我:「可以阿,做咩?」 

Anna:「其實..我今晚有個宴會...我要一個男伴陪我出席.」 

Anna用一個認真既眼神,但斷斷續續同我講. 

我:「吓,我...我窮撚來咁大個仔都未參加過呢種高級宴會.」 

我唔想影衰Anna,雖然現在我都叫有幾個錢,但個D咩禮儀我完全唔識. 



Anna:「到時我會教你架啦,放學同我一齊走啦,我睇你個樣都無西裝架.」 

我:「我有件淘..淘寶買.」 

Anna聽到大笑左出黎.仲笑到飄眼水,搞到全校人望住我地. 

Anna:「淘寶着上去實比人笑死,到時影衰我咋,放學同我買.」 

我:「但..我無錢架喎.」 



Anna:「錢既問題就唔係問題啦.」 

錢既問題就唔係問題啦呢種說話真係夠晒大逆不道. 

我:「咁好啦,既然你咁苦苦哀求我做你個男伴,我就免為其難賣你一個人情.」 

Anna又漲起左右臉同我講. 

Anna:「我..我先唔係想你同我出席,只係搵唔到人先被迫揀你.」 



我:「係係,我去個廁所先,你自己番課室啦.」 

Anna:「OK.」 

Anna笑住同我揮一揮手,就行左入去學校大堂. 

然後,我就行左廁所,行到去尿兜就聽到隔離兩條友講. 

學生A:「知唔知A班個個仆街偉今日拖Sarah番學.」 

學生B:「有人仲好似見到佢地係學校打車輪添.」 

學生A:「屌,呢條友阿侍住自已最有錢就目中無人,有次我行過撞到佢就問候晒我全家,我都叫有D錢下啦.」 

學生B:「你唔好咁講野阿,佢老豆老母係大校董,同政府又好熟,聽講佢之前已經因為睇人唔順眼踢左幾個人走.」 



學生A:「唔撚係吓嘛,咁都可以.」 

然後,佢地行左去洗手盆,洗手.我就跟埋去. 

學生A:「真係好想搞鳩佢,搞到佢條女都走埋就最好.」 

學生B:「然後,Sarah咪係我既囉.」 

學生A:「係係係,係你老母咩,Sarah認唔認得你呢條毒撚都成問題啦.」 

學生B:「咁又係.」 

然後,佢地就出左去. 



即係學校好多人都應該唔鐘意呢個阿偉,睇佢2個都好似B,C班既人.即係佢係連有錢仔都唔鐘意佢.

「阿明,一陣五點來我屋企門口等.」 


Anna同我講完呢句之後,放學就消失左.我就自己一個踩車番屋企.一番到屋企就見老母坐左係大廳. 

老母:「仆街仔,琴日成晚死撚左去邊阿.」 

老母發晒老皮,右手拎住籐條,嚇到我撚到鳩縮埋. 

我:「我...我去左朋友屋企瞓.」 

好難同佢講我瞓左係公園. 

然後老母用條籐條一野打過黎,我痛到喊左一下出黎. 



老母:「去朋友屋企瞓都打個電話反黎啦,搞到全家出去搵你.」 

我:「全家出晒黎搵我?」 

我有點兒疑惑,我呢個外人值得含家出黎搵我咩. 

老母:「係阿,你班家姐搵左你成個鐘都搵你唔到,某其你二家姐,搵左成2個幾鐘,快D同佢地講Sorry.」 

二家姐?二家姐唔係好憎我嘅咩?做咩會博晒老命走去搵我. 

我:「咁我上去同二家姐講Sorry先.」 

我就行左上去. 



老母:「記住阿.」 

老母仲要用籐條打下張枱,催促我. 

然後,我係二家姐房門,準備敲門個時,二家姐就開左門. 

二家姐着住一件長身既銀色大冷衫加條熱褲,然後佢把金髮就亂到頭髮都曲晒. 

二家姐:「我等左你好耐,快D入黎.」

二家姐:「坐丫.」 


我就坐左過去張沙發,張沙發好軟熟,二家姐家姐間房偏向歐式. 

牆身全白,掛左幾幅畫,張床好似公主床咁,而二家姐就行去沖野飮咁. 

二家姐:「想飲咩,咖啡?」 

二家姐無望我,繼續搞部咖啡機. 

我:「有...有無阿華田?」 

我驚驚地望住二家姐,始終我對二家姐既印象好惡,好多粗口,仲有金髮美人. 

二家姐無奈咁望一望我.我好似講錯嘢咁. 

二家姐:「我呢到無禁甜既野飲,咖啡啦.」 

二家姐就兩拎左杯咖啡放左係張圓枱度.而二家姐坐左係對面張沙發.然後,二家姐就飮起咖啡戴左副眼鏡. 

睇起書上黎. 

我:「二家姐.」 

二家姐露出左少少厭惡既表情. 

二家姐:「叫我阿May就可以,我都唔係大你好多.」 

我:「咁May姐,多謝你琴日禁博命搵我先.」 

我笑住望佢,雖然唔係我真心想笑. 

二家姐望一望我,就再望番本書. 

二家姐:「可唔可以唔好加個『姐』字呢,仲有我搵你只係想知道D事.」 

我:「係既.May姐.你可知道咩,小弟會同你講.」 

二家姐合埋本書,就望番我. 

二家姐:「算啦,你想點喊就點喊,我想知點解.」 

二家姐拉長左最後個句說話每個音 

「點解Sarah個樣會禁Sad.」

Sarah唔開心?我點知Sarah點解唔開心,唔好搞到我好似好理解Sarah咁. 


我:「我...我唔知.」 

我無正面望住二家姐,我只係望住杯咖啡,我唔敢望住二家姐. 

二家姐:「Sarah唔係Daddy既親生女,你又知唔知?阿明.」 

我:「我...我都唔知.」 

二家姐:「哦,當我無問過呢個就,其實呢樣都唔太關事.」 

Sarah唔係Daddy既親生女?但點解Sarah同泳琦待遇唔同既. 

而我對Sarah真係一無所知.只係知佢學校個時係點,佢內心所有野我都唔清楚. 

二家姐:「睇黎Sarah真係幾鐘意你.如果係其他男仔,Sarah一早話自己有男朋友.然後咩都唔會再講.」 

然後,二家姐飲左一口咖啡.我望一望二家姐,佢個樣好認真. 

我:「點可能,Sarah連佢自己所有事無唔肯同我講,我..我只係兵都不如既外人.」 

我越講越有一種無力感,雖然Anna鼓勵完我,但係諗番起個日,我真係咩都做唔到.眼白白望住Anna同條MK走. 

二家姐:「Sarah就係鐘意你先唔同你講,因為你一知道有仆街偉咁既人,你係唔係好Sad好似咩都比佢食住咁?」 

我:「都係既.」 

二家姐:「Sarah都唔鐘意條仆街,只係太驚條仆街,佢真係幾痴線下.」 

連二家姐都叫佢仆街偉,睇黎佢都好黑人憎下. 

二家姐:「仲有Sarah係學校見你係要好大勇氣,一唔小心比個仆街捉到,你同佢都有排受.」 

我:「又關我事?」 

二家姐:「緊係啦,你當阿偉廢架,佢對Sarah身邊任何人都好敏感,搞到Sarah都唔敢同人做朋友.」 

我諗一諗,Sarah好似身邊真係一個朋友都無,次次見到佢都係一個人行. 

然後條仆街,好似對Sarah病態多D. 

我:「咁我算係Sarah朋友?」 

二家姐:「Sarah佢個口唔講,但想同你一齊去玩就知咩事啦,平時佢係除左重要宴會之外係唔會出街.」 

我:「但點解佢要作個大話要去接細妹?」 

二家姐用又飲左一口咖啡,再用佢對藍眼睛望住我 

二家姐:「因為Sarah怕羞囉,佢第一次想同男仔單獨去一個地方玩,緊係作個理由啦.」 

我:「但,去到咪穿煲.」 

二家姐:「你會唔會怪Sarah水你同佢一齊接細妹,然後同佢走左去玩?」 

我:「唔...唔會.」 

我同Sarah一齊兩個行街我簡直求之不得. 

我:「但佢同阿偉好似有婚約,我好難搞走佢.」 

二家姐:「又唔係話婚約既,只係個仆街好似一見鍾情好鐘意Sarah,然後就話點都要聚佢之類, 

你知啦,條仆街無野多,最多係錢同權勢,之前Daddy無禁有錢個時Daddy又驚佢地,見Sarah無聲出就無say no 

而Sarah又唔識say no ,最後條仆街咪食住Sarah囉.」 

我:「屌,呢條仆街一定知Sarah唔敢麻煩到屋企先應承佢.」 


二家姐:「如果佢同我講鐘意我,我一巴一巴車埋去先啦,條仆街幾臭串又懶正經,完全無幽默感.」 

我:「咪就係,好似乜野都係佢咁,佢只係有錢咋,仲要話踢我出校.」 

二家姐:「踢咪踢囉,最多去第二間學校,仲好啦,唔洗受個仆街氣.」 

我:「咁又唔得,話晒我都有好多好朋友係入面,去過第二間又要識新朋友好煩.」 

其實我都只係有3個朋友.但最重要Sarah係間學校入面. 

二家姐:「毒撚真係毒撚,識朋友都禁麻煩,我既話一日就識晒全班男仔啦.」 

屌,你照下塊鏡望下你個樣. 

有一把又長又靚既金髮,仲要加一對藍眼睛,我係你個班男仔都想埋你身識你啦. 

我:「咁家姐,你講禁多野既重點係?」 

二家姐一口氣飲埋最後既咖啡,然後用佢個對藍眼睛望住我同我講. 

二家姐:「我希望你做Sarah男朋友.」