［回憶］［校園］一個信息改變左我嘅中學生活: 結局篇（三十五）分手了

阿心：阿銘，我地都係分手啦。
我收到依一句之後，我就再都見唔到阿心嘅頭像。

我接受唔到依一句野，我成個人都呆左咁望住部電話。到底點解會搞到咁架？

我嘗試打電話比阿心，但係都只係一段長久嘅嘟聲。

我變到好絕望，我有諗過用手不斷打自己個頭，打到自己變到失憶。可以唔再記起阿心依一個人。

雖然我落唔到手，但係我都接受唔到，我唔捨得放棄一段咁珍貴嘅回憶。





我不斷係阿心個wts度打（點解？）依兩個字，但係偏偏都係未能送達。我依家就好似依D信息一樣，再都到達唔到阿心嘅心入面。

我係度諗我到底做錯左咩？點解會變到咁樣架。我大大力咁打左落張床度，再好軟弱咁流低左一滴又一滴眼淚。

我心入面諗，點解我地當初嘅承諾，依家會變左做一個大話？

我嘗試平伏自己嘅心情，希望可以好快就無事，但係我唔單止無平伏到，反而仲成個人變到好灰，好頹。

我好傻咁攞出左部電話，錄低一段嘅錄音，想透過肥培將依一段野轉送比阿心。





我準備錄音嘅時候，已經唔係想阿心佢同我復合，而係希望大家都唔好遺忘依一段咁難忘嘅歲月。

我錄音嘅時候，個心已經無比憤怒吞噬，我只係好冷靜咁講左第一句：多謝你啊，阿心。

（再過多兩篇就係大結局，大家密切留意）