［回憶］［校園］一個信息改變左我嘅中學生活: 續（二十七）一碗白粥

既然你講到咁就唯有信你啦，但係我地連阿叔你叫咩名都唔知喎，點樣溝通落去啊？我質疑住阿叔講。
阿心： 我地三唔識七，其實點解要講我地嘅野比你聽？定係你另有所圖，而唔係為左幫我地？
後生仔，做咩對人起咁大疑心呢，我知道你嘅野我有咩著數呢，唔通我真係貪個小小報料費咩，我賣一個鍾粥都收多錢過佢啦。仲有啊，我叫做何伯啊。何伯攞住碗粥好老實咁講。
係我地傾之前不如食左碗粥先啦。何伯對我地兩個講。我第一眼睇落只係平平無奇嘅白粥，但係又有好大嘅吸引力，唔知阿心點覺得呢？
你可唔可以每一日都同我食一碗白粥啊？呢種感覺我好鍾意啊。我腦海忽然閃過呢一句。
嘩！好苦啊！點解粥會整到苦嘅？阿心好驚咁講。我即刻試一啖自己個碗白粥，反而食出左一陣嘅酸味。
我地兩個疑惑咁問何伯：點解D粥會咁嘅味？明明你呢間粥點好出名好好食架？
咁你知唔知道點解碗粥會係酸同埋苦啊？
我用認真嘅心態黎擺左一下頭，而阿心都係同我差唔多嘅反應。
何伯攞起左個湯匙，係碗低度揾出左一堆嘅苦瓜而另一碗都係同樣嘅道理，我都係擺左一埋嘅檸檬。其實我咁做都只係為左可以教識你地睇野唔好咁表面，凡事都唔係一定架，後生仔！好啦，你地可以走啦。




明明你又話唔知我地嘅野想我話你聽，但係你又會知道我地只係睇野睇表面嘅，唔同你一早已經我地嘅事？叫我地黎呢度只係同我講呢個道理？我好激動咁講。
何伯：若要人不知，除非己莫為。好好地翻屋企諗下我講嘅野啦。
我係搭巴士嘅途中，唔單止一句野都無同阿心講過，唔知係因為我地兩個都思緒煩亂，定係我唔敢同阿心坦白呢一段嘅回憶。
當年食嘅白粥，雖然無今日呢碗咁特別，但係事隔咁耐都仲係念念不忘。