［回憶］［校園］一個信息改變左我嘅中學生活: 續（二十一）突變

阿仔，呢度邊度黎架?點解我會係度嘅，我地唔係去飲茶嘅咩？我阿媽好驚訝咁講。
我同阿心聽到佢咁有精神講啲咁嘅野，我地兩個都深呼吸左一下，平心靜氣咁講：你頭先係街度暈低左啊，我地先叫白車送你黎醫院咋。
我阿心聽完之後首先係呆左一下，之後就大大聲咁吓左一聲。
咁我份檢查報告點講啊？我係咪有啲咩慢性疾病啊？會唔會死架？點算啊？我阿媽一下子變到好似一個無哂錢嘅人一樣咁騰雞。
我聽完之後忽然有一份怒氣湧左上黎，正當我準備開口講野嘅時候，阿心一下攬左落我阿媽身上，仲係佢耳邊講：無事架，你好健康啊，杯茶你唔洗驚飲唔到啊。
我睇住眼前呢一幕嘅畫面，已經完全脫離左我認識嘅傳統關係。既然兩個跨時代嘅人都可以咁和諧，我同阿心嘅融洽一定可以維持到一生。我心入面同自己講。
照咁睇阿媽應該可以出院啦，阿心你幫我出去問下醫生可以辦出院手續未啊？
阿心點左下頭就笑住咁行出去，就係阿心出左問口嘅時候，阿媽就突然彈左起身同我講：阿仔，你女朋友今日好似唔多正常喎，我見佢平時都好怕丑架，今日竟然會攬實我，同我講啲咁感性嘅野，你唔覺得好有問題咩？
我聽完之後反思左一陣，先發覺原來阿媽比我更了解佢。但係我聽完都係覺得唔太可信，於是就幫阿心辯駁：咁佢可能係想同你打好關係呢。
我阿媽正想講野嘅時候，我見到阿心企左係我隔離，用好驚嘅眼神睇住佢手上嘅單據。




我睇到佢嘅表情，心入面都有一陣嘅驚慌，到低單據上面寫左啲咩佢先會有咁嘅神情呢？