《當你真係鍾意一個人，你真係只敢loop她的instagram和facebook?》: 第六章（辣）（下）

*（小三）﹣呢到姑且叫住阿晴男朋友為小三。

過了sem break ，又到了開sem 的日子。
 
自從我del哂阿晴所有聯絡之後，我已經狠下決心唔再熱臉貼人冷屁股，但事實上自阿晴果晚係宿舍撞到我之後， 佢都冇再搵過我，連我想作賤自己想貼人冷屁股的機會也沒有……
 
唔知阿儀係唔係第一次見我為愛情而情緒那麼失控，佢開始好擔心我的一舉一動，無論上堂、食飯、做project，佢都有意無意的陪住我，所以佢開sem 後的timetable幾乎跟我是一樣的。
 
「阿健，一陣食飯去Canteen好唔好？」一落堂，阿儀立即走出人群中跟著我，怕我是走失似的，阿儀呢幾個星期都是這樣搵我食飯、傾計、出街。
 


「好呀，無所謂。」我見佢為我的事那麼上心，我也裝作很有活力的說著，因為我不想令唯一還願意關心我的人失望。
 
剛下課，我倆就從課室走出走廊一直說著走著，阿儀又會不斷主動聊我傾計。
 
「阿健，你有冇睇我是歌手？好好睇呀。張靚穎唱果首『餓狼傳說』，又唱又跳，真係唱得好好聽！！！重有啊，雖然d人唔鐘意韓紅咁大牌同扮野，但佢唱『往事隨風』 真係好投入同埋好感動。」喜愛音樂的阿儀獨個兒也可以說得興奮。
 
「阿健？」
 
我漫不經心的聽著，兩眼只顧著看前面人群，雖說阿晴已經唔值得留戀，但腦子似是不受控制，常常會想到她清純可人的臉龐。
 


突然，望到前面的一對男女背影有點熟悉，他們向著lift的方向走去，我的腳步也不期然的加快了。
 
「阿健！」阿儀大聲的叫著我。
 
「吓？」我望得失了心神的應道。
 
然後阿儀也跟著我的視線轉頭望過去，我諗她望到嘅同我諗嘅一樣。
 
阿儀一手大力一拉我個袋，拉到我急步停低左，還來不及問阿儀發生什麼事就被她猛然拉我番轉頭去後樓梯道：「呢排我少做運動，陪我行樓梯！」
 


她大概唔想我再見到他們兩個又胡思亂想，重想那些傷心的事情，墮入情傷弄得自己不似人形。
 
雖然阿儀是為我好，但這裏是六樓啊！
 
當我還望住長長樓梯猶豫之際，阿儀已經一手扯著我個袋一邊急步行落樓梯，好像當是拉狗跑步般，續道：「睇你條毒撚平時少做運動架啦，而家本小姐做下好人同你行下樓梯當做運動啦！」
 
我只顧著急步跟著阿儀，已經上氣唔接下氣，所以我由六樓行落下去，已經唔係好頂得順，只能停低了才能喘著氣應佢：「真係榮幸之至呀……」       
 
阿儀轉個頭都廢事得再理我， 自己走左去Canteen，我從後趕上阿儀的步速，隨便買完飯，我自己搵位坐低先，事關阿儀係有選擇困難症，平時佢諗下食乜都可以諗足十五分鐘都未必選到。
 
我坐左係到望住阿儀的背影，我突然覺得阿儀其實真係一個好難得的女仔，佢好重視友情，有時為朋友真係兩脇插刀也在所不惜，如果唔係都唔會為左我為左我呢個毒撚做咁多野，而且佢樣貌、身材、性格都係好girlfriendable，只係大家已經相識多年，不知不覺已成為知心好友，而且現在的我對住佢也沒有那種「叮」一聲，一見鍾情的感覺，所以我倆不太可能成為情侶，反而我比較想幫佢搵一個好男仔。
 
等了十分鐘後，阿儀終於買完飯。
 
為何是十分鐘？


 
因為我一坐低並唔係食飯先， 而係拿出手錶幫阿儀計時，所以佢一坐低，我便誇她說：「好叻女喎！今次十分鐘咋喎，下次再快點請你食波板糖！」
 
阿儀當然知我在說什麼，所以佢不服氣的跟我道：「食飯啦！死毒撚。」當我還想反駁的時候，那兩個熟悉的背影又出現在我眼前。
 
是阿晴跟她的男朋友。
 
由於阿晴背向我坐的關係，所以佢不知我恰恰坐在後邊食飯。食飯途中，我一邊扒飯，一邊不友善的望著小三，其實我只係望住佢地，但可能心中還存有對阿晴的恨意，才會不經意露出敵意眼神，當然我面前的阿儀和跟我面對面的小三發現到我那充滿仇恨的眼神。
 
阿儀見狀都跟我語重心長的說：「阿健，忘記佢啦，呢個女仔唔值得令你浪費時間係佢身上架。」同時間，小三的口型也似乎口噏噏咁同阿晴講野， 但阿晴聽完後，只有肩膀不禁氈抖了一下，沒反應繼續低頭食飯，並無回頭望我。
 
大家讀埋同一間大學，又點可能完全見唔到大家。所以自果次遇見之後，好幾次我跟阿晴同小三都有撞到，我還是露出不友善的眼神望住他們，但阿晴每次都避開了我的眼神，而佢男朋友開頭都會對我眼神而感到不自然，都會怒啤下我，但慢慢佢都當我不是一回事沒有再理我。
 
我以為今個sem應該唔會有阿晴的存在，我應該可以放心。
 


怎料，到了Add-drop 最後一天，阿晴同小三選讀Morality呢科又入左我果班的lectures，而我同阿儀咁岩走左堂唔知。
 
我地知道果陣已經過左add-drop period，於是只好繼續上這個lecture，我每次上堂都是帶住恨意的眼神看著佢地兩個，但他們一概懶理我。唔知由幾時開始我望住阿晴的眼神開始變了，我感覺到我心中對阿晴的那種恨意已經慢慢磨滅。
 
而且我望住阿晴的眼神唔知點解開始又變回那種害羞、甜蜜的目光遠遠仰慕著她，阿晴總係有種吸引力不斷吸引我嘅目光，每一次望佢都令我個心不能平靜，胡思亂想起上來，有時候自己又會傻頭傻腦的笑起上來，感覺就好似翻番我當初loop佢instagram 同facebook果陣一樣。
 
你問我點解？
 
      可能對住你，我真係嬲唔落 ？
 
              又或者即使你是這樣的“討厭”，我都重係鍾意你。
 
但同時每次望住佢地兩個打情罵悄，細聲講大聲笑，有時候小三的手又不安份游走在阿晴白滑的大腿上，我個心就愈加難受、心酸 ……時間耐左，小三都知咩事，一個男仔成日用d含春的眼神昅住你條女，係人都知咩事，雖然小三阻止唔到我一直“觀賞”阿晴，但佢一旦發現我的目光，佢跟阿晴嘅打鬧就會故意更親䁥，更多身體接觸，再加上望向阿晴的表情既害羞又甜蜜，我心中的滋味就更不是味兒。
 
坐係我旁邊的阿儀又點會唔知咩事，一開頭都會苦口婆心跟我說教，但耐左佢都無奈的由我沉溺下去。


 
呢段時間我每晚開始養成一個習慣，重新打開阿晴的instagram和facebook，我只能夠從這種方式繼續了解呢個女仔，望住相中的佢一顰一笑，我已經好心滿意足，並無奢望跟她有再進一步的行為，或者，除了loop佢fb同instagram我又可以有什麼可以做?
 
每一晚都係咁loop，每一日都係咁呆望著她。
 
我以為呢一世我都只會同fb、instagram中的阿晴有交流，怎料就發生左呢件事。
 
那天我如常的找了個可以遠觀到阿晴的位置坐下，慣常坐在我旁邊的阿儀只是一直默默的坐在我隔壁，沒有再說什麼忘記她、她只當我兵之類的說話。
 
「你地記住呀！下星期就mid-term啦，緊記要溫書呀」教授一句響亮的聲音讓我專注的望著他。
 
如果唔係佢講一講，我還差點不記得。
 
教授望了兩望 lecture hall的四周便續道：「人齊未？沒返的舉手啊吓。好，無人舉手，開始講書！」
 


「哈…哈…哈」這個gag真是好爛。
 
望住阿晴個位，我有時係到諗：成日望住阿晴，每晚loop她的instagram和facebook有什麼意義？
 
問清楚她的心意？
 
       期望再跟阿晴重新熟起來？
                        
               為了等待機會拆散佢地兩個？
 
坦白說，以上的事我全都想過，不知在我腦海中預演過多少次，我成日都幻想我可以豁出去，哪怕我是一時衝動的做了，我也不後悔，但看著阿晴那從心而發的幸福笑容，我又有資格做嗎？
 
現在的我只希望遠遠的望住阿晴，不敢再奢求跟她有進一步的發展，對我來說已經好心滿意足。
 
因為我清楚我根本不是那個真命天子。
 
我望一望原本阿晴坐開的位置，小三旁邊怎麼是空位？
 
阿晴走堂了嗎？
 
是生病了？
 
還是發生了什麼事情？


我的心泛起了一絲不安的情緒。
 
這刻的我剎時有了一股衝動。
 
我沒理阿儀獨自一個坐落下兩行，坐在小三後排的座位，幸好小三還未發現，我目的是偷看小三聊Whatsapp的對話，因為一對熱戀期的情侶必定會時時刻刻都黏著大家，見不到大家都一定會機不離手的傾Whatsapp，尤其女友生病或者失意的時候，所以我希望能打聽到阿晴走堂的消息。
 
小三一直拿著手機按下按下，似是談著Whatsapp，我微微伸頭一看。
 
阿晴：『點算呀？bb，做唔切中文份功課，我驚過左deadline呀。』
 
小三：『唔緊要啦！你而家走左呢堂，有將幾多做住幾多先，一陣真係做唔哂，我幫你做啦。』
 
阿晴：『抵我最錫你呀～～』
 
跟住的對話我沒有再看下去，因為我已經知道佢為何走堂，而且看著自己一個鍾意的人跟另一個男仔打情罵俏的感覺好差，個心好難受……
 
當我準備留心聽下久違沒聽過的課的時候，小三的話讓我將注意力全神集中於他身上。
 
坐在他旁邊的型男跟小三咬耳仔講：「你就勁啦！Alex，阿晴咁高質都比你溝到，真係同你做同學冇運行，溝哂食哂d女啦！」
 
Alex?
 
即是果個成日搞社運上電視果個學生會會長？難怪果晚他的臉會讓我感覺那麼熟悉。
 
「咁你又唔好咁講，Angus哥你本身咁型，好似Debate個女神Candy，你咪又係溝到！」
 
跟著的對話都是互戴高帽，我也不著重講，因為就是以下這幾句才觸動我神經。
 
「其實你真係好撚勁，一方面同阿晴拍拖，另一方面又可以拖住你支莊個Maggie，人地話唔好係到食又係到痾呀，你三個人同一支莊兩條女都可以唔知，真係兩女共侍一夫，過d招數黎啦。」型男一邊誠心地問著，以猥䙝的眼神望向小三。
 
屌你老母臭閪！！！
 
呢條仆街竟然呃．我．個．阿．晴！
 
深感憤怒的我從後兩眼的盯著呢兩條仆街，呼吸不自覺愈來愈急促，但唔知係咪睇得多電視，直覺話我知係呢到搞大件事或打草驚蛇對我並無好處。
 
於是我繼續靜靜的聽他倆對話，另一邊拿出手機按下錄音鍵。
 
小三一臉風騷卻裝作無奈：「嘿嘿......有乜教唔教呀，老實講，兩個其實都好撚正，真係唔識選先溝哂佢兩個咋…」 。
 
「嘿…屌你啦！食完咪知邊個正， 」型男望著小三淫笑。
 
「……」小三並沒有回應他。
 
這是什麼反應？
 
難道我錯怪了他。
 
小三是一個好人？
 
下一刻，小三拿出手機不停按按按，再將手機螢幕遞給型男看。
 
型男便望著他，再度笑意淫淫調侃道：「嘿嘿嘿……咁有效率呀？Alex兄。」
 
當小三收回手機時，那屏幕湊巧對上了我的視線左邊，我再稍稍伸頭一看。
 
Alex:『BB我條腰痛呀…..不如今晚你黎我間房做assignment?』
 
阿晴：『咁呀……好啦...』
 
今晚？
 
   什麼意思？
 
隨即我聯想到剛剛的對話。
 
「屌你啦！食完咪知邊個正，嘿嘿……」型男望著小三淫笑。
 
「……」小三並沒有回應他。
 
我剎時才醒覺他要做什麼。
 
呃阿晴
        重要搞佢？
 
呢樣真係將我全部怒火一下子逼哂出黎。
 
我的情緒再也按捺不住，我感到全身發燙，熱血沸騰，什麼理智、場合、身份問題我都不再理會，失控的我一份notes一野大力扔在他的臉上，隨即怒吼：「你個仆街，你同我“攔”出嚟！」
 
這句的聲量大得在整個Lecture Hall回響著數遍。
 
我一手抓他衣領扯起身：「枉阿晴咁信你，你竟然呃佢一腳踏兩船，重想搞埋佢？」
 
小三只懂得呆愕的看著我那掙擰的臉孔，一時三刻也不知如何反應。
 
說完我兩眼滿是怒火盯著他，左手握實拳頭，但臉上和嘴唇的肌肉也不斷抖動著，就連臉上微細的血管的跳動，我都感覺到。
 
突然……
 
「What happen?」
 
一句響亮的聲音將我倆情緒分裂的氛圍打破。
 
教授繼而望向我倆身上， 一臉嚴肅怒斥：「我從來都唔會理我學生上堂做咩野，但前提係唔好阻到我教書，我唔理你地係咪有爭執、定係要吵架、甚至要打架？呢d全部與我無關，但係你地而家阻到我教書、其他同學上堂就關我事。要嘈出去嘈，要打出去打，身為一個大學生，情緒都控制唔到學咩人讀大學。」
 
話畢，我先醒覺我剛才的行為有幾出位，全部同學呆愣的看著我倆，有些甚至將手機鏡頭向著我們，應該是拍低剛剛我們的爭執。
 
這時候不知所措又是憤怒的我只好放開小三，獨自一人揹起袋離開Lecture hall。
 
 
我嬲、我被人辣興，
 
        因為他不是好人，我只是不想你受到傷害。