係呢一刻,我覺得好愧疚同時都好無助。呢一段過去會唔會先係我最想洗走既記憶?阿妍同阿心相比一個係兩敗俱傷,一個係失而復得。
睇見自己塊面幾咁憔悴同埋憂愁,而電話都無哂所有既電,無奈之下,我決定用訓覺黎逼自己擺脫呢一個困境。係我一口臨合埋眼之前,我諗返起頭先聽既錄音,3分14秒,一次家政堂?人人都會上既課堂,到低個時我做左咩野引起佢注意?我為左唔洗浪費時間同埋再一次因為過去而落淚,所以我係床頭櫃拎左本簿出黎,但一拎出黎發現唔係合埋,而係停左係某一頁,但周圍幽暗既環境,我都無辦法睇清楚上面乜野。
係我放低哂心頭大石之後,準備訓覺廢事用一個咁頹既樣去見工啦,況且我既身體都一直比警告我,眼皮同個頭都不自覺咁向下同埋變得愈黎愈重,係我合埋眼唔夠十秒,我就已經進入左夢鄉。
[叮叮叮叮叮] 喂,要夠鐘去上堂啦,記得拎埋圍裙同埋個食物盒啊。肥培係班房大叫。我聽到之後就即係係書包拎哂所有野再好快咁跑落去,唔知係咪我太心急,我一下撞左落去佢度,我地兩個同時彈開左,我好快咁對住佢講:sorry啊,我真係唔小心架,你唔好嬲我啦,最多一陣上堂整既野食分一半比你啦。我居然對住一個發過誓互不幹涉既人講出咁親切既說話。
而佢只係用一個不屑既眼神望左我一眼,之後就行左落去。
我見佢呢個情況我好驚,我好驚又小左一個同學,同埋我都好驚得罪人。我見佢一副好唔高興既樣,同埋佢上家政堂都係係我隔離個組,所以我唯有用兩倍既專心去聽老師講點整。
係整既途中,佢不停咁向我個組偷睇,我心諗:唔知點整咪問老師囉,做咩要係咁睇我點整?係我忍受比佢咁樣折磨左左一個鐘之後,到左落堂個時,我所整個煲粥係比老師評做全個中三做得最好既。我係拎去比阿妍既時候,佢眼前一亮既表情,我先覺得安落小小。而係佢試左第一啖之後......
啊!阿心突然彈左起身,再扯哂氣咁同我講:阿銘,我發夢見到有個女人殺左我之後,再係我面前搶走左你啊。