［回憶］［校園］一個信息改變左我嘅中學生活: 大結局（下）最深刻的回憶
睇住三個最好嘅朋友都企左係我面前，但依然覺得好無助嘅我，把心一橫，決定用我最大嘅努力去奪取返阿心對我嘅信任。 「你地講我聽佢係邊啦。」我抬起左頭，拋開所有嘅疑慮，將所有嘅希望同力量都孤注一擲係呢一刻。
「我依家放棄嘅話可能只係會痛苦一兩個星期；同時我呢次嘅賭博亦唔一定成功，如果失敗左嘅話可能比依家痛苦千千萬萬倍，不過想要嘅結果唔係擺脫短暫嘅痛苦，而係一個一生一世嘅甜蜜！你地會唔會支持我？」佢地三個異口同聲咁講：「只要係你開心嘅選擇，我地永遠都會支持！」然後佢地就各自伸出一隻手，再疊埋一齊，用一個期待嘅眼神望住我。我都毫無顧慮咁疊埋隻手上去。大叫一聲，我情緒到達左極點，利用接近咆哮嘅聲音講：「阿心佢係邊？」
講完呢句，tommy向我鞠左個躬，再遞左部電話比我講：「阿心係嘅地方，只要你打開信息就可以睇到，同埋呢電話有埋之前你比我嘅嗰段錄音。最後我真係想同你講句，對唔住。如果唔係我多管閒事，干涉你同阿心嘅野，可能你唔會有依家咁多難關，而係好幸運咁一齊生活。所以我真係好內疚，我唔單止連累左你，仲連累埋肥培，阿妍。一切嘅始作俑者都係我，希望我呢次付出嘅120分努力可以補救到我犯嘅錯誤啦。」
佢地三個同時都無言咁垂低左頭，係我正好奇緊佢地點解會擺出一副內疚嘅樣，而唔係怪罪於tommy嘅時候，阿妍就振作起黎，再一次充滿領袖風範咁喚醒返我地：「啱啱先實牙實齒咁話要孤注一擲，一定要解決到呢個難關，依家又一個二個都無哂信心，士氣同信心都一下無哂，咁仲有可能成功咩？」
茅塞頓開嘅我，揸實部電話嘅我喂左一聲，所有人都靜哂望住我，比阿妍一番說話叫醒返嘅我，充滿信心咁對住佢地講：
「咁耐以來，你地真係幫左好多，tommy你都唔洗內疚嘅，塞翁失馬焉知非福，如果依家阿心唔係離開左我嘅話，我點知身邊嘅人係咁着緊我，同埋可能呢次可以復合嘅話我地嘅感情咪可以更加穩固呢。所以呢到最後一刻，呢個責任都係交返比我啦，等我去親手攞返屬於我嘅幸福啦。你地三個嘅幫我嘅恩情，我一定唔會忘記同埋絕對有機會還到比你地。」講完之後，我微笑左一下，就轉身離開佢地嘅視線範圍。
「暫時嘅道別，即係他日嘅相見。」堅信呢個道理嘅我，相信阿心一定會同我相見。我立即拎出左部電話，打開左信息，打算確認左位置就立即跑過去，只可惜我遇到嘅係幾乎無可能確認到嘅位置——我地最珍貴回憶嘅地方。除非心有靈犀之交外，基本上今日根本就無可能會搵得到。「點解到左呢個時刻你都要咁刁難我啊？雖然我知你唔想見到我，不過有無必要咁做啊？」自言自語緊嘅我差小小就被打沉，只因佢最後附上左一句：只要你搵得到我，我就會原諒你。如果過左12點，你都係搵唔到我嘅話，呢個可能就係最適合我地嘅結局。」
睇落好似童話故事先會發生嘅事，完完全全咁發生哂係我身上。但我得到嘅未必係童話入面嘅完美收場。到低邊道先係有佢最珍貴回憶嘅地方呢？我唔想做無謂嘅猜測，我唔理會有咩結果，第一步都係打比send信息比我嘅呢個電話。而結果就係我鍥而不捨之下，得到嘅結果都同我估計一樣，不停咁重播：你所打嘅電話暫時未能接通。
無奈之下，我只可以着手開始諗，到低會係咩地方。我第一個諗到嘅地方就只有學校，只不過我啱啱先係學校條路過黎，如果係嘅話就一定會見到佢。我嘗試冷靜咁分析我地去過嘅地方，會唔會係當年同佢第一次出街嘅約埋等嘅地方？定係我同佢復合返之後，佢帶我睇冰雕嘅商場？即使我腦海有好多嘅答案，但每個都係相距最小幾公里，呢一刻，我真係覺得香港嘅個彈丸之地，變到好大好大。
我睇一睇手錶，只係剩返兩個半鐘，再無時間比我婦人之仁，我一定要係呢個時候落一個決定，到低去邊個地方。呢個關乎我一生嘅選擇，我用左最古老嘅方法去幫我揀，一切都交比個天同埋手上嘅一蚊銀。正當我將個銀擺左上指尖，準備彈起佢嘅時候，我諗起左一樣野，我諗起左同樣係鐵做嘅一個物品—阿心當年送比我嘅情侶戒指，我再一次打開手機確認埋今日嘅日期，今日正正就係我地兩個嘅拍拖紀念日，我地互相約定左要一齊食雪糕同埋一齊睇戲。
我不斷咁對天歡呼之餘，眼䏬亦出現左幾滴嘅淚光。「假如唔係呢個一蚊，我咁多年前嘅記憶就唔會被喚醒，就唔會咁果斷咁下到呢個決定。」我激動咁親吻住個一蚊銀講。睇落好似興奮到精神失常嘅我，笑住咁跑到巴士站，等待送我去迎接幸運嘅巴士。
黃色嘅大燈照射左係我身上，我急不及待咁沖上左無人坐嘅上層，開始幻想一陣嘅情況，同埋諗好點樣解釋自己嘅過錯⋯⋯
「阿心，你既然都話原諒我，咁你不如聽埋我解釋等我地唔好有一個心結啦。其實今次呢件事只係一個意外黎架，因為我聽到左一個匪夷所思嘅傳聞，所以我先會有咁嘅選擇架。」
「阿心，你係咪親手死左你阿爸啊，我一開始聽都唔信架，但我見報紙都有登埋出黎，你又無解釋過咁到低係咪情況啊？」
我好努力咁去構思一陣間嘅開場白，但我點都無辦法專心咁去諗，而係比殺死阿爸呢件事，一直咁影響我嘅思考，如果係真嘅話，我總係覺得弊多於利。眼見無可能專心咁構思嘅話，我就索性唔去諗呢件事，只係好好咁享受呢個寧靜嘅時刻。唔知係咪注意力分散嘅關係，時間好似快左好多，感覺只係用左5分鐘就到達左目的地。
臨落車之前，我拎出左部電話，確認依家嘅時間，乘機自我摧眠，減輕我緊張嘅心情。10點，我企左係商場嘅門口，呢個地方我嘅計劃係先去左佢最有可能係嘅地方，即係最近嘅地方，雪糕店。我逐漸咁加快腳步，希望儘快見到阿心，補救我咁多嘅錯誤。一路搭扶手電梯，我嘅緊張程度都不停咁攀升。同時，唔知係我運氣唔好定係刻意嘅安排，今日商場正正舉辦左一年一度嘅活動，電梯只係上到一半，我就已經見到成個1樓多人到想行快兩步都無可能。
「 咁我有咩辦法可以搵到阿心？就連只有10間鋪嘅1樓都可以多人到塞死左條路，咁我搵佢咪難上加難？」我緊張咁係心入面講。開始心急嘅我嘗試迫入人群，掃視雪糕店擺左係店外面嘅人，唔單止無阿心嘅蹤影，仲要眼前嘅大部份都只係細路仔。我唔想因爲自己嘅粗心，而遺憾終生，所以我好沖動咁下左呢個決定：我要睇清楚店入面嘅每個位置。我唔再介意時間，我唔理隔離嘅人不滿嘅眼光，只因我今日一定要搵到阿心！
前，後，左，右。不停係店入面急速行走嘅我，睇清楚哂雪糕店嘅所有地方，都係見唔到阿心嘅存在，我無覺得失望，反而比更多嘅動力我去搵下一個地方。每個地方都相隔兩層，我充滿信心可以搵哂佢有可能出現嘅地方。我以每行一步就講一句唔好意思同埋輕力推開人群嘅方法，加快我向前嘅進度。
用左我接近一半嘅力量，終於都去到當年展開我地戀情嘅戲院，同樣係熟悉嘅炮谷味仲有一張張嘅電影海報。但失去左最重要嘅人。我沖左過去氣喘喘咁問嗰度嘅職員：依家有無播緊恐怖嘅電影？佢笑住好親切咁答：有啊，應該仲有5分鐘左右就完場，如果你想睇嘅話可以窗口買飛，憑飛可以換取樓下間雪店嘅現金卷架。」
我心入面多返好多希望，可能阿心就係睇緊戲，回味緊當年我地第一次睇戲嘅感覺，睇完就係下面嘅雪糕店等待我嘅出現。美好嘅幻想充斥住我嘅腦海，理想同現實有無機會係我身上達成一致？係等嘅時間我不停咁睇部電話，留意住個時間，情況就同買左股票嘅人一樣，不停嘅睇實部電話。10點30分，31，32，33，34，35。5分鐘嘅過去，心急如焚嘅我一直咁望實個門口，強逼自已唔會睇漏眼。一對對嘅情侶攬住咁行出戲院，數左足足40個人都係見唔到阿心嘅出現。我開始變到頹廢仲有絕望，「明明我地去過嘅地方咁小，點解咁都可以搵唔到啊！」我係戲院門口大叫。我亦忍唔到我嘅淚水，崩潰嘅樣絲毫不漏咁呈現比成個戲院嘅人睇。持續左呢個過程幾分鐘，周邊嘅人由一開始嘅驚慌慢慢變到無視。直至我聽到樓梯有腳步聲嘅出現，會唔會係阿心？腳步聲愈黎愈大，緊張嘅感覺幾十陪咁增加⋯⋯
點知出現嘅又係同我互不相識嘅情侶。我準備放聲大喊嘅時候，我聽到佢地討論頭先電影嘅內容，女嘅用不滿嘅語氣講呢套戲拍得有幾唔好：「有咩理由令隻鬼最深刻嘅會係同佢一齊嘅生活啊，點計都係男主角應承話要好好咁超渡佢，等佢有得變返做人呢個先係最深刻啦。成套野都唔合理嘅，好心佢唔識野就唔好係鬼片度加感人情節啦。」 男嘅就立即安慰佢：「睇戲都係為開心姐，睇完咪算囉，唔好咁執著啦。」心情跌落谷底嘅我，已經半放棄左去搵阿心呢個目標，睇見仲有1個鐘多小小就12點，我就徹底咁絕望。呢個咁無助嘅時間，我選擇跟住前面嘅情侶行，將佢地代入做我自己仲有阿心。
忽然，個男仔係講左一句野之後就係個女仔面前跪低左，即使我無聽到前面嘅內容，但呢個嘅震撼程度已經夠我對佢產生佩服。
「如果我係咁多個人面前向你求婚嘅話，深刻程度比唔比得上頭先電影入面男主角應承隻鬼嘅野，雖然我唔可以好似電影嘅角色可以令你重獲生命，但係我會承諾由今日嘅我會改變你嘅人生，變得甜蜜，變得豐富。」
多人到水洩不通嘅商場，所有嘅人都係呢一刻停低左，唔再理特價嘅商品，同埋一袋又一袋沉重嘅嘢，同一時間係呢個女仔周圍起哄。企定左嘅女仔並無直接咁回答佢，而係用一種更含蓄嘅方法回應。
「電影嘅承諾你只係記到一分鐘，呢刻嘅承諾係要堅持到最後嘅一分鐘，如果你做到嘅話，呢刻就係我最珍貴同深刻嘅回憶。」一聽到呢道，現場周邊嘅觀眾，包括唔小啱啱睇完同一場戲嘅情侶，通通都沉默哂，當中更有人當呢個畫面係自己睇開嘅韓劇，係大庭廣眾面前都流哂眼淚。
男嘅一下彈左起身攬住個女仔，相信我呢個承諾已經刻左係我個心入面，你同我都唔可以忘記，我地勾手指尾好唔好？周圍嘅人，全部都拎出左部電話，百幾人同時播勾手指尾呢首歌。我同阿心嘅紀念之歌，有百幾人同時播比我聽，令我有返哂動力，傷心都慢慢比歌聲趕走。
「只不過你有信心真係可以帶我離開我依家所住嘅豪宅？我阿爸佢可能會⋯⋯」女嘅好擔心咁講。
「你咁會就唔記得我頭先承諾嘅野咩，我會由今日開始改變你嘅人生啊嘛，咁小嘅事我點會解決唔到，我聽日就當面同佢講清楚，假如佢都係唔肯嘅，你就以後唔好再依靠佢，由我黎養你！」
「我相信你一定會做到，聽日絕對會係我最甜密嘅回憶，因為你為左我，無所畏懼咁幫我解決問題，即使你咁窮都孭哂照顧我呢個享福左咁多年嘅人嘅責任上身。」
點解⋯點解會同我仲有阿心所遇到嘅事差唔多一模一樣？唔通大部份嘅人都同我一樣都比上天當係悲劇角色，凡事都係同理想有極大嘅反差，處處都係唔同嘅阻攔，但人地都可以全部擊破，點解我唔可以？
受到呢對情侶帶比我嘅沖擊，我終於都諗到阿心會係嘅地方，我用最大嘅力量去打開喉嚨，叫左一聲全層都聽到嘅唔該借借！立即一條至到扶手電梯嘅暢通直路出現左係我面前，跑過去嘅同時，我以同樣嘅聲量講左句唔該，情侶嘅風頭全部都比我呢個好似痴線嘅人搶哂，不過係佢地兩個隔離跑過嘅時候，我亦衷心比左個祝福佢地。
如果唔係佢地，可以我仲跪住係戲院，一直咁比職員趕走，或差嘅更可能借酒消愁，飲到醉哂暈左係街上面。好在嘅係，現實我就充滿正能量咁向我嘅目標重新振作，去守護我同阿心最珍貴嘅回憶。
話咁快落到去的士站嘅我，睇一睇我部電話，11點20分。可能真係時間未必足夠我趕過去，不過至小我都試過用我最大嘅努力去做呢件事，唔會令自己後悔。不斷咁祈求個天都比左咁多嘅阻攔我，係依家可唔可以幫我一次，立即有一架的士出黎。
可能呢咁多個鐘嘅努力，成功脫離左悲劇角色嘅身份，係我祈求完嘅幾秒，就有一架的士揸緊過黎。我一上車就即刻講左我要去嘅地方，然後比左張500蚊個司機講：「我有好重要嘅事做，你有幾快就揸幾快啦，我一定唔可以遲過12點到啊。」
佢見我坐穩左，扣好哂安全帶。就用80公里嘅速度係平常嘅街道上面駛過，情況就同歌曲極速一樣，頭搖又尾擺，飄移境界。最後唔洗10分鐘我就到達左平時要45分鐘左右先去到嘅目的地。
係臨落車前，個的士司機同我講：「見你追女仔追到咁有誠意，我今次都冒著比人釘牌嘅風險黎幫你，你唔成功嘅話仲點對得住幫過你嘅人啊。」
我笑左一下，充滿信心咁行落架的士，企左係阿心間屋嘅門口。曾經我係呢度許下左養佢一世嘅承諾，曾經我係度幫佢對抗佢無力解決嘅問題，咁依家我可唔可以係度重新修補返呢段破裂左嘅感情？
我用肥培之前比我嘅鎖鑰，打開左呢度大門，一樣都係豪華嘅大堂，只不過就係小左一班工人同埋一個唔配做人阿爸嘅一個囂張阿叔。只係有小小印象嘅我，開始搜索呢間屋。我仲迷茫緊行左邊定右邊嘅時候，1樓出現左彈琴嘅聲，即使音樂極差嘅我，都可以明顯咁聽得出，彈緊嘅就係勾手指尾。我立即跑到上去，我終於見得到阿心，著住一條白色長裙係房度彈琴，我唔知佢係咪已經知道我搵到佢，睇見佢咁陶醉嘅樣，好似真係擦覺唔到我嘅存在。
我終於搵得到阿心，幾次嘅失敗之後，收穫果然係會變得更加大，更豐富。即使我搵到阿心，不過另一個令我煩惱嘅問題就出現左，有咩方法可以令呢件事唔成為我地嘅心結呢？隨住我深呼吸左一下，彈奏嘅歌曲亦都完結左。冷靜落黎嘅我，壓抑住興奮嘅心情，企左係門口叫左佢個名。阿心嚇到瞳孔放大左幾倍。
「你⋯你有咩可能會搵到我架？明明我熄哂電話同佢講一個你地唔會諗到係邊個地方嘅線索，你正常應該係會走左去商場架喎，有咩可能啊！」阿心驚訝到斷斷續續咁講。
「你知唔知點解我會搵到你啊？係，我真係有好似你講嘅一樣，走左去商場，諗起左學校，同埋我地許下承諾嘅地方。去到商場度，搵你唔到嗰陣，我真係有好大嘅挫敗感，我真係好想放棄，不過當我見到有對糟遇同我地差唔多嘅情侶，都係因為身份地位而婚事受到反對，個男仔應該個女嘅會勸服佢阿爸，如果都係唔得嘅就將佢帶走，自己一力承擔照顧佢嘅責任，嗰陣我先意識到原來令你最深刻嘅回憶係，我係你阿爸面前，反抗左佢強迫你做唔願意嘅事，唔怕任何嘅阻撓，即使無足夠嘅能力，都承諾照顧佢你一份，而唔係選擇退縮，了結左呢段姻緣。」
阿心比我徹底咁感動，被傷害嘅心都已經比我擊碎，成個人熔化左係段回憶，距離佢原諒我呢個進程都近左一步。阿心企左起身，雙手攬實左我講：「有邊個唔想有一個咁有承擔，咁有責任心嘅男朋友？我睇到我有哂呢兩個優點嘅男朋友比人一手搶走，十年嘅感情瞬間就比摧毀。所以我先會咁崩潰，即使我知道你只係一時嘅貪新鮮，唔洗幾耐都一定會返黎搵我。」
出乎意料嘅說話由阿心嘅口中講左出黎，同我預期佢會控制唔住情緒，或者我失敗收場之類嘅結局，呢個時候佢就主動咁話原諒我。事情黎得好突然之餘都好巧合。
我同埋阿心面上都重現返笑容，一切嘅野都已經釋懷，既然復合返做情侶，我覺得唔應該仲留有一個秘密，我直接同阿心講：「其實你阿爸有無死到啊，我聽tommy佢講⋯⋯」
阿心未出聲，我就已經聽到腳步聲係出面慢慢傳入黎，我探個頭出去，正正就係睇到佢企左係我面前。
阿心笑住咁講：「咁你依家知道答案啦？」
「唔同嘅謬傳都只係事件嘅煙霧啫。阿銘，諗唔到你真係有咁嘅決心，就算係咁多嘅挫折都可以堅持到直至搵到阿心，同埋都可以糾正都自己多情嘅個缺點，同我一知道呢件事，之後預計你最多肯搵一兩個鐘呢個估計差好遠，亦係認清楚自己嘅唔啱之後直接同第三者斷絕所有關係，呢個我都好欣賞你。睇黎阿心都付託終生比你啦。」
我笑一笑黎和應佢講嘅野，而心入面諗：如果唔係阿妍佢認清我嘅真愛係阿心，而自動離開我，就唔會有機會挽回到呢段感情，唔係tommy，肥培，仲有阿妍比我嘅鼓勵，可能我就只會係分手嗰一日之後，日日係屋企懦弱咁哭泣，而唔係作出補救。
係一片融洽嘅氣氛，我無任何嘅煩憂之下，諗野都清晰都好多，聽完阿心阿爸講完咁嘅野，我就只係將重點放左係最後一句，付託終生。我毫無思考都就做左一個動作，跪左左係阿心面前。
「阿心，我知道我做錯左好多事，令你失望同灰心左好多次，所以我想係未來嘅日子補救我嘅過失，同埋確保自己唔會再搵第二個，所以我想係呢刻放置我戀愛嘅墳墓，你可唔可以嫁比我啊？」我用誠懇嘅態度對住阿心講。
阿心佢無絲毫嘅緊張情緒，只係笑住咁講：「等你有返隻戒指黎同我求婚，我先再考慮下啦。」
完
好多謝咁多位追睇左呢個故咁耐嘅你地，用左接近半年終於都寫哂呢個故嘅續寫篇，非常唔好意思，要你地等左我呢個結局等咁多日，希望你地可以繼續支持我下一個故，仲有分享我寫嘅野比更多人啦。
睇完覺得好睇嘅，咁就不妨係我facebook比個讚，等我有更多嘅動力寫更好嘅故比你地睇。
Facebook link: https://m.facebook.com/hotfrostlovestory/
你嘅支持，係我寫文嘅動力。