歷:「佢地究竟想點,企晒喺度,又唔攻上嚟。其他又哩埋晒。」

老師:「首先,敵將應該唔知我地可以睇得穿佢既set up。咁易地而處,我會用樓下卒仔誘敵,令對方逃走自投羅網。或者等夜晚等手下恢復活力再行動。佢係想減低佢既傷亡數量,佢既智慧肯定不下於人類。」

霧:「鐵影口中其他既智慧種族?」

『但咩生物可以控制咁多失智者?首先要做到圍往哩度,已經唔係前行後退左右轉咁簡單既指令,仲未計佢地哩得好好,冇霧姐既能力完全冇可能發現到,仲要分十幾隻出嚟恐嚇我地。當中包含咗好多同好複雜既指令。』

小馬尾:「乜鬼都唔緊要,我地點算?打又唔夠打,走又突圍唔到,守就更加冇可能…」





的確暫時逃走才是最重要的事,幕後是誰根本不緊要。

突然間小馬尾好像想到些甚麼,驚喜地說。

「係喇,我地可以試下行嗰啲咩下水道之類咪得囉。電影好多時都係咁走得甩㗎。」

暴:「小妹妹,你幾多歲?電影?咪玩啦。」

「唓,唔得咪唔得囉,我諗住地面走唔到,我地又唔飛,咁咪行地底囉。你咁串。咁你有咩辦法?」





「冇,但我都唔會亂咁講啲廢話。」

「唓。」

霧:「唔好嘈!留番啖氣諗下辦法啦。」

老師:「莫講話冇人熟悉地下水道之類,有地震都震斷晒啦。冷靜啲,仲有時間。」

霧:「搵到喇,哩一邊,有兩棟樓,只要我地衝過中間既罅隙,就有機會衝出包圍…





但係…

衝唔過會包圍得更加利害。」

歷:「咁即係賭一鋪咋喎。」

老師:「哩個係最後方案。霧稍息半小時,小美報時,暴同小言繼續觀察,暫時係咁先。既然佢地按兵不動,我地暫時亦都唔好打草驚蛇。3點係deadline,仍然冇方法就…」

霧沒有休息,戴上了太陽眼鏡後立即和小馬尾、歷、老師一起收拾細軟,那些設備與補給太珍貴了,不可丟失,如便利帳幕,如仙豆般的一口糧和治療蛋等,於白色棺材得到的物品。

很快眾人已作好隨時逃跑的準備。

絕對的數量差距,形成前所未有的絕景。每個人都思考着些甚麼。

如何逃生?





敵將是誰,目的又是甚麼?

一己之力能斬殺多少失智者,可否衝出重圍?

要保持冷靜,保持最好的命中率。

能操縱如何多的失智者,實在太恐怖了,是如何做得到?或是我們錯過了甚麼重點?

到盡頭了嗎?那過去所受的,又有何意義?

………………

原九龍城廣場停車場內。





一把年輕女性的聲音在回盪着。

「佢地已經醒覺,開始行動喇。小明準備好未?冇時間喇!」

「未!隨時可以出發。」
已有 0 人追稿