「爛頭，不會再更新」《在螢幕走出來的電動女孩》: Ch.3 在螢幕走出來的電動女孩
而家正值夜晚，房間密不透光，加上我將窗簾閉上，令窗外街燈既光難以透入房中，更顯得從螢幕射出的白光更為耀
眼，令雙眼感受到刺痛，不能直視。
「啊哥，係唔係跳制呀?」我一手捂眼一邊問。
「係掛，我去睇睇。」
「滋滋滋…」電腦不停發出電磁波聲。
此時，我喺螢幕到見到個黑影。
個黑影係咁放大。
愈黎愈大…
愈黎愈大。
慢慢咁，我見到有個人影行近。
個人影喺個螢幕到揮兩揮手，然後突然伸出手，捉實個螢幕框，而個框則比個黑影整到係咁震。
個黑影好似想爬出黎。
突然，黑影個頭一下子衝破螢幕出黎，雖然佢背光，但我仍隱約見到佢一把長髮，應該係個女仔黎。
跟住佢伸埋對腳上黎，從影黎睇，呢個女仔應該係一絲不掛，可惜佢嚴重背光，我一啲都睇唔清楚。
正當我想起身上前，個女仔輕盈地由螢幕跳出黎，一下就跳落我身度，我一失平衡，便身向後傾，再加上個女仔既重
量，令我重重地往後跌，意識漸漸模糊。
不過佢跳過黎個一瞬間，佢既身體與周圍既空氣接觸，使得空氣殘留個女仔獨特既氣味。
好香…
好令人陶醉。
個女仔壓在身上，與我四肢互觸，令我不禁心跳加速，好想揭開佢既神秘面莎，望下佢既真面目。
之後佢用雙手撐起身體，一隻腳與我的大腿互相觸碰著，而令一隻腳則屈起，膝頭上方放在我大腿根既下方。
我倆雙眼對視，我的靈魂則像被佢迷人既雙眼吸入去，一瞬間腦袋空白，咩都諗唔到。
正當我回神過來時，想開口問佢時，佢竟然…
「嘿!」佢輕聲發出聲，然後用手刀往我頸部劈。
「阿…」我正式昏迷過去…
陽光從窗外穿過窗簾照射在我的臉上，同時亦將房間照亮。
我意識漸漸恢復，但我仍感受到頸上既痛楚。
「阿阿…」我打了個哈欠，並打算伸手捽下對眼。
「噫….???!」我惶恐地大叫。
我發覺自己被放在床上五花大綁著，四肢都被人用粗粗的麻繩束縛著，而麻繩則綁在床腳同床頭，令我動彈不得，感
覺十分唔自然。
我嘗試爭扎，試圖用「縮骨功」把手脫離那緊束的繩結，毫無疑問地，我不但唔成功之餘，仲整到我成手通紅，差唔
多要爆血管。
「啊!!!」我放棄爭扎，隨即成身放鬆。
我轉頭望去我白色書枱上既鬧鐘。
「WTF??!!」個鬧鐘顯示8:01，我就黎遲到啦!!!
我仲約左翊雲朝早老地方等…
我仲約左佢講個計劃比我知…
頓時，門外傳出腳步聲。
「細佬?你仲唔出門口。」阿哥一路講一路扭個門鎖。
「做咩鎖門啊。」阿哥愈扭愈大力，對門係咁「啐啐」聲咁響。
「我被人…」正當我打算同阿哥解釋我被人綁喺床上時，一隻手從床頭伸出黎，一野捂落我個口度，令我一句話都講
唔到。
呢陣味…
好香…
好熟悉…
喺邊度聞過…
係昨晚個女仔…!
個女仔慢慢咁由床頭走過去床邊，佢行路既姿勢十分優雅，佢著上一件明顯較大碼既白色恤衫同埋一條過鬆既深藍色
西褲。似乎昨晚佢真係「真空」咁同我近距離接觸。
等等，嗰啲好似係我啲校服黎…
佢終於轉身正面望向我。
等等…個樣咁熟口面既?
我從我腦中既記憶找尋著，不過一會，我瞳孔放大，樣子十分驚訝。
「你咪係…D.Va…?」我個口仍然被佢玉手按捺著，所以聲音模糊不清，好難聽清楚。
D.Va有著與遊戲裹的樣貌差無幾，而且變得更真實，絲毫沒有遊戲裡既「卡通」，就係實實在在一個女生企起我面
前。惟一分別就係佢面上沒有像貓的粉紅色彩繪、沒戴上耳機，以及沒穿上那鮮豔既緊身衣。
D.Va冇回應我，佢僅向我瞪大雙眼，用另一隻在自己頸上劃一橫，示意我唔好亂講野。
嘖…人生第一次被女仔威脅。
D.Va鬆開手，令我可以發聲。
我清一清嗓子，同門外既阿哥講:「咳咳…我今日有啲唔舒服，幫我請一日假啦，咳咳…你都唔洗入黎啦，費事傳染比
你…」
估唔到我既演技要用喺呢度，我真係冇用…
「咁好啦，好好抖下啦。」不久，外面傳出我家大門關門既聲響。
我身旁既D.Va向我伸了手指公，示意我做得好。
被一個如此漂亮既女仔讚，我應開心定係表示憤怒好…
良久，我再忍受唔到呢段冷清既氣氛，我打破寂靜，問:
「你點解要綁住我?」佢冇答，只係毫無表情咁望住我。
「你做咩要著我啲衫?」我開始問啲無聊問題，但佢都冇回應。
佢終於開口。