「續寫」無啦啦多左幾個家姐同阿妺: 公主
Anna:「冷靜小小啦,Daddy啊.」
Anna係我隔離大嗌.而Anna Daddy聽到之後好似恢復理性咁,靜左落黎.然後,佢又扮咳,咳左幾聲.
Anna Daddy:「咳咳,Sorry,我失禮啦,仲有阿標無事啦.」
Anna Daddy用手勢示意佢地可以走,班西裝友走一句聲都無出就散開左.
Anna:「Daddy,仲有我要同阿明買西裝,我地係時候出去啦.」
Anna Daddy又想出聲個時比Anna Mummy用手咁佢左把口.
Anna Mummy:「你地去啦,玩得開心少少,仲有阿標,拜託你保護小姐啦.」
然後,我隔離個西裝友點一點頭.
個西裝友望落去幾大隻,185高左右,陸軍裝,比我感覺似殺手多過保鏢.
Anna Mummy笑往同我地揮手,我同Anna都同佢揮過手講再見,然就出左去.
然後,個個阿標終於出左第一句聲.
阿標:「小姐,呢架車係為你預備嘅.」
我望一望架車,係一架豪華轎車,全黑色,車頭仲要有一隻銀鷹.
然後阿標就開左門,Anna就拉住我入架車入面.
然後,我好似望到個阿標好似啤住我咁.我又做錯事?
我望一望架車,架車入面都好豪華,我咁大個仔都係第一次坐.搞到我不停周圍望.
Anna:「唔好一副咁驚訝既表情喎,你都係有錢仔,坐呢種車出出入入好平常.」
我:「你都知啦,我過左窮小子生活咁多年,始終會唔習慣.」
Anna:「咁你要習慣吓啦,一陣所有人都係社會最高層嘅人.」
我:「究竟係咩宴會...」
Anna:「好似係陳家大小姐生日.」
我:「一個人生日就咁多有錢人去?」
Anna:「緊係啦,陳家係律政司,一定大把達官貴人爭住出席佢家大小姐既生日宴會.」
我聽到佢講既嘢,有錢人既世界,我實在睇唔透.
Anna:「仲有阿,一陣唔准講粗口,唔准大聲講嘢,唔准做出任何有失體面既行為.」
我:「我知道,咁多多指教啦一陣.」
我比左一個笑容Anna,Anna又面都紅晒,點解我一笑佢就面都紅晒既,真係得意.
Anna:「好...好啦,我地就快到啦.」
Anna斷斷續續無望我正面咁講.
我:「係係,Anna公主.」
「阿標,你係出面等我地啦.」
Anna係阿標開門個時同阿標講.
阿標:「係,小姐.」
阿標即係個黑西裝殺手咁既保鏢,睇睇下佢真係好大隻,搞到我都有少少妒忌佢點解咁大隻.
然後,Anna又拉住我隻手行出左車.
佢隻手暖暖地,好舒服,而我隻手一到十二月左右就長期冰冰冷冷.
而我地搭左半個鐘左右車去左銅鑼灣.
咦家企左係一間好似好高級既鋪頭門口.門口隔離個玻璃櫃有幾件男西裝同女禮服.
我:「哇,今日都幾涷吓.」
啲風吹過黎,我仲感覺到啲風有一陣寒意.
Anna:「緊係啦,十二月啦,都冬天你仲着咁少衫.」
我:「睇黎又要買衫啦,舊既衫都着唔落.」
我上年一年就高左十幾厘米,仲有肥左十幾公斤,所以舊個堆冬天衫完全着唔落.
Anna無正面望我就同我講.
Anna:「咁...咁下次,我同你一齊買啦,反正,我都想買衫.」
我:「好阿,講好架喎,下次同我一齊買衫.」
Anna:「唔...」
我:「做咩塊面又紅晒,又發燒?」
我摸一摸Anna額頭,好似又唔係特別熱.
Anna:「無...無阿,我點會成日都發燒阿.」
然後,我就縮番開隻手,嗱嗱林入左去間舗入面.
一入去就有個女Sale入過黎.然後佢行一行過黎,打量一下我地全身,就露出左一個厭惡既表情同我地講.
女Sale:「要咩就自己揀啦.個邊個堆減咁價.」
女Sale指住個邊減緊價既男西裝,我一望,半價都要五千大洋一件外套?
Anna聽到佢既語氣就露出左個一個厭惡加上嬲嬲地既表情.搞到我都驚驚地.
你都知啦,我最唔鐘意應付呢啲場面
Anna:「叫你地經理出黎同我包場.」
女Sale聽到,過左幾秒大笑左出黎,搞到我好似好尷尬,Anna嬲到好似就快爆.望到個女Sale實一實.
女Sale:「我地呢種店唔係你地小朋友入到黎睇幾下又唔買,拍拍蘿友就走人,咁樣我地咪唔洗做生意.」
我見Anna就快爆咁,就即刻同個女Sale講句
我:「喂,我地搭左咁耐車入到黎緊係會買嘢啦,注意下你既態度.」
然後,我就諗住拉Anna行去過邊,點知Anna企係到寸步不行.
Anna:「阿明,企係到.」
Anna用一種命令我既語氣.仆街,我都未見過Anna哥嬲到咁.我想走阿,放過我啦.
然後,見到佢地經理行左過黎.
佢地經理係個大約五十幾歲既男人,有點兒中年發福咁,戴住副金絲眼鏡,個頭已經有好多白髮.
經理:「做咩咁嘈啊.」
經理望一望Anna,隻眼好似發晒光咁.
經理:「江大小姐?好耐無見啦,自從江大小姐你上次買左幾件禮服之後,其他千金大小姐都來我地舖幫襯.」
經理望一望Anna個樣,Anna個樣嬲到爆,佢就知出事.
經理:「對唔住阿,江大小姐,我地呢位Sale新黎架,對你有冒犯就請多多包容.」
Anna終於講野.
Anna:「包容?你知唔知你地位Sale幾好禮貌阿,我從來都未試過去舖頭比人叫去睇過左季既禮服同西裝.」
然後,經理聽到就好似發晒火咁,就望住位女Sale.
經理:「你究竟同江大小姐講過咩黎阿,我咪同你講過入黎買野既客人個個都好重要囉.」
女Sale知道自己闖禍,我見到佢都流晒汗.
Anna:「佢仲同我講小朋友唔應該入呢種地方,我同佢講包場,佢竟然大笑.」
Anna拉住我坐左去張發度沙.
經理聽到就同個女Sale好嬲咁細細聲講左幾句.
經理:「真係抱歉啦,佢新黎既,我都叫過佢唔好成日用咁既語氣同客人講嘢,快D過黎同江大小姐講Sorry.」
女Sale聽到即刻過黎.
女Sale:「江..江大小姐對唔住.」
Anna:「我聽唔到,大聲少少.」
女Sale:「江..江大小姐對唔住.」
女Sale 90度鞠躬同佢講.大聲到全場都聽到咁講.
我:「算啦,Anna.」
我細細係Anna耳邊講.
Anna:「佢罵我唔緊要,但仲要罵埋阿明你.」
Anna望住我講.然後望番女Sale.
Anna:「仲有我從來都未試過咁樣比人踩到上心口,我唔想再見到你,Get out.」
女Sale聽到,我見到佢好似驚到唔敢出聲.我廢事搞到人地飯碗不保,就同Anna講.
我:「Anna,就咁算啦,唔好做到太盡.」
Anna:「但...但係阿明.」
我:「我知你為左我先會咁嬲.但佢都講左Sorry,何必趕盡殺絕.」
我摸下Anna個頭,好似咁樣會令Anna無咁嬲咁.
Anna:「既...既然阿明咁講就..就算啦.」
Anna塊面又紅扑扑咁.我鬆番一口氣,終於變番平時既Anna哥.
女Sale聽到之後,係咁同我地講左唔該多謝.然後,就急急腳行走左.
Anna就問我.
Anna:「頭先你唔嬲咩,咁樣比人踩到上心口.」
我聽到就答佢.
我:「嬲阿,無啦啦聽到Anna哥咁樣比人講,我個時嬲到想一巴一巴車埋去添,咁樣串我Anna哥.」
我點會咁做阿,我只係小毒撚一個
Anna聽到就開始流晒眼淚,無啦啦開始喊.
我:「做..做咩阿.」
Anna將個頭捱左係我膊頭,搞到我都有少少唔好意思.
Anna:「我...我聽到佢咁講阿明真係好嬲好嬲,但..我當時又諗唔做啲咩.只係一味係到發嬲.」
我:「係係,我知道啦,唔好喊啦.」
我摸一摸佢個頭,然後攬住佢.一攬個時.佢身體好柔軟,加上佢着緊件毛毛衫,搞到好似攬緊公仔咁.
然後將佢頂錦羊毛笠去佢個頭度.
然後,我無啦啦心諗,死啦,我好似太得寸進尺...
Anna係我隔離大嗌.而Anna Daddy聽到之後好似恢復理性咁,靜左落黎.然後,佢又扮咳,咳左幾聲.
Anna Daddy:「咳咳,Sorry,我失禮啦,仲有阿標無事啦.」
Anna Daddy用手勢示意佢地可以走,班西裝友走一句聲都無出就散開左.
Anna:「Daddy,仲有我要同阿明買西裝,我地係時候出去啦.」
Anna Daddy又想出聲個時比Anna Mummy用手咁佢左把口.
Anna Mummy:「你地去啦,玩得開心少少,仲有阿標,拜託你保護小姐啦.」
然後,我隔離個西裝友點一點頭.
個西裝友望落去幾大隻,185高左右,陸軍裝,比我感覺似殺手多過保鏢.
Anna Mummy笑往同我地揮手,我同Anna都同佢揮過手講再見,然就出左去.
然後,個個阿標終於出左第一句聲.
阿標:「小姐,呢架車係為你預備嘅.」
我望一望架車,係一架豪華轎車,全黑色,車頭仲要有一隻銀鷹.
然後阿標就開左門,Anna就拉住我入架車入面.
然後,我好似望到個阿標好似啤住我咁.我又做錯事?
我望一望架車,架車入面都好豪華,我咁大個仔都係第一次坐.搞到我不停周圍望.
Anna:「唔好一副咁驚訝既表情喎,你都係有錢仔,坐呢種車出出入入好平常.」
我:「你都知啦,我過左窮小子生活咁多年,始終會唔習慣.」
Anna:「咁你要習慣吓啦,一陣所有人都係社會最高層嘅人.」
我:「究竟係咩宴會...」
Anna:「好似係陳家大小姐生日.」
我:「一個人生日就咁多有錢人去?」
Anna:「緊係啦,陳家係律政司,一定大把達官貴人爭住出席佢家大小姐既生日宴會.」
我聽到佢講既嘢,有錢人既世界,我實在睇唔透.
Anna:「仲有阿,一陣唔准講粗口,唔准大聲講嘢,唔准做出任何有失體面既行為.」
我:「我知道,咁多多指教啦一陣.」
我比左一個笑容Anna,Anna又面都紅晒,點解我一笑佢就面都紅晒既,真係得意.
Anna:「好...好啦,我地就快到啦.」
Anna斷斷續續無望我正面咁講.
我:「係係,Anna公主.」
「阿標,你係出面等我地啦.」
Anna係阿標開門個時同阿標講.
阿標:「係,小姐.」
阿標即係個黑西裝殺手咁既保鏢,睇睇下佢真係好大隻,搞到我都有少少妒忌佢點解咁大隻.
然後,Anna又拉住我隻手行出左車.
佢隻手暖暖地,好舒服,而我隻手一到十二月左右就長期冰冰冷冷.
而我地搭左半個鐘左右車去左銅鑼灣.
咦家企左係一間好似好高級既鋪頭門口.門口隔離個玻璃櫃有幾件男西裝同女禮服.
我:「哇,今日都幾涷吓.」
啲風吹過黎,我仲感覺到啲風有一陣寒意.
Anna:「緊係啦,十二月啦,都冬天你仲着咁少衫.」
我:「睇黎又要買衫啦,舊既衫都着唔落.」
我上年一年就高左十幾厘米,仲有肥左十幾公斤,所以舊個堆冬天衫完全着唔落.
Anna無正面望我就同我講.
Anna:「咁...咁下次,我同你一齊買啦,反正,我都想買衫.」
我:「好阿,講好架喎,下次同我一齊買衫.」
Anna:「唔...」
我:「做咩塊面又紅晒,又發燒?」
我摸一摸Anna額頭,好似又唔係特別熱.
Anna:「無...無阿,我點會成日都發燒阿.」
然後,我就縮番開隻手,嗱嗱林入左去間舗入面.
一入去就有個女Sale入過黎.然後佢行一行過黎,打量一下我地全身,就露出左一個厭惡既表情同我地講.
女Sale:「要咩就自己揀啦.個邊個堆減咁價.」
女Sale指住個邊減緊價既男西裝,我一望,半價都要五千大洋一件外套?
Anna聽到佢既語氣就露出左個一個厭惡加上嬲嬲地既表情.搞到我都驚驚地.
你都知啦,我最唔鐘意應付呢啲場面
Anna:「叫你地經理出黎同我包場.」
女Sale聽到,過左幾秒大笑左出黎,搞到我好似好尷尬,Anna嬲到好似就快爆.望到個女Sale實一實.
女Sale:「我地呢種店唔係你地小朋友入到黎睇幾下又唔買,拍拍蘿友就走人,咁樣我地咪唔洗做生意.」
我見Anna就快爆咁,就即刻同個女Sale講句
我:「喂,我地搭左咁耐車入到黎緊係會買嘢啦,注意下你既態度.」
然後,我就諗住拉Anna行去過邊,點知Anna企係到寸步不行.
Anna:「阿明,企係到.」
Anna用一種命令我既語氣.仆街,我都未見過Anna哥嬲到咁.我想走阿,放過我啦.
然後,見到佢地經理行左過黎.
佢地經理係個大約五十幾歲既男人,有點兒中年發福咁,戴住副金絲眼鏡,個頭已經有好多白髮.
經理:「做咩咁嘈啊.」
經理望一望Anna,隻眼好似發晒光咁.
經理:「江大小姐?好耐無見啦,自從江大小姐你上次買左幾件禮服之後,其他千金大小姐都來我地舖幫襯.」
經理望一望Anna個樣,Anna個樣嬲到爆,佢就知出事.
經理:「對唔住阿,江大小姐,我地呢位Sale新黎架,對你有冒犯就請多多包容.」
Anna終於講野.
Anna:「包容?你知唔知你地位Sale幾好禮貌阿,我從來都未試過去舖頭比人叫去睇過左季既禮服同西裝.」
然後,經理聽到就好似發晒火咁,就望住位女Sale.
經理:「你究竟同江大小姐講過咩黎阿,我咪同你講過入黎買野既客人個個都好重要囉.」
女Sale知道自己闖禍,我見到佢都流晒汗.
Anna:「佢仲同我講小朋友唔應該入呢種地方,我同佢講包場,佢竟然大笑.」
Anna拉住我坐左去張發度沙.
經理聽到就同個女Sale好嬲咁細細聲講左幾句.
經理:「真係抱歉啦,佢新黎既,我都叫過佢唔好成日用咁既語氣同客人講嘢,快D過黎同江大小姐講Sorry.」
女Sale聽到即刻過黎.
女Sale:「江..江大小姐對唔住.」
Anna:「我聽唔到,大聲少少.」
女Sale:「江..江大小姐對唔住.」
女Sale 90度鞠躬同佢講.大聲到全場都聽到咁講.
我:「算啦,Anna.」
我細細係Anna耳邊講.
Anna:「佢罵我唔緊要,但仲要罵埋阿明你.」
Anna望住我講.然後望番女Sale.
Anna:「仲有我從來都未試過咁樣比人踩到上心口,我唔想再見到你,Get out.」
女Sale聽到,我見到佢好似驚到唔敢出聲.我廢事搞到人地飯碗不保,就同Anna講.
我:「Anna,就咁算啦,唔好做到太盡.」
Anna:「但...但係阿明.」
我:「我知你為左我先會咁嬲.但佢都講左Sorry,何必趕盡殺絕.」
我摸下Anna個頭,好似咁樣會令Anna無咁嬲咁.
Anna:「既...既然阿明咁講就..就算啦.」
Anna塊面又紅扑扑咁.我鬆番一口氣,終於變番平時既Anna哥.
女Sale聽到之後,係咁同我地講左唔該多謝.然後,就急急腳行走左.
Anna就問我.
Anna:「頭先你唔嬲咩,咁樣比人踩到上心口.」
我聽到就答佢.
我:「嬲阿,無啦啦聽到Anna哥咁樣比人講,我個時嬲到想一巴一巴車埋去添,咁樣串我Anna哥.」
我點會咁做阿,我只係小毒撚一個
Anna聽到就開始流晒眼淚,無啦啦開始喊.
我:「做..做咩阿.」
Anna將個頭捱左係我膊頭,搞到我都有少少唔好意思.
Anna:「我...我聽到佢咁講阿明真係好嬲好嬲,但..我當時又諗唔做啲咩.只係一味係到發嬲.」
我:「係係,我知道啦,唔好喊啦.」
我摸一摸佢個頭,然後攬住佢.一攬個時.佢身體好柔軟,加上佢着緊件毛毛衫,搞到好似攬緊公仔咁.
然後將佢頂錦羊毛笠去佢個頭度.
然後,我無啦啦心諗,死啦,我好似太得寸進尺...