［回憶］［校園］一個信息改變左我嘅中學生活: （二十四）回家路上

我目送阿心坐上西鐵，而我就獨自一人踏上左一個人嘅回家之路。
過左一陣，我就到一個人都無嘅巴士站，我呆望住漆黑嘅街道，我開始諗返起頭先所發生嘅事。
由一開始嘅歡樂同埋輕鬆， 去到承諾同認真，只係短短咁經過左兩三個鐘。就好似我嘅中學生涯一樣所有嘅改變都係一霎間。
正當我回味緊頭先所發生嘅事嘅時候，突然一道嘅強光就映入左我眼簾。巴士泊左係我身邊，我走上左空無一人嘅上層。
我坐低左唔夠5分鐘，我又開始卦住阿心，我攞出左我嘅電話，打左去比阿心，等左一陣，一把甜美嘅聲音就傳到我嘅耳入面。
我：阿心，你返到屋企未啊？
阿心：未啊，做咩啊？咁快就掛住我啦？
我：係呀。
阿心：你掛住我還掛住我，你都要理下自已嘅野架。你記唔記得下個月就係學界籃球比賽啦，你記唔記得你應承我D咩啊？