［回憶］［校園］一個信息改變左我嘅中學生活: 續（四十四）粥店

我一直慢慢跟隨住依個人嘅步伐，唔知佢係咪發現左我，佢不停揀橫街小巷黎行，我又想知到依隻耳環嘅由來，但係又唔可以第一日返工就遲到。我站左係一個兩難嘅位置，忽然靈機一觸諗到：點解我唔用科技去解決呢個問題呢？我好快咁拎出左我部電話，影低左佢嘅背面，然後就掉頭行返翻工條路。
我又再一次去到呢間粥店，係我記憶中我只係黎過三次，一次係同阿媽黎，一次係同阿心黎，但仲有一次係邊個呢？我一直都無辦法記得起。但呢間粥店特別嘅香味，我就點都唔會唔忘記。回想起從前嘅光陰，我好慨嘆咁企左係店門口度微笑。
喂，阿銘！做咩企左係門口啊？唔洗做啊？何伯對住我大叫。我點左一下頭之後就好快咁跑去雜物房換衫，見到白色嘅一件外衣，我又忍唔住拎返起今朝嘅記憶，到低呢件校服同埋依隻耳環係點黎嘅呢？無奈依家又返工嘅關係，依個懸念我只可以放工之後借助網絡嘅力量幫我解開。
我搞掂哂所有野，推門行出黎個陣，見到一個同我頭先跟蹤嘅人著一模一樣嘅黑色衫嘅人。但就無戴到個我一樣嘅耳環。我開始對呢個人起左小小嘅疑心。
出到舖面，我開始跟何伯學習唔同嘅野，同埋認識店裏面嘅同事，係何伯逐一介紹佢地期間，我部電話不停咁震動，一陣係連續咁震，一陣係一下一下咁震。我個心開始焦急同埋煩躁，直到佢介紹完最後一個，我先夠膽開口問何伯：我可唔可以出去聽個電話啊？
係喎，你唔講起我都唔記得同你講：我地呢道有三大規條，是但犯左一樣你都好大鑊啊。所以你依家聽實啦。
1.返工期間唔可以用電話
2.返工期間唔可以帶任何飾物
3返工期間唔可以講粗口
記實啦細路，你依家好除左隻耳環佢啦，同埋部電話一定要較靜音啊，如果比我老婆見到嘅話我都保你唔住啊。何伯好細心咁提醒我。




但何伯都係心軟咁同我講：有咩電話同埋信息仲有你隻耳環好依家去雜物房整好哂佢啦，唔好一陣開舖個陣先搞啊。
我為左令自己唔好比人炒，我好快咁就儲存左三大規條係部電話度，然後先再打開wts，係打開個一刻只係見到阿心send左100幾個信息黎同我講佢有幾掛住我，雖然我睇到係好感動，但我睇見時間開店嘅時間一分一秒咁逼近，我只可以忍痛咁還返100幾個藍tick比阿心。
我好匆忙咁除左隻耳環，期間我個腦回左一下帶，思緒跳左去我推門離開雜物房，見到個女仔個一秒，我頭腦好清晰咁諗到會唔會係佢知道左呢度嘅規條，所以係返黎途中就除左隻耳環，所以營造左令我覺得係另一個人嘅假像。咁到底呢一個黑衫嘅女仔會係邊個？


最近小弟開左一個facebook page同埋ig account，而之後我就會同時都係呢兩個app上面連載呢個故，除左方便你地追故之餘，都希望你地可以幫我分享我寫嘅故比更加多人，同埋係個page上面比一個讚，增加我寫故嘅動力。
有興趣知道多D呢個故以外嘅野，或者想睇下我寫嘅短篇散文嘅話都可以follow我嘅ig。
Facebookpage:
https://m.facebook.com/hotfrostlovestory/
Instagram:




hotfrost_lovestory
（讚或follow愈多，出故就愈快）希望你地多多支持。