阿心,你諗唔諗得明何伯講嘅野啊?我聽完之後只係諗起你阿爸咋喎,你呢?我苦惱咁同阿心講。 阿心佢無講野既,只係對住窗口擺出左一個閃縮嘅眼神,我睇到就跟埋一齊望過去,一班嘅記者又再跟住我地車尾。唔通我地比何伯害左?我心入面講。 正當我想行落去下層,準備係最多人個站落車之後承機走甩嘅時候,一班嘅車隊已經轉左去另一個燈位。 我唞左一啖大氣之後,電話忽然震左一下。「突發新聞—有錢女與公屋仔見家長現場直擊,仲有10分鐘就開始。」我睇到就即刻落車,截左架的士返屋企。阿媽係屋企嘅話一定唔可以比陌生人入屋企架,今次死得啦!點解我會咁蠢架?我心急咁講
我眼角見到阿心面上已經無已前嘅驚慌,係因為佢經歷多左已經習慣,抑或係佢知道咩內情? 唔洗5分鐘,的士就去到我屋企,我第一時間就打開電話,睇新聞嘅直播。雖然我已經無能力阻止呢幾時搞大,但慶幸嘅係佢唔係上黎依度,唔係又激起左阿媽個病左大鑊啦。我好細聲咁同自己講。
記者: 歡迎大家收睇我地嘅突擊新聞,我依家就係係依家傳得好hit嘅有錢女嘅屋企入面,而係我隔離嘅係佢阿爸。
阿心阿爸:既然係突擊新聞,我都唔想浪費大家時間,我只係想透過電視台幫我傳遞一段說話比我個女。
阿女,由細到大我都同你唔係有好好嘅感情,每日就只係揾錢,而無理過你任何嘅野,即使係你幾多歲,讀咩學校我都唔會太記得。但我第一次知道你嘅野就係小六嘅時候,你鍾意左一個男仔,但你地入唔到同一間中學而唔開心左幾個星期。自此我就對你鍾意邊個就好介意,有家低,讀名校都差唔多已經變潛規則。直到依家呢個公屋仔嘅出現,先完全扭轉左我嘅觀念,佢唔介意為左保護阿心而得罪我,亦唔驚放棄前途都要比阿心讀大學,所以我覺得感情已經無非界別,我決定係咁多記者面前寄一百萬比呢個公屋仔。