［回憶］［校園］一個信息改變左我嘅中學生活: 大結局（上）屬於自己的幸福

阿妍佢伸出左雙手，企左係我面前。冷酷咁樣講：「曾經我就係因為你而呢雙手毀左自己塊面，大半世人都機會有自信咁見人，更唔好講話有人會鐘意我⋯⋯」佢流住眼淚咁打爆手上嘅玻璃瓶，然後攞住瓶口位置，用尖鋒對住我。
我地三個都嚇到措手不及，而tommy隻手仲要比玻璃碎片整到，不停咁流血。「阿妍，你冷靜小小先啦，我只係問你可唔可以做我女朋友，一齊建立個新嘅回憶比對方，覆蓋以前嘅陰霾唔係仲好咩？」兩個兄弟聽完亦幫我和應，想盡辦法咁勸阿妍擺低佢手上嘅玻璃瓶同埋平伏返激動嘅情緒。只可惜往往結果同預期都唔一樣，阿妍變到更加激動，隻手震到就揸唔穩個玻璃瓶。
「十年啊，足足十年啊！你依個無恥嘅賤人。當年我真係係度諗可能當時真係我太沖動，我係咪應該毀自己容，不過我真係基本上所有野都比唔上阿心，就算我做左第三者，亦係唔會有得到你嘅機會，所以當年我先揀左衷心咁祝福你地，我都唔希望我嘅閨蜜係失去左我之後無得到比我更好嘅野。不過你就三番四次咁係遇到困難嗰陣退縮，以前一樣，依家一樣！」
佢講完之後就全身都軟哂，跪左係地下，玻璃瓶同時都係佢手中跌左出黎。
我好愧疚咁坐左係長櫈上面，佢地兩個都扶阿妍上長櫈坐，佢見我垂頭喪氣咁樣都擺左兩下頭，再歎一口氣。「你感覺到有幾絕望，有幾痛心未啊？你呢一刻有無諗過曾經「享受」過幾次呢種感覺嘅人啊？呢個時候，你唔應該黎問我可唔可以做你女朋友，反而係應該翻去搵屬於你嘅幸福。」我係頹廢嘅狀態下，聽唔明阿心講嘅係咩意思，只係呆左一下，分散左小小我嘅注意力。係佢遞部電話比我嗰陣講左句：「其實阿心佢比我嘅犧牲仲更加大，佢先係真正愛你嘅人，我只係個臨時演員。」
隨著呢句震撼我心裴嘅句子之後，電話同時都出現左一把沙啞嘅人聲，「喂？」
「阿心，你係邊啊？我依家過黎搵你啊！我有野想同你講啊。」
「你頭先已經傷完我一次，你仲想講咩啊？我係邊同你有咩關係啊！」嘟嘟嘟⋯⋯ 係cut線聲出現嗰刻，我個心徹底咁碎左，我有咩方法可以搵得返阿心啊？
心灰意冷嘅我比返部電話阿妍，然後問肥培攞關於阿心阿爸死左嗰份報紙，同埋拎起擺左係地下枝啤酒。無奈咁離開呢三個人嘅視線，毫無目的咁係街上面漫步。空無一人嘅街道，同埋濕滑嘅地下，襯托之下行屍走肉緊嘅我先無咁顯眼。因為街上面一個人都無，我一直都係垂低頭行路，連自己去左邊都唔會知。
途住頭先阿心佢帶我去嘅空地一直向前行，持續左十分鐘，我撞到一個路牌，而路牌旁邊正正就係我最唔想去到嘅地方，所有野都係因呢個地方而起，假設十幾年前，我被派去嘅唔係呢間學校，咁我仲會唔會經歷咁多波折？揪心嘅感覺又再出左黎，我忍唔住企左係學校門口大叫：「對唔住啊，阿心！你可唔可以返黎我身邊啊，我一定唔會再一次令你有遺憾架啦。」




即使我叫得幾大聲，幾咁真摯，阿心都唔會聽得到。無助嘅感覺令我再無動力向前行，跪左係學校門口。
「點解每次我係學校做嘅任何選擇都係錯架？次次都係令我後悔莫及，但我都係學唔到教訓架？」我歇斯底理咁係門口大叫。
「因為每個人嘅青春都係咁樣，人類總是要犯同樣嘅錯誤啊嘛，睇開啲啦，天無絕人之路嘅。」佢地三個異口同聲咁同我講。我嘴角戚左一下，扮出左個虛偽嘅笑容。面色凝重嘅肥培，扶左我起身，認真咁講：「經過我地三個頭先半個鐘嘅努力之後，得到左一個好消息同壞消息。」
先苦後甜，一直都係我嘅宗旨，而佢都一定好清楚我會聽邊個先，所以我未出聲，佢就直接講左出黎：「壞消息係阿心佢以經講左比我地聽佢唔想見到你；好消息就係我地知道左佢依家係邊。」
短短一句嘅說話，就將我崩潰嘅情緒帶到頂點，到低我應唔應該去搵阿心呢？點樣選擇先唔會後悔啊？我痛苦咁對住阿妍埋怨。
「我無可能左右到你嘅諗法，不過我只可以勸你一句，幸福係掌握係你自己手上！」苦口婆心嘅阿妍又再一次用老統嘅說話，解決左我好多嘅疑慮。

真係十分之對唔住咁多位等左咁耐嘅讀者，呢次更新足足要你地等左兩個星期有多，因為考試嘅關係真係唔夠時間去寫，所以我係無辦法。非常唔好意思。希望你地都繼續支持。
大結局嘅（下）篇會係過兩至三日就更新，密切留意。