「續寫」無啦啦多左幾個家姐同阿妺: 丟臉
「佢話星期五放學之後同我去咩潮流特區行喎…」
潮特？個仆街居然帶Sarah去呢d地方？我仲以為會係ifc或者又一城之類既地方添。
我：「嗯，我明白喇，你可以走了。」
我用笑容打發佢走。
Sarah：「阿明你想點做…」
我：「到時你咪知囉~~」
Sarah：「你唔好..」
我無等佢講完就好溫柔咁推左佢出去，仲鎖左門。
今次，輪到我令Sarah開心喇。
可以令佢開心既方法，就係令佢可以離開條友。
正如我之前講既一樣，我要羞辱一下佢。
雖然諗落件事好小學雞，但愈係小學雞既方式反而更加可以羞辱到佢。
一定可以。
決賽之後有三日假期，星期五先返學。
我有三日時間準備。
星期二我決定先去視察地形，確保逃走路徑。
要係潮特走出黎，可以話唔係一件容易既事，太細。
若然當Sarah反應慢左一下的話，所有野都可能會玩完。
要唔要話俾Sarah知先，等佢到時可以配合到我呢？
都係唔好，免得走漏風聲。
第二日，我用黎準備服裝。
要有d衫唔會俾條仆街認得出我。
CAP帽，口罩，眼鏡呢D當然係我心水啦。
問題係，我只係得口罩。
一時間，我諗唔到可以去邊度撲Cap帽同眼鏡返黎。
所以我去左搵二家姐。
二家姐好快就準備好左比我，但又無問要黎做乜，只係掛住上高登。
最近好似好少同二家姐傾計，自從我飲醉左之後。
最後一日，我決定乜都唔做，留係房入面。
我不停係自己腦入面去模擬個畫面，睇下有無乜野要再改善。
應該都無架啦，希望一切順利啦。
「阿明你係咪係度？」
哦？呢把聲係大家姐喎。
我：「我係度吖，入黎啦。」
我一講完就聽到開門聲，大家姐一個箭步咁slip左入黎，仲好好手尾咁閂返門。
我：「搵我有事吖大家姐？」
大家姐：「阿明你可唔可以老實話俾大家姐知，你想點做？」
哦？睇黎Sarah話左俾大家姐知喎。
我：「放心喇大家姐，只係無傷大雅既惡作劇啫。」
大家姐：「家姐唔係擔心你會影響到屋企吖，家姐係擔心你咋，怕你會受傷。」
「就算個天跌落黎，大家姐都會幫你頂住！所以你一定要救到Sarah，知唔知？
」 我：「嗯，我明白，要救Sarah唔係咁簡單，呢個只係第一步。」
大家姐：「有計劃！好！大家姐支持你！
」 大家姐用手比個like我，之後就出返去。
Sarah已經話左大家姐知，會唔會都…
唔會既。
星期五返學，我成日都無乜心機，始終記掛住一陣會發生既事。
我知道就算今次成功左都唔會改變到乜野，但我起碼可以羞辱下佢等佢樣衰一下。
渾渾噩噩咁就同樣Anna阿惠佢地過左一日，又放學。
正當我想走個陣，Anna叫住左我。
Anna：「阿明今日一唔一齊返去？」
我：「唔啦我今日有野做，下次喇，下次我地一齊返去。」
我拒絕左Anna既好意，自己離開左班房。
對唔住吖Anna，只係我今日有一定要去做既野…
我一行出門口，又俾人擋住左。
今次係Ellen。
Ellen：「陳煒明！
」 我：「我今日無時間亦無心情應酬你！有咩星期一再講！
」 講完我連佢有咩反應都無理，直接走左。
搞乜今日一個二個都要阻住我。
我一出學校門口，就不顧一切咁跑去地鐵站，務求可以快過Sarah佢地去到。
佢地肯定係由司機接送，所以我要爭分奪秒。
原本我有諗過踩車去，但又要收又要剩實在太麻煩太哂時間。
唔知係咪上天憐憫我，我去到變完裝之後就岩岩好遇到佢地係潮特門口。
我睇住仆街偉一臉高興咁搭住Sarah膊頭行入潮特，我亦緊隨其後咁入左去。
我同佢地隔左幾個身位，中間夾住幾個MK仔，等個仆街睇我唔到。
雖然佢地睇我唔到，但我仍然可以透過D鏡呀玻璃呀去睇到Sarah既表情。
佢而家既表情係極不情願，但又無能為力咁。
我見到佢咁既樣我就好心痛，好想快d救走佢。
但時機未成熟，我要出其不意。
等多我一陣啦Sarah…
我跟住佢地行左兩層，時機終於都到。
仆街偉入左去一件裇衫鋪睇衫，我就係出面扮睇對面鋪既公仔精品，一直監視佢。
佢拎起左一件白色裇衫，仲同個店員講左幾句，之後個店員就拎左另一件比佢，佢就帶住件衫行左去入面，應該係試身。
佢留低Sarah一個係鋪面，成個鋪面得返Sarah一個係度。
千載難逢既機會終於都到，我係時候行動了。
我一個轉身行入去間裇衫鋪，一手拖住呆呆咁企係度既Sarah。
Sarah：「你係..？」
Sarah當然係嚇左一跳啦，但我無比多餘既時間佢去驚，因為要開始帶佢走。
我起初用一個比較大既力度拉佢走，但發現佢好配合我咁跟我走，所以之後我就減低返個力度。
當我帶住佢跑到去裇衫鋪個層既扶手電梯個陣，我聽到仆街偉把聲。
「同我放開佢！」
我回頭一望，發現佢著住頭先拎去試身既裇衫，應該係出到黎發現Sarah唔見左就即刻衝出黎。
我：「要開始跑喇，Are you ready？」
我用一個好溫柔既語氣同我身邊呢位公主講。
Sarah：「嗯！」
一個字，簡潔又有力，我鐘意。
我緊緊咁拖住佢，開始跑落扶手電梯，一條接一條咁落。
途中我唔敢放鬆手既力度，我怕個仆街會係後面一下拉走Sarah。
越過左唔知幾多人，我終於帶住Sarah走到去潮特門口。
但係，門口企住兩個黑超西裝友成尊佛咁望住我地。
我下意識咁覺得佢地係個仆街既保鏣，但我仍然選擇衝過去。
去到呢度，點可以因為區區兩個保鏣就退縮？
但係，我被果兩個西裝友好大力咁推返返去，仲令我唔小心撞到Sarah，引起旁人圍觀。
「到此為止喇，陳煒明。」
我回頭一望，個仆街慢慢咁係扶手電梯度行落黎，好似當正自己係皇帝咁。
去到呢度嗱..？
偉：「幾好野吖，夠膽趁我唔為意帶走Sarah，不過都只係小把戲，唔入流。」
小把戲？
偉：「自從去完你地屋企話Sarah要同我去街之後，我就估到你一定會咁做。」
「我知你一定會係途中帶走Sarah，因為你唔甘心，你肯定會想搵機會落我面。」
「單細胞生物真係易估啊，你睇下自己，咩都做唔到，真係丟架。
」 全部都被佢睇穿哂…？
我既時間好似靜止左咁，身體郁唔到乜都做唔到。
可惡…原本係想落佢面，結果反而係自取其辱..？
「阿明。」
係呢個時候，Sarah係我後面好細聲咁叫我個名，拉左我返黎現實。
我擰轉頭望佢，發現佢用一個比以往都要堅定既眼神望住我。
「錫我。
」 唔知點解，我並無去思考呢句野背後既含意，只係單純咁照做左。
錫落去Sarah嘴唇個一下，我既世界好似再度靜止左咁。
腦部突然間彈左好多資訊比我。
「原來kiss係呢種感覺。」
「原來Sarah既嘴唇係咁柔軟。」
好多好多關於kiss既資訊一瞬間爆發出黎。
我直頭覺得自己需要量子型演算系統「Veda」去幫我處理呢堆資訊。
不過我好快就被拉返去現實，因為有人叫我。
「陳煒明！！！
」 直至聽到仆街偉咁大聲叫我個名，我先將個嘴從Sarah嘴上移開。
形勢雖然無改變，但氣勢方面就一下子逆轉左。
我：「唷，唔知頭先咁做落唔落到你面呢李公子？
」「捉住佢…」
咦？？？
仆街偉係我錫完Sarah之後第一句講既說話係短短既三個字。
我都未俾得切反應就已經俾人好大力咁捉住，仲被迫放開一直緊握住Sarah既手。
之後我就俾佢地的左去潮特同兆萬中間果條巷仔，堆黑超保鏣又多左兩個。
係呢條巷入面，Sarah同我被保鏣隔開，兩個捉住佢，其餘兩個就捉住我。
仆街偉成個人震哂咁企係我面前，好似好嬲咁。
偉：「你居然敢錫我未婚妻..仲要係咁多人面前…」
「你真係未知死..」
！？
佢突然一拳打落我個肚到。
「居然敢掂我既Sarah…」
又一拳，今次係我心口。
呢個仆街又真係幾大力..一拳接一拳真係幾難捱。
唔係有兩個保鏣夾住我我一早已經仆左係度，而家我好想嘔。
佢個眼神好似已經喪失左理智咁，好狠。
「阿明！
」
Sarah突然大叫我個名，令個仆街轉移左視線去Sarah度。
偉：「你關心佢？你唔記得左我同你有婚約？ 」
仆街啦今次，佢真係顛左。
無諗過錫左Sarah一啖就會搞到佢咁。
佢而家好似連Sarah都想打，見佢慢慢咁行去Sarah度。
我：「唔好呀！」
佢當時無理我。
「李俊偉，咁耐無見你都仲係咁，咁多人蝦對小情侶，你唔丟架架？
」
係仆街偉就快一巴打落去Sarah之際，巷口傳黎一把男聲。
我望過去，有五個著住校服既人企左係度。
咦？？？
仆街偉係我錫完Sarah之後第一句講既說話係短短既三個字。
我都未俾得切反應就已經俾人好大力咁捉住，仲被迫放開一直緊握住Sarah既手。
之後我就俾佢地的左去潮特同兆萬中間果條巷仔，堆黑超保鏣又多左兩個。
係呢條巷入面，Sarah同我被保鏣隔開，兩個捉住佢，其餘兩個就捉住我。
仆街偉成個人震哂咁企係我面前，好似好嬲咁。
偉：「你居然敢錫我未婚妻..仲要係咁多人面前…」
「你真係未知死..」
！？
佢突然一拳打落我個肚到。
「居然敢掂我既Sarah…」
又一拳，今次係我心口。
呢個仆街又真係幾大力..一拳接一拳真係幾難捱。
唔係有兩個保鏣夾住我我一早已經仆左係度，而家我好想嘔。
佢個眼神好似已經喪失左理智咁，好狠。
「阿明！
」 Sarah突然大叫我個名，令個仆街轉移左視線去Sarah度。
偉：「你關心佢？你唔記得左我同你有婚約？
」 仆街啦今次，佢真係顛左。
無諗過錫左Sarah一啖就會搞到佢咁。
佢而家好似連Sarah都想打，見佢慢慢咁行去Sarah度。
我：「唔好呀！」
佢當時無理我。
「李俊偉，咁耐無見你都仲係咁，咁多人蝦對小情侶，你唔丟架架？
」 係仆街偉就快一巴打落去Sarah之際，巷口傳黎一把男聲。
我望過去，有五個著住校服既人企左係度。