［回憶］［校園］一個信息改變左我嘅中學生活: （十九）互相嘅承諾

哼，下次唔可以再係咁啦，如果你再貪方便帶我食埋D衰野，我就唔再同你出街啦。阿心嬲住咁講。
雖然佢唔係好嬲，但係都我好內疚，因為成件事都係因為我添一時方便。
我攞住杯雪糕，望住阿心扮到賴係認真咁講：對唔住啊，我唔會再咁馬虎，唔會凡事都貪方便，我下次一定會認真，仔細咁處理關於你嘅事。

阿心咩都無講只係紅都面哂咁望我。

阿心望番我，就同我講：阿銘，我知道你唔係有心帶我去食衰野，唔係真係因為一時方便而特登帶我去咁嘅餐廳，我下次唔會再因為咁小事發你脾氣架啦。
我地兩個人對望左一陣，我感覺到我同阿心嘅感情又再次加深。
我地就好似一對準備結婚嘅情侶咁，兩個人都許下承諾，希望得到對方嘅信任。
於是我就同阿心一齊錄左段片，我地再次講出頭先嘅諾言，阿心錄完再笑左一笑，就話：記得你講過嘅野啊，如果你做唔到，我飛左你架。




雖然佢只係講笑，但係就帶比我一份好大嘅責任感。我望住我手上嘅電話，我再向阿心承諾，我一定會對你好認真。
依一段片同依兩杯嘅雪糕，雖然都唔係一樣好重要嘅野，但係我地兩個許下承諾嘅見證人。