［回憶］［校園］一個信息改變左我嘅中學生活: （十八） 再次嘅中伏

等左二十分鐘，終於有得坐低啦，阿心：搞錯啊！點解要係依度食啊？
我好無辜咁講：對唔住啊，我好少黎依頭。
阿心扮住嬲咁講：算啦，見係你咋，等陣要請番我食雪糕啊。
唔該，要兩個石鍋飯同一個泡菜炒年糕啊，我同個侍應講。等左成半個鐘都仲有野食上到，唔怪得之咁多人等位啦。阿心好嬲咁講。
等多一陣，個飯終於都到啦，我就試都一啖，心諗：嘩，咁鬼難食嘅，仲要賣成70蚊一個，排隊食個D人係咪傻左啊？
等左兩分鐘，個飯左冷番D,我同阿心就開始品嚐依一個飯，食左一啖，我地兩個個額頭度都刻住中伏了三個字。
我再試埋個年糕，唔食由自可，一食我就食到噴左出黎，仲講左句：咩料啊？泡菜苦嘅？
係我最燥個時個侍應行左過黎話，你地食野嘅時間過哂啦，盛惠250蚊。
我好無奈咁攞錢出黎，再望住阿心，望住桌上面嘅食物，同埋收錢嘅侍應，我冷笑左一下
睇黎我今次為左方便，我又中多一次伏啦，我對你唔住啊，阿心。我攞住杯雪糕同阿心講。