［回憶］［校園］一個信息改變左我嘅中學生活: 續（三十二）答案

點解你無啦啦你會咁問嘅？我好虛假咁擺出左淡定嘅表情。阿心聽到之後，用對眼黎望實我，電視亦係呢個尷尬嘅場面度停左落黎，一片靜寂嘅空間，不斷咁增加我嘅內疚。
到低同唔同佢講好呢？ 其實嗰一段都唔算係一段戀情姐。
最後我都無搵過佢啦，無事嘅無事嘅。時間好似停頓左係我排徊緊嘅心理關口。
喂！做咩唔出聲啊！阿心係我耳邊大叫。
阿心，我想去個廁所啊，等一陣先答你個問題。我好心虛咁入廁所避開阿心。
到低阿心係咪知道左我同佢嘅事呢？唔通佢就係知道左件事先做呢個測試？我腦入面幻想左好多嘅情況，唔同嘅推斷，不同嘅心理準備。
你都知架啦，個衰仔成日都係咁架啦。我隔著對門都隱約聽到阿媽把聲。
死啦，阿媽佢會唔會又漏左口講比阿心聽架？我心諗。
我好緊張，無辨法去判斷應該點做。我行左去洗手盆度，攞水潑落自己塊面。死就死啦，就算再大件事，阿心都唔會離我而去，因為我相信阿心唔會係咁小氣嘅人。
我打開對門嘅時候，同時就用右手搓左幾下個肚，扮哂唔舒服，試下咁樣可唔可以瞞天過海。估唔到一冷靜落黎就諗到方法，對唔住啊阿心，我又再一次呃左你。




阿心見我擺出左一個咁嘅樣，唔單止無任何嘅表情，仲當我無到咁繼續睇電話，同埋問我問題。我同阿媽打左個眼色，示意問佢發生咩事。但我得返嘅答案係一份嘅無視。