［回憶］［校園］一個信息改變左我嘅中學生活: 續（十三）轉變

阿心：阿銘，可能我地唔會再有機會見面啦，不如你依家出黎，我地見埋最後一次面啦。
你講咩啊？點解我唔明你講咩嘅？過幾日大學注冊啦喎，做咩會係最後一次見面？定係你阿爸又做左啲咩啊。我好疑惑咁講。
阿銘，我阿爸已經買好左機票，後日我就會飛去英國讀書，無機會再返黎架啦。所以我希望係依一日之前，見埋你最後一次啊。阿心喊住咁同我講。
阿銘：估唔到我咁努力讀書，打算同你入同一間大學所做嘅付出，竟然係一啲用都無。原來緣份真係一早整定左。
我講完依一句，我地兩個人都停哂口。可能係因為阿心嘅無奈，或者係因為我灰諧嘅語氣。但係當中嘅痛苦，我地兩個都可以切身感受到。
阿心：我地不如返去學校啦，我想帶走係入面6年嘅回憶，仲有留低嘅記憶碎片，同埋我地兩個一齊踏足過嘅腳印。
阿心，我知道你無辦法抵制到你阿爸，但係你唔一定要咁灰架，可能有辦法可以解決架。我好冷靜咁講。
無機會架啦！無機會架啦！阿心愈講愈大聲。情緒變到好激動。
過左幾秒，阿心用沙啞嘅聲音黎求我返去學校，雖然我對於返去學校並無覺得有咩野問題，但係睇見阿心咁大嘅反應就覺得係佢跨大左件事。
我好奇咁問自己：到低係我過份嘅冷靜，定係我輕視左依件事？




即使我唔知道答案，但我都係實牙實齒咁同阿心講：老地方等，不見不散。我講完左依句就輕輕咁㩒左cut線個制，聽住嘟嘟嘅聲音，我只可以等待阿心到左學校嘅時候，先再好好咁處理。

好對唔住咁多位讀者，要你地等左咁耐，因為近排學校多左好多野做，所以先咁耐無出故，非常之唔好意思。希望你地唔好介意，繼續支持我，同埋將呢個故分享比其他人睇。