指已經唔再係手上，阿心會唔會都係同依隻戒指有一樣嘅收場？我好黯然咁問自己。
喂！阿銘！阿心係我耳邊大喊。
我先係嚇到彈左一下，先再係有反應見到阿心。
我見阿心一副好輕鬆嘅樣，佢可能係可以入到佢想入嘅大學，我見到都鬆左一口氣。雖然我唔知佢有無睇到自己嘅放榜成績，但係我一諗返起我仲未睇自己嘅放榜成績，我又開始變返焦慮。
阿心，可唔可以幫我揭開張紙啊，我唔夠膽揭開睇啊。以前我幫你做咁多次野，你可唔可以幫返我一次啊。我好不安咁講。
你點可以咁架，我識得嘅阿銘係一個好大膽，好願意面對問題嘅人黎架。仲有啊，今日之後可能你唔會再有機會請求我架啦，所以我希望你可以成長啊。阿心好語重心長咁講。
原來阿心都係未睇放榜成績，佢同我一樣咁驚。我心入面講。
我同阿心異口同聲講：不如數3，2，1之後一齊揭開依一張紙啦。