［回憶］［校園］一個信息改變左我嘅中學生活: 續（三十一）質疑

由細到大，我係讀書方面，根本就係一事無成，即使係我擺左幾多心機落去都一樣。唔知係天意弄人啊，定係命中注定？當年中二嘅時候，我仲應承過你要考入精英班，偏偏仲會撞車，同埋比你阿爸不斷阻撓，呢兩件事足足令我頹廢左三年。估唔到我今日仲會記得呢D往事。我好興奮咁懷緬過去。
阿心聽到都融入左我腦海嘅時空。唔經唔覺都5年啦，係當年嘅時刻，我仲以為呢一份嘅感情已經係度終止，但堅持都係改變左命運，我地兩個都可以去翻一樣嘅愛情交接點。阿心好陶醉呢係一段嘅時光。
平時係旁邊只係聽嘅阿媽，今次反而好雀躍咁加插自己入去呢一段欲罷不能嘅回憶度。
阿銘，咁啱你講起以前，我其實有個問題想問你啊。阿心好暗淡咁問。
我見阿心正話仲好沉醉係回憶嘅世界，但依家又忽然變到陰陰沉沉？係咩原因令佢情緒會咁大起伏嘅？
我暫時收起心入面嘅質疑，仲用一個好輕鬆嘅語氣黎應對佢嘅問題。
係我答你問題之前，你要同我承諾，一定要去讀大學，唔可以將個學位比我啊。
佢只係敷衍我，輕輕咁點兩下頭。
係我睇見佢嘅面色已經知道好大件事，但長遠之計，都係要解決呢個問題，先可以一生一世，而唔係屈屈埋埋最後要受情緒同藥物嘅煎熬。
我：係啦，你講啦。




其實，係我同你分開個3年，你到低有無識過其他女仔，或者拍多一次拖？阿心用好堅決嘅眼神望著我。
我聽到呢一句野，我受到嘅驚嚇，唔單手令我心跳加速，亦係心低浮起一份嘅愧疚。

數據調查：
唔好意思又麻煩到咁多位讀者，由於小弟寫左呢個故已經半年，所以我想做個調查，睇下大多數嘅讀書係追呢個故追左幾耐。希望有時間嘅讀者可以留言你地睇左幾耐，或者比D意見我，鼓勵同支持下我啦。