盛:「你話哩舊石可以解答我既問題?點答?」

T:「冇錯,佢有好多答案,不過你知道之後就會有更多問題。將佢放喺額頭度就得喇。Ben,下個到你,雖然你實力只係得B,不過我諗穩陣起見,超S級以下都應該要有人清楚係咩事,可以話係最高機密。」

盛照T所說的,把聖石放在頭上。

『ka-no-ma…』

『a-la-wah-do』





盛感到一股被入侵的感覺在腦中漫延,若不是決定相信T,他必定會反抗。

『調整成功...世界模擬重組中,隨機選擇代入人物。時間為毀滅前一小時。』

『聖石?咩意思?虛擬世界?毀滅前一小時?地球?』

『聖石個名好俗,不過睇嚟我冇拒絕既權利,哩個的確係虛擬世界,因為時間唔足夠所以只係設定為毀滅前一小時。哩個並唔係地球,而係源星,起源之星。』

盛發現自己睡在一個巨大透明膠囊內,身體在一團清涼的液體內。他大概明白聖石的說話,毀滅源星者亦將消滅地球,但他並不了解要一小時有何用處。





『俾一個鐘我做乜?直接睇佢點滅世諗辦法好過啦。唔好浪費我啲青春。』

『當然可以直接睇啦,但哩一個鐘其實係俾你了解一下源星人有幾強大,同地球人有幾大差距,咁你會更加清楚將會面對乜野。』

『算啦,我冇興趣知死人有幾西利,你講俾我聽,再直接睇滅世啦。』

『好,如你所願。

源星係極度發達既文明星球,科技上已經去到星際旅行,接近空間跳躍既程度喇。大部份源星人有B級實力,超越S級既亦都有唔少,大概有萬幾人,S級既更加係不計其數。





佢地接近長生不死,時間對佢地嚟講冇任何意義,99%源星人將生育交托俾中央生命生產系統,只要申請得到生產權利,選擇好自己喜歡既DNA就可以生產後代,令大部份源星人有完美既內在與外在。

每個源星人有接受咗基本資訊傳輸,不論學識,運動同格鬥都有一級水準,可謂文武雙全。

以上係源星人基本資料,至於社會結構,文化歷史之類以後可以再講,嚟緊真係直接跳去毀滅一刻?』

『等等,源星人係咩樣?』

膠囊裏,在盛面前形成一塊圓鏡,取代了白色一片的觀景。

眼前的自己,或是代入的源星人樣貌就好像...男版天使一樣,極度俊美的外觀,淺藍的雙眼,一身肌肉均勻結實,盛感覺到這肉體的強大,若當初他有這副身驅的話...

『天使?』

盛好奇地問聖石。





『你話嗰啲極限戰鬥生物?用源星人做基礎既生物,當然似樣啦。而家直接睇滅世?』

『好。』

看來天使與源星人很有關係。

………………

Ben看到盛醒來後拿開額上黑石,絕望地望着T一言不發。
已有 0 人追稿