你即刻離開阿心,否則你嘅安全不保。
依句野切切實實咁寫左係收據上面,我同阿媽睇到之後都嚇到呆左一陣,我扮哂淡定咁同阿心講:唔洗驚架,無論點都好,我一定唔會比你離開我身邊,即使係我無左條命。
忽然,我係褲袋入面感覺到不斷嘅震動,我不安咁睇住「沒有電話號碼顯示」呢幾隻字,呢一刻我確實唔到係邊個打黎,亦都唔夠膽擔保阿心唔會有危險,但係我唔聽個電話,又唔知道會有點樣嘅問題。 心魔不斷作出信諗嘅沖突,我係一片混亂之下,接聽左個電話。
哈,果然有膽識,諗唔到你睇左張收據之後仲有勇氣接聽我呢個電話。電話入面嘅男人講。
聽到呢把聲,我頭先嘅不安再進一步嘅提升。係阿心嘅阿爸?定係其他另有目的嘅人?我係依一瞬間無辦法判斷,所以只可以打開擴音嘅功能,等佢地可以一齊幫我解開呢個疑問。
你到低係邊個,收據件事係咪你做嘅?我好冷靜咁講。
你覺得係邊個啊,咪就係上次比你打左一拳嗰個人—阿心嘅阿爸啊!佢嘅語氣不斷加重。
阿心聽到之後即刻大叫左一聲,同埋露出一個驚慌嘅表情,我見到阿心嘅情緒開始慢慢變得失控。我最後只係對住部電話大叫:你唔洗諗阿心會返去你身邊啦,你唔配做人阿爸啊!然後再直接cut左線。再考慮點樣安置呢兩個「誘餌」。