我好忐忑咁行返學校,到低因為啲咩我會咁冷靜嘅?依個問題就係途中不斷纏繞住我個腦。係因為我對阿心已經無感覺?定係打擊太大我無辦法理解到自己嘅心情?
我無辦法睇得透自己,只可以呆下呆下咁坐低係小食部嘅其中一張枱上面,慢慢咁等待阿心嘅救贖。 坐左一陣,成個人好似定左神一樣,對身邊嘅野無哂反應,就連隔離有人大叫,我都係充耳不聞。
喂!阿心係我隔離大叫。手上仲攞住兩個細撈仲有朱奶。既然我講過今日係要返黎攞返自己嘅回憶碎片。首先就一定係要好似個一日咁坐係小食部,回顧返個一段嘅錄音。只不過係由四個人變個兩個人姐。阿心好興奮咁講。
我突然覺得好驚訝,明明阿心未黎學校之前仲係好傷心架。點解依家會咁嘅?阿心,你⋯你做咩咁興奮嘅?正話你先係好傷心架?我震哂口講。我靈機一觸,唔同你阿爸唔洗你去外國?你答我係咪啊!我抱實阿心講。
阿心: 唔係啊,我都係要去外國啊,只不過係我諗住係度過埋依幾個鐘最開心嘅時刻,仲有我希望可以叫埋你一齊上黎我屋企,盡你最大能力黎幫我一次啊。所以我先壓仰住自己所有嘅情緒,慢慢享受埋依一刻。
雖然我諗得唔太清楚,但係我都盡力咁去了解阿心嘅思緒。只可惜係換黎一頭嘅霧水。咁你打算食完個撈麵之後做啲咩啊?我無奈咁講。
阿心:等陣你咪知囉,大把野比你玩啊。我聽到之後不禁心寒左一下,我震左一震之後,再繼續同阿心做[時光獵人]。