「續寫」無啦啦多左幾個家姐同阿妺: 見家長
我:「我?」
我指住自己,然後瞪大左隻眼.個嘴稍微有個O字咁.
二家姐:「緊係你啦,嗱,Sarah今晚就要出席個宴會,我就差個男伴,你做我男伴可以?」
二家姐用佢用對好似天空咁既藍色眼睛望住我,搞到我望住佢隻眼望到入晒神.
隔左十幾秒.
二家姐:「做咩望住我又唔講嘢,唔好無啦啦愛上我阿,講明先.」
二家姐講一講野,我即刻回番神,轉一轉個頭清醒番晒.
我:「無,只係二家姐你隻眼好似藍寶石咁,好靚.一時望到入晒神.」
二家姐聽到拎起左個杯,但感覺到個杯無晒咖啡佢又放番張枱度,然後再望住我,我望到佢左右面红红地咁.
二家姐:「做咩無...無啦啦刷我鞋,Sorry,我諗我無可能做你女朋友,我唔鐘意細過我既男
仔,你應該專心全力博命走去追Sarah.」
二家姐用一個好快既速度同我講,好似想同我講你呢個死毒撚一世都唔好想溝我咁.
但我只係覺得二家姐隻眼同頭髮好靚,一定好多人追.
我用一個無奈既表情望住二家姐.
我:「男伴方面就Sorry啦,已經有人預約左我,你下次應該要早少少啦.」
我神氣咁同二家姐講,但二家姐反而好認真望住我.
二家姐:「你肯定個宴會係我講個個宴會?.」
我:「我唔肯定,但佢叫我五點去佢屋企等,佢仲同我講話同我買老西添.」
二家姐:「佢屋企係?」
我:「就呢到附近,前面轉左個棟,佢講既.」
Anna頭先放學whatsapp我話佢屋企係我屋企前面轉左個棟.我估佢唔會水我嘅.
二家姐:「江家?」
二家姐望左我一眼,然後就沉思.我就鼓起勇氣問沉思.
我:「好似佢係姓江,有...有咩問題?」
我日日叫佢Anna,搞到佢姓咩名咩名我都唔得左.
二家姐:「只係覺得奇怪,江家個個大小姐從來唔會帶男伴出席任何宴會,仲好似對任何男人無興趣咁.」
我:「佢係個啲宴會入面咩形象?」
二家姐諗都唔諗就講.
二家姐:「温柔有禮,要形容就好似連女仔都好似就快要迷戀上佢咁啦,仲有見到有男人行去佢身邊,
佢好似都會笑住打發佢走.」
我:「二家姐都鐘意佢?」
二家姐:「緊係鐘意啦,一個又可愛咁完美既女仔,邊度搵?」
我:「我地屋企咪有3個囉.」
我細細聲同自己講.
二家姐:「吓,你講咁細聲比邊個聽阿.」
我:「無嘢,無嘢,時間差唔多,我要出去啦.」
二家姐:「咁,今晚見啦,ByeBye,記住關好門.」
然後二家姐就坐左係電腦前面,我係門口好似見到佢好似上緊高登咁.
我就番左房換左身校服,上身着uniqlo既純色tee加件琴日hollister減價買既長襯衫,
下身就H&M減價個時買既棉短褲.
我落到樓,見到老母玩緊手機.見老母好似睇我唔到就準備行出去.
「喂,仆街仔,又去邊?」
我望一望後面,老母望鳩住我.
我:「我去買西裝.」
老母知道左就繼續玩手機.無再望我.然後,我就出門口,跟住行前面轉左.
我:「好,應該係呢棟.」
Anna個屋企全棵都係白色.就咁睇好似同我屋企差唔多大.我鼓起勇氣按左門鐘一下.然後,對講機就響起左.
「你好,你係小姐既朋友阿明先生?」
我聽到係一把好清脆既女仔聲.
我:「係.」
「好,你入黎啦,大小姐等左你好耐.」
然後,門口就見到一個女僕.佢大約十幾歲左右,金髮雙馬尾.
女僕:「阿明先生,請你跟住我.」
然後女僕就開始行,我望一望周圍,同我屋企差唔多咁.行左一分鐘左右,就見到Anna屋企.
女僕開門入去,就見到Anna係門口企左係到,當時Anna着住一件粉紅色有毛毛既上身外套.
件外套後面頂帽仲有好似有隻羊角咁
然後,下身就一條絲質既白色到膝短裙,仲有佢綁左兩條低雙馬尾.
比左我一種日本女孩既感覺我.
Anna:「太慢啦,等咗你好耐啦,阿明.」
Anna谷起左左右面同我講.佢真係好有一種好似公仔既Feel.
我望一望手錶,其實我無遲到仲早左幾分鐘到.
我:「我,無遲到喎.」
Anna:「同女仔出街要早到係常識啦.仲有除鞋.」
我就除左對AJ,然後,我比Anna拉住隻手,行左好短一段路然後入到去大廳.
大廳牆身白色,見到有幾幅畫
一幅係印象派畫家梵高既星夜,一幅係達文西既最後的晚餐.
仲有好多幅畫,我就廢事一幅一幅諗.雖然,我知道.
而出面有個泳池,地下全部都係用有毛毛既地板.
見到沙發坐住個好似三十幾歲既混血男人,同一個金髮大約二十幾歲既外國人.
Anna拉住我行去個兩個人面前.
Anna:「Daddy,Mummy,呢個就係阿明啦.」
我望到佢地好似勁大殺氣咁,男既怒啤我,女既即刻不停望我全身.
搞到我都唔係幾敢講嘢,但出於禮貌都係打番聲招呼.
我:「Uncle...Auntie,你地好.」
我見到Anna講廣東話,估佢地都識聽既.
點知望望下,佢Daddy竟然流眼水.我望到心諗我講錯嘢
Anna Daddy:「估唔到...Anna都大個啦,帶男朋友番屋企啦已經.」
Anna Daddy一住講一住用紙巾抹眼淚.
Anna Mummy:「你就係阿明,我聽Anna成日講起你.」
我望一望Anna,仲想問佢點解講起我,佢就紅晒塊面同我講.
Anna:「無阿...無阿,阿明.」
然後,又望住個位金髮外國人既Mummy.
Anna:「Mummy阿.仲有阿明都...都唔係我...我男朋友.」
我聽到都面紅,雖然我對佢只有少少feel,但佢今日真係好靚女.好可愛.
完全係我鐘意既類型.
Anna Daddy:「咩話,你竟然拒絕左我唯一既寶具女,仆街,今日你實走唔出門口.阿標,塞住個門口.」
然後成班着住黑西裝好似保鏢咁既人就塞住個門口,我望一望個個好大隻.個個都戴晒黑超.
是但一個都可以一隻手打到我爆缸.
Anna Mummy:「老公啊,冷靜小小啦.」
Anna Daddy:「叫我點冷靜啊,我個寶具女從來都唔帶男仔番屋企,但佢竟然仲唔係我個女個男朋友?」
Anna Daddy講完個時好似又流左滳眼水.
我望住Anna,Anna好似就快爆咁,我嚇到飄晒冷汗.
仆街,我去錯左地方?
然後,又望住個位金髮外國人既Mummy.
Anna:「Mummy阿.仲有阿明都...都唔係我...我男朋友.」
我聽到都面紅,雖然我對佢只有少少feel,但佢今日真係好靚女.好可愛.
完全係我鐘意既類型.
Anna Daddy:「咩話,你竟然拒絕左我唯一既寶具女,仆街,今日你實走唔出門口.阿標,塞住個門口.」
然後成班着住黑西裝好似保鏢咁既人就塞住個門口,我望一望個個好大隻.個個都戴晒黑超.
是但一個都可以一隻手打到我爆缸.
Anna Mummy:「老公啊,冷靜小小啦.」
Anna Daddy:「叫我點冷靜啊,我個寶具女從來都唔帶男仔番屋企,但佢竟然仲唔係我個女個男朋友?」
Anna Daddy講完個時好似又流左滳眼水.
我望住Anna,Anna好似就快爆咁,我嚇到飄晒冷汗.
仆街,我去錯左地方?