《無期》: 第三章 暗湧11

T：「咁快？我叫咗俾一個鐘你㗎喎。」

盛：「嗰一個鐘根本冇意義，有意思既連一秒都冇，連我地究竟面對緊咩都唔清楚，咁叫乜野答案？」

T：「你知唔知源星有幾強大，又消失得幾咁突然，哩股力量有幾令人絕望。唔止源星，天堂同地獄兩個極端星球都一樣，仲有好多附屬星球都被毀滅，無一幸免。」

盛：「答案就係不可對抗？我唔信，佢一定有弱點既！」

T：「連源星人都搵唔到，甚至連佢本體都唔知係咩，點搵佢弱點？」





盛：「佢地唔得，唔代表我地唔得，另外點解我地唔可以用超過B級既能力？」

T：「用咗會俾佢捕捉到，一瞬間就會消失。」

盛：「你點知？」

T：「如果你早幾日突破，你都會感覺到。」

盛：「即係早幾日有人被捉？除咗你仲有其他超S級咩？」





T：「有兩個，已經消失晒。」

盛：「兩個？邊兩個？點解我地唔知㗎！」

T：「你地冇可能知，因為佢地唔喺香港，我只係大概感覺到佢地既方位，應該係日本同韓國。」

盛：「咁遠你都feel 到？係唔係㗎。」

T：「遲下你咪知囉，俾聖石啊Ben啦。」





Ben接過聖石後，急急地躺在地上把它放在頭上，他很想很想知道究竟是甚麼東西讓大帝和天不怕地不怕的盛都感到驚慌無力，究竟它是甚麼？

盛：「佢接受到咩？咁絕望既真相。」

T：「唔得都要得㗎啦。」

盛：「咁你呢？可能下一秒，我地所有人都會消失晒，唔再存在喺哩個世界上面。」

T：「係，我地努力爭取到既生存空間，除時都會破裂，就好似空氣中既番梘泡咁。」

這事實怎可能會接受得了？

可是接受不了又可以怎樣？就如一個小小孩童被滿身筋肉的大人握着咽喉，他知道自己的命運就是必死，他會放棄抵抗嗎？不！渴望生存下去的欲望會驅使他掙扎，驅使他拳打腳踢甚至用口咬等一切手段來換取那等於零的逃生機會。

他們現在就是如此，其他人其實一點也不清楚，只以為有他這個超人在人類就有機會奪回一切，最終回到過去般的美好時光。但事與願違，現實是殘酷與不講理的。





盛：「對唔住。」

T:「？」

盛：「雖然少但我都會講對唔住既。我唔想壓制能力，如果照你咁講，咁其實我突破咗咪百害而無一利？戰力突然降到得B級，咁我地既防線會更加難守。我唔可以咁做，咁同送其他人去死冇分別。」

T：「咁就變咗你去送死，咁都於事無補，你一用高階能力就會消失，又可以有啲咩作為？」

盛：「咁唔通你叫我眼白白睇住啲人死咩！」

T：「新嚟咗個後生仔，可能可以接替你既位置，補上A級缺口，你不如着手訓練佢？咁就唔會無所事事啦。」

盛：「我唔識教人㗎喎。」





T：「唔緊要既，教下教下就識㗎喇。」『應該。』

盛：「點解你又唔教？」

T：「你真係想知點解？」

盛點頭。

「你真係好蠢，咁簡單都唔明，因為我唔想教囉。」



下一刻，盛眼前一黑。

『睇完。』





『屌你，睇完？』

『係啊，源星人於一息之間被消滅，連灰燼都冇。所有人都消失晒。你係咪期待有煙花睇？我可以俾係睇比核爆華麗一千倍既大場面，但事實係源星人死得一啲都唔轟烈，佢地只係無聲無色咁消失晒。其他附屬星球越高等，消失得越快，越低等就越似而家既地球，被外來生物入侵然後步向滅絕。』