「爛頭，不會再更新」《在螢幕走出來的電動女孩》: Ch.2 追求計劃
冇錯，睇夏雪瑩就係我放棄上ig既動力。
「得你呢個老友先陪我癲。」我搭搭著翊雲既膊頭。
佢只回送一個冷笑給我。
「係呢翊雲，我地都中五啦，有冇諗過女朋友呢樣野?」我一邊嘴嚼口中的蛋包飯一邊問。
佢楞了楞，好似比我呢個唐突既問題嚇親，隨後則繼續食飯。
「黃可菁…嘿。」
「原來你好呢一type既…等我同菁菁講先」我向佢奸笑。
翊雲沒應我，可能佢知我並唔會咁做。
黃可菁係我小學同學，可算是青梅竹馬，佢身型矮細，但係佢好鍾意整估人，不過就好痴人，好鍾意嗲人，而且一臉蘿
莉樣，令人情不自禁戀上她，當然亦都係公認既其中一個女神。
仲記得小六有次上數學堂，學緊方程式既時候，菁菁無啦啦行埋黎，一臉無辜樣問我:
「程日曦……可唔可以教下我呢題……」
佢嗰個天真既眼神令我頓時講唔到野。
「好啊……邊度唔……」正當我打算答佢時，一下子將佢嬌小柔軟既身體貼近了我。
佢隨即同我坐同一張椅，並把身體貼住我，佢用柔軟既胸部貼著我的膊頭，我心裡小鹿亂撞，滿面通紅，近到我已經可
以感受到佢既呼吸，而佢身上既香味已經衝擊我既嗅覺。
「黎……比你睇啲野。」菁菁嬌嗲咁同我講。
佢慢慢咁掀高腿上的長裙，而且面紅紅地望住我，似係期待著我望落去。
我即刻開啟聖人模式，把頭上望，並口唸佛經，防止精蟲上腦。
「空不異色。色即是空。空即是色。受想行識。亦復如是……」
「黎啦……」佢再嬌嗲一次，隨即解除左我個聖人模式。
我已經見到佢隻手掀到條裙到最高，下面……難道…!!
我已經控制唔到我身體，雙眼一望下。
「咦?」她完存沒暴露任何既肉體，喺佢腳上只係得一塊鏡，並反射到我個樣。
「你睇唔睇到有個變態佬啊?」菁菁隨即恢復正常，同時又指住我，恥笑我。
坐我隔離行嗰幾個女仔亦都鄙視住我，對我嘆氣。而我鄰座果個男仔則對我奸笑說變態佬。
但錯不在我阿。
天大既恥辱!
「食飽。」翊雲企起身。
「幫我扔埋佢。」我將飯盒拋比佢。
「叮噹叮噹……」鐘聲一響，我同翊雲都返去各自的班房，佢去5E，我去5B。
喺我地學校，修讀兩個X同時M1/2既會讀A至C班，C班最勁，而A班則最廢。而三個X又讀M1/2既就會入E班，兩個X
同M1/2就係D班。我呢啲聰明唔喺學業既人當然hea住讀就算啦，而陳翊雲、夏雪瑩佢地班天才當然係E班既材料啦。
「呢啲咁簡單既野你地咁都唔識?係唔係要由我重新再教過阿?」胡老師繼續發表佢既偉論。
「我教左幾十年chem，未見過有一班好似你地咁廢。」
儘管胡sir係咁爆炸，我地班同學當然依舊唔會聽佢講野。有啲坐後面既同學會捉下象棋，有啲會飛下紙飛機，而我，
只係回想緊夏雪瑩畫面，想像我地日後會唔會拍拖，想像我地一齊約會既浪漫情景。
哼…拍拖?唔好玩啦，我地間學校女少男多，形成女仔比人圍堵既局面，再加上夏雪瑩係公認女神，想追佢既，由元朗
排到屯門都有啦。
我…憑咩鍾意佢?
「你地幾個喺度捉象棋??係唔係想死?一陣落去寫口供紙!」
「頂你咩。」
「屌我一缺啦。」嗰兩個同學不滿咁踢張枱。
「叮噹叮噹…叮噹叮噹…」話咁快chem堂就完左，今日既酷刑又告一段落。
突然有人拍拍我膊頭，我轉身感覺到冰涼既物體碰到我塊面。
「嘿嘿…曦曦，點解你咁多年都咁容易比人整估架。」菁菁嘻皮笑臉咁用冷冰冰既手指戳我塊面。
我冇應佢，因我突然回想到小六果件事。
我面又紅了。
「喂!阿曦!」遠方傳來翊雲把聲。
「落一落舊自修室，有野同你講。」翊雲用疑惑既眼神望住我同菁菁，然後轉身就走。
「菁菁，我走啦，拜拜。」我向佢揮手。
佢亦都向返我揮手，但佢面上顯然掛著好不滿既表情。
我冇諗咁多，只係快步走去舊自修室。
係啦，唔記得左講，我地學校有兩個自修室，勤力既同學都會留喺新自修溫書，而舊自修室已經冇人用，不竟果度又
冇冷氣又冇校工打理，只係用黎做雜物房，所以果度好適合講…
…秘密。
「黎左啦。」翊雲轉身向冷笑。
「男人老狗有咩講呀?」
「放lunch果時你咪話過想要個女朋友既?」估唔到佢在意我呢句話。
「你…鍾意夏雪瑩架。」翊雲一臉自信望向我。
「係呀。」
我腦中突然飄過一堆夏雪瑩既畫面，佢股高雅既氣質，冰晶玉潔既皮膚，甜美既面孔，仲有把自然黑既馬尾，每次經
過都會有陣香氣，女神既氣味。嗚哇，我抵受唔住啦。
「I got a plan…」佢突然講英文。
「咩plan。」
「幫你追佢既plan。」
我心中大喜，因我從來都冇諗過追夏雪瑩既plan，如今有天才幫我，豈不是成功左一半?
「不過，我有個條件。」翊雲瞬間好似變左大魔王咁討價還價。
「兄弟講咩條件啊。」
「唔妥協就算。」翊雲嘆左一口氣。
「OKOK，做咩先?」
「條件係…我要借你幫我追黃可菁。」翊雲向我微笑。
「不竟你地自細識，由你幫我應該事半功倍。」
「唔…」我答應左佢，我相信我對菁菁純粹只係好朋友關係，並唔存在半點愛。
佢都係咁諗架可?
「Deal!你可以返去等我消息。」翊雲推門走去。我則離開學校，行路返屋企。
我屋企喺YOHO Midtown，所以離學校好近，去返方便。
「返黎啦?」我阿哥喺廚房整緊晚餐。
「好快有得食，等等呀。」
「辛苦你啦。」
因爸媽都喺外國工作，只係留低我同我阿哥程日陽喺香港。
我喺等食期間，乘機問菁菁拎夏雪瑩電話。
菁菁:「你鍾意左人地呀?XD-6:43pm」
我:「唔好亂講阿>_<-6:43pm」
菁菁:「;-)-6:44pm」
我再打比翊雲，睇下佢有咩消息。
「嘟!」
我比佢cut左線。隨後佢傳黎信息。
翊雲:「個plan仲完善緊，聽朝去一去老地方」
我:「OK;)」
之後我就聞到喺廚房傳黎美食既香氣。
阿哥煮野食可以話係一流。
食完晚餐後，我緊係番房打機機啦，玩我近排沉迷上既鬥陣特攻，尤其係我最鍾意果個女角…D.Va，佢有著啡色既秀
髮，緊身衣更突顯到佢身體既線條，而且仲有個甜美既面孔。可惜，此女僅限二次元。
喺我玩得興起既時候，突然成間屋都停左電，而我個螢幕卻射出白光…