到低阿心佢點解會變到咁?由熱情變到冷漠,我跟本就無辨法適應同接受。我攞起左手上嘅電話,打左比阿心。
聽到嘅聲音,已經唔係個一把甜美嘅聲音,而係不斷重複播放嘅錄音,每一下嘅嘟聲,都係震動緊我個心。我打左10次電話比佢,都無任何嘅反應,但我都只係可以麻木咁係度㩒重撥制。
我開始變到無奈,我擺低左部電話,正當我準備放棄嘅時候,突然電話震左一下。
阿心傳來信息,依幾個字顯示左係我部電話上面,正當我覺得有希望嘅時候,原來只不過係蕓花一現。
我解鎖左部電話,依我準備打開wts嘅時候,肥培突然打黎。
肥培:我打完左啦,你頭先問我咩話?
我:你講話阿心調左位之後就好唔同啊嘛。
肥培:哦,佢調左去同考第一嗰個阿俊坐啊。
我見佢好似同阿心傾得好埋咁啊,我好提子佢啊。
我:唉,你真係狗公不得了啊。




肥培:你理得我啊!係喎,你做咩係咁問佢嘅野啊。
我:你唔好理啦,你可以返去做打機啦。
我諗左一諗,唔通阿心佢比帽我戴?定係我只係一隻兵仔?
相信電話嘅信息,可以解答哂我依堆嘅問題。
阿心:對唔住啊,阿銘。