［回憶］［校園］一個信息改變左我嘅中學生活: (二十五） 承諾嘅愛意

仲有一個月就係學界籃球比賽，係依個比賽入面帶住嘅唔單止有勝利嘅榮耀，團隊嘅精神仲有我對阿心嘅承諾。我不斷咁係心入面諗依一句野。
我坐係沉靜嘅巴士上層，望住閃爍嘅紅綠燈，我好似得到左一D嘅啟示。
突然電話再次響起，我攞出電話一睇，原來係阿心打黎。
阿心：我返到屋企啦，你唔洗膽心我啦。係呢，你返到邊啊？
我：唔知啊，不過都就快到架啦。等我返到屋企再打電話同你講啊。
阿心一個嘅電話，就可以令到我將所有嘅憂慮都消失，成個人都變到充滿希望。莫非依個就係愛嘅感覺？我反問自己。
正當我想諗依樣野嘅時候，但係巴士都到左站。我行到去附近嘅一間OK買左一罐可樂。
我品嚐住手上嘅可樂，佢比我嘅感覺就同阿心一樣，又刺激，又甜密。
我一路行，一路諗對阿心嘅承諾。突然，罐可樂就好似變得苦澀。