［回憶］［校園］一個信息改變左我嘅中學生活: 續(四十二)先兆

點解阿心會發一個咁嘅噩夢?係一次機緣巧合定係一個比我預知未來嘅契機?而我發嘅夢都係佢叫醒我個一刻停止左,兩樣野都比我好大嘅苦惱.我被逼咁忍住自己嘅煩躁,用好溫柔嘅聲同阿心講:唔使驚架,我永遠都唔會離開你架,直到我死個一日.阿心我軟弱咁擺左個頭係我個膊頭上面,再係我耳邊講:如果有一日,你因為其他人而離開左我嘅話,我一定唔會放過你啊! 我深呼吸左一下,無奈咁講:係啦,係啦.點都唔會離開你啊,一世都做一對糖痴豆啊.好啦,仲有兩個鍾我就要返工啦,繼續訓覺啦,聽日我唔可以遲到架. 一講完阿心就好聽話咁訓低左. 我心入面諗:原來快樂係咁容易,只係一對兩小無猜嘅情侶,一齊發夢,一齊講唔同嘅甜言蜜語,就可以將一段關係升溫.我嘴角含春咁笑左一下.                              
我準備訓低嘅時候,阿心佢轉左個身向我個邊,見佢咁樣,我特登轉左個身，背住佢訓,等阿心有多D位可以訓,點知過左幾秒,阿心佢就細細聲咁叫左我個名,係我轉左個身,仲未講野個陣,佢就一下嘴左落我塊面,好嬌柔咁講:你聽日第一日返工,我會大半日都無得見到你架,呢個kiss係用黎比你知道我一直陪住你架.仲有啊你一定要記得wts我啊,知唔知啊?眼前嘅阿心好似變左做我阿媽咁煩,但係就有一份窩心嘅感覺.   得啦,我點會唔記得啊,做咩無啦啦咁緊張啊,你好驚我走失咩,我笑住咁講. 阿心一下打左落我隻手度,好怕丑咁講:人地擔心你,你就係度玩.嬲你啊.good night!  我見住佢忍笑個樣,我就好安心咁合埋對眼,快手就訓著左,無再對夢境耿耿於懷.但對阿妍呢一個人仲帶住一份懷疑.

由於今日睇返篇文發現出左好多亂碼，所有我決定重新upload多一次，唔好意思，敬請見諒