［回憶］［校園］一個信息改變左我嘅中學生活: 續（四十三）耳環

叮叮叮⋯⋯
一片晨光穿透左我屋企嘅窗簾，配合清跪嘅鬧鐘聲，一下就將我由漆黑拉去光明入面。睡眼惺忪嘅我睇到面前訓著嘅阿心，心入面有一種安全感，每一朝起身都總會有一個人係我身邊，一直咁陪伴住我。可愛嘅阿心連訓覺都帶住一種與別不同嘅氣質，原來每晚同自己鐘意嘅人有一連串嘅甜言蜜語，同埋挑逗嘅行為，可以比我有一份意想不到嘅滿足，估唔到上天一直都待我不薄。唔知你一份福氣，我可以享受到幾耐呢？
我好精神咁行左落床，再好似老鼠咁細細聲走去廁所，開始打理自己嘅儀容，準備迎接人生第一次嘅返工，刷牙、洗面、照鏡，呢D平時好是但做嘅事，今日反而好認真，每個步驟都做左幾次，今次打扮嘅細心程度，同我第一次同阿心出街個陣差唔到。
正當我打開衣櫃，仔細咁觀察每一格，每一件衫，悉心挑選左一輪，有選擇困難嘅我都係無辦法決定得到。但逼於時間所限我就攞左一件用衣架掛住嘅衫。唔知係咪我太趕急，拎衫落黎嘅時候大力左，唔小心整到另一件衫跌左落地，「啪」一聲，衣架跌到地下嘅聲音，一下震醒左阿心。
做咩野係度搵衫啊？我尋晚幫你執哂啦，你係廳度就搵到架啦。阿心用好乾好硬嘅語氣同我講。
我：嗯，都係阿心你最體貼。 講完之後，我就掛返好頭先跌左落地個件衫。忽然，腳底踩到一個好硬嘅野，痛到我差小小大叫左出黎，但為左唔嘈醒阿心，我只可以硬著頭皮咁死頂。
我抬起左隻腳，見到地下有一個耳環，我認真咁睇左幾眼，發現呢個耳環係反面係有刻住一個「L」，我見幾有趣同埋都好襯我套衫嘅時候，我就毫不猶疑咁穿左係我左邊隻耳，期間無任何嘅痛楚。
做好哂所有野，去搭車嘅時候，見到自己身後面一直有一個人跟住我行左我耐，我拎轉左好多次頭，嘗試睇清楚佢係點嘅樣，但佢不停咁閃閃縮縮，令我睇唔清楚佢同樣，只係見到佢係一個女人同埋右邊耳戴住一隻耳環。

最近小弟開左一個facebook page同埋ig account，而之後我就會同時都係呢兩個app上面連載呢個故，除左方便你地追故之餘，都希望你地可以幫我分享我寫嘅故比更加多人，同埋係個page上面比一個讚，增加我寫故嘅動力。




有興趣知道多D呢個故以外嘅野，或者想睇下我寫嘅短篇散文嘅話都可以follow我嘅ig。
Facebookpage:
https://m.facebook.com/hotfrostlovestory/
Instagram:
hotfrost_lovestory