「續寫」無啦啦多左幾個家姐同阿妺: 來訪者
第二朝天一光，我就同Sarah一齊返學校。
原本打算自己實係第一個返到去架啦，點知返到去已經見到有好多人係學校門口等緊開門。
等既人唔只係我地學生會既人，仲有好多同學係度。
我百思不得其解，於是走去問阿惠到底咩事，點解咁早就有咁多人係度。
阿惠：「哦屌！我開頭都嚇親，佢地個個都話想早d返黎set好d野，點知返到黎先知學校未開，所以咪係度等開門。」
我：「嘩大家都咁勤力…」
Sarah：「因為大家都想做好件事嘛。」
我：「岩，大家都好想今日搞得好好睇睇，大家既目標都係一樣。」
Sarah：「嗯，所以快d開門，唔好要大家再等喇。」
係喎屌，講左咁耐都唔記得開門，搞到大家都係度食風添。
點解我有校門鎖匙？早排用學生會身份問學校拎架囉。
開左門之後大家都紛紛去自己既攤位，好似人地開鋪咁好有條理地整理好所有物品。
九點鐘，距離預定開放時間十一點仲有成兩個鐘，大家都已經準備好哂，成間學校已經係一片歡樂氣氛下。
我係學生會室望出去操場，見到大家都笑得好開心，好似好期待一陣正式開放咁。
阿威：「喂阿明，你同唔同大家講兩句？趁未開始。」
我：「我啊…我怕我唔得喎，不如叫Anna或者Ellen去啦。」
Sarah：「佢地去哂禮堂整野吖。」
Ellie：「而且阿明你先係學生會主席，你先適合去同大家講野啊。」
Sarah：「放心啦你一定可以既，諗到乜就講乜啦。」
咁啊…好喇我明白喇。
我戰戰競競咁走到去廣播台前面，成個人好緊張，係咁出汗仲不停咁吞口水。
諗到乜就講乜的話…
「各位同學大家好，我係學生會主席陳煒明，係開放日正式開始之前，我有幾句說話想同大家講。」
「好多謝各位同學為今次開放日咁努力，我甚至見到有同學今朝門都未開就返到黎，果份熱誠係咁凍既天氣都可以feel到。」
「我真係好多謝大家，希望大家一陣招呼人客之餘都可以玩得盡興，係呢兩日既開放日可以留下一個開心既回憶。」
「呢次係我地第一個開放日，大家都未必可以做到最好，但我只希望大家玩得開心盡興。」
「再一次，係度多謝大家，我要講既係咁多。」
屌…我到底講左D咩啊…好似搞歪左添。
阿威：「講得又幾好喎衰鬼。
」 Ellie：「係吖唔錯啊。
」 Sarah：「都話你一定可以做好架啦，成日咁無信心都有既。
」 我：「係真唔係啊，你地唔好氹我喎。」
阿威：「屌，唔信的話你自己聽下出面啦。
」 我半信半疑咁走去窗邊，結果聽到好多歡呼聲，唔講以為個開放日已經開始左。
Sarah：「大家一定係聽完阿明你講既野先咁開心啫。」
係咪架…我有咁大影響力咩…
無論係咩原因都好，大家而家咁開心就得啦。
我見到大家咁開心，自己個心都踏實左少少，開心埋一份。
睇黎我係一個幾易滿足既人，咁少事就開心。
之後我都係學生會室入面hea，隔住隻窗望住個操場，睇住愈來愈多人返到黎。
慢慢咁樣hea到十一點幾，開放日都開始埋，成間學校一瞬間都熱鬧起來，同呢間冷清清既學生會室形成相當大既落差。
點解會冷清？Sarah，Ellie仲有阿威呢？
我叫哂佢地三個返去做自己野，唔洗理我，所以而家學生會室先得返我一個。
反正今日我都唔會有乜特別野要做，咁樣係度hea下都唔錯吖。
坐下坐下就訓著左，直至Sarah叫醒我我先醒。
Sarah：「又偷懶啦你。
」 我：「嗯…而家幾點？」
Sarah：「兩點啦！你到底訓左幾耐啊！」
我：「係囉我都唔知自己訓左幾耐。但係你搵我有咩事？出面有事？
」 Sarah：「啊，掛住話你差d唔記得左添，你睇下邊個黎左？
」 Sarah微微退開，等我可以睇到佢身後既人。
「明哥哥！
」 原來係Yui同羽晨。
我：「Hello羽晨~你點氹到Yui姐姐帶你黎架？」
羽晨：「我話我好乖，每晚十點就上床訓覺，默書仲有一百分，所以Yui姐姐就帶我黎啦~」
其實只要你話想黎，Yui都一定帶你黎架啦…
Yui：「會唔會阻住你啊…
」我：「唔阻唔阻，我而家都無乜野做。
」Sarah：「係囉你睇下佢直頭訓著埋，邊有野做吖佢。
」我：「係係，我訓著左係我唔岩，咁不如等我帶你地去玩補數？
」羽晨：「好啊！我要食棉花糖！棉花糖！
」係喎之前同羽晨講過話可能會有棉花糖，唔知係咪真係有呢。
好彩真係有，出到操場行左一陣就搵到有。
我：「唔該俾三支棉花糖我吖，幾多錢吖？」
同學A：「咦你係..？
哦！唔洗錢啦。」我：「唔得~食野點可以唔俾錢呢。
」同學A：「咁呀…盛惠$30吖。」
我二話不說，即刻交出$30，怕佢一陣又唔收。#sosad#
俾左錢之後我地四個人就企定定係度睇佢地整，估唔到佢地又會咁熟手，好似平時有做開咁。
Sarah：「嘩你好熟手喎，點解既？
」唉呀，俾Sarah搶先一步問左添。
同學A：「因為我地有個同學屋企有賣呢d，佢屋企人教我地整，連部機都係佢屋企借比我地，嗱部機咪佢屋企架囉。」
佢用支竹簽指住一個岩岩行到佢旁邊既同學。
同學B：「係吖，部機係我為左今次專登問屋企借，部爆谷機都係。」
咦..爆谷機？
我仔細D望下呢檔野既人，原來佢地係4B班既人。
借爆谷同棉花糖機既人我開始有印象，佢屋企雖然唔係好似我以前咁窮，但佢以前係學校都被人笑窮，話佢係小販之類。
估唔到佢地而家居然可以打成一片。
同學A：「我都無諗過原來整呢個都有技巧，我學果陣仲被人鬧添哈哈。」
我記得佢喇，呢個同學A佢屋企都幾有錢，又係睇唔起人果類人黎。
真係估唔到佢地居然咁樣一齊做野，仲要笑得咁開心。
睇黎當初我地想做既野開始慢慢做到啦…
同學A：「係~呢度三枝棉花糖，多謝哂~
」我接過三枝棉花糖之後就分發左比佢地三個，向下一站進發。
咦係喎，行左兩步突然醒起D野添。
我：「今日得你地兩個黎咋？大家姐佢地呢？
」我問完之後見到Yui同羽晨你眼望我眼，表情一臉疑惑，好似唔知咁，所以我決定直接D問。
我：「佢地無黎？」
Yui：「唔係啊…大家姐二家姐佢地陪我地一齊黎架...」
羽晨：「不過明哥哥你提起我地先發現佢地唔知幾時唔見左人..」
唔係啊化？居然會有咁既事？你地掛住食野唔記得左大家姐佢地？
唉唔緊要啦，反正有電話，隨時都可以搵到大家姐佢地。
Ellie：「Hello羽晨，Yui，你地都黎左架，我仲以為得大家姐同二家姐黎左添？」
Sarah：「Ellie你有見過大家姐同二家姐？」
Ellie：「嗯，岩岩先同佢地傾左兩句計，佢地而家應該去緊運動場果邊。」
我：「佢地去運動場做咩？果邊好似係比足球隊表演架。」
Sarah：「咩呀，今日係五月天黎表演嘛。」
WHAT？五月天？？？ARE YOU KIDDING ME？？？
我：「講真架？邊個請佢地黎架？」
Sarah：「Ellen囉。」
Ellie：「係啊，家姐話第一個開放日要搞得好好睇睇，所以就叫Daddy請佢地黎啦。」
Sarah：「聽日好似係CNBLUE添呀。」
痴撚線…請佢地黎用左幾多錢…
羽晨：「明哥哥，你唔知道架咩？」
shit，咁樣問羽晨問一問，個心即刻虛一虛添。
Ellie：「唔係呀羽晨，明哥哥只係太多野要記一時唔記得左啫，黎啦，我地快d去搵大家姐佢地啦。」
羽晨：「原來係咁~好啊去搵大家姐！」
嘩，好彩有你咋Ellie，如果唔係我都唔知點算好啦。
就係咁我地一行五個人就向運動場進發，去到運動場，嘩人山人海，大家都係中間塊草地。
梗係係草地啦，人地個台搭係果度架嘛。
話時話，而家真係成個演唱會feel咁，舞台，音響各方面到底用左幾多錢…
一諗到錢呢個問題，我後頸就不禁出汗。
Ellie：「家姐佢仲話只要大家玩得開心，錢就唔係咩問題，所以唔洗咁在意。」
我：「哦哦…」
「錢就唔係咩問題」呢句說話真係好有力量，直頭係絕殺咁。
五月天我就唔多講，因為自己都唔熟，只係識「突然好想你」。
高登仔好似好反佢地？我都唔知原因，但係大家好似聽得好開心，唔理喇。
不過現場咁多人，要搵大家姐佢地都有難度，所以我地就去左後台。
咁大個仔第一次入演唱會後台，真係既興奮又緊張。
一入到去就已經見到Ellen坐左係度，面前仲有好多個電腦screen，影住台上台下既情況。
我：「Ellen你係度搞乜。」
Ellen：「咦你地黎左嗱？無啊我請左隊crew黎拍野，記低今日同聽日d野，遲d整條片咁。」
嘩，Ellen搞event真係有一手，連整片都諗埋。
咦有咁多cam？岩哂！
我逐個逐個cam咁搵，搵左一陣終於比我搵到大家姐同二家姐既身影。
大家姐捉住二家姐好興奮咁跳下跳下，而二家姐則一臉無奈，兩者強烈既落差令到個畫面非常好笑。
之後我就請左一位工作人員帶Sarah佢地去搵大家姐，而我自己就行左一邊。
大家都玩得好開心，睇黎呢個開放日總算搞得有意義。
第一日，就咁過左去。
正當我以為第二日都會好似今日咁順利既時候，卻有不速之客出現左，仲要唔止一位。
「陳煒明，我地都有一段時間無見啦。」