請先讓乘客落車 please let passengers alight first!(至第廿六章): 第十八章
「請先讓乘客落車 please let passengers alight first! 」（第十八章）
「咔...」 度走廊門開左...黑頭盔人一步一步走近我同阿雪媽咪…
第一至十七章: http://bit.ly/2aTgRST
************************************************************
黑頭盔人愈走愈近，我嘅呼吸聲就愈黎愈大。我好用力咁將小白渣到實一實，
心入面諗住之前阿雪同我講過: 「阿琛，如果陣間發生咩事，記住記住同小白
講，佢會幫你！」
然後我瞇埋眼好細聲咁同小白講: 「小白，你要帶我地離開依度！」
小白中間位置浮現左一個字: 「煙」
煙? 咩煙呀? ...唔通小白叫我用煙黎逃走? 我冇諗咁多就對住小白講: 「煙！」
冇反應。。。
「小白，煙呀！煙呀！」
都仲係冇反應嘅？？
死喇，黑頭盔人仲有１０步左右就行到黎， 而家點好？ 點解小白講極都冇
反應嘅？頭先明明阿雪媽咪都係叫我對住小白就咁講就得喇喎！點解而家一d反
應都冇嘅？究竟我要點做小白先有反應呢？
黑頭盔人已經喺我面前，大概只得一米距離喳！ 我心諗今次實返唔到出去。 奇
怪嘅係我一瞇埋眼阿雪就喺我腦海閃過，點解依個時候我唔係諗我最親嘅阿媽
嘅？ 我咁樣係咪好不孝呀？
定係我真係好似阿雪媽咪所講我其實係未來嘅人?
就當我已經叠埋心水諗住係咁先嘅時候，突然聽到把熟悉嘅聲音...
「琛仔！！」
我抬起頭，抹返開隻眼望上去，個黑頭盔人㩒佢右邊耳仔上面個圓形制，然後
個頭盔個面罩就向左右收起，雖然佢仍然戴住個頭盔，但基本上個樣已經睇得
好清楚。 我簡直唔敢相信自己隻眼，佢竟然係黑頭盔人？？
「Benny??!!」
「琛仔！ 教授！」
「Benny 你...？點解...？」
「琛仔...我慢慢再解釋俾你聽 ; 教授，你好，我係隸屬國土安全部嘅特勤局特
工，編號1366，依個係我既badge，我會帶你離開依度。 」佢喺佢嘅鞋入面攞
左個徽章出黎。
當刻基本上我都唔知俾咩反應好，不過慶幸嘅係佢話係黎救我地，而唔係隊冧
我地。
「黎吖，你地跟我黎依便。」 Benny側一側頭，示意叫我地跟住佢去走廊嘅方
向。
「米住先! 入面唔係有黑頭盔人嘅咩? 」我問Benny
「你指HARMY軍? 我頭先同佢地講叫佢地守住樓梯入口，所以依條走廊係唯一走
出去嘅路... 」
我同阿雪媽咪有d猶豫，諗緊應唔應該信佢，佢雖然都係Benny個樣同把聲，不
過始終我都仲未知點解佢著住黑頭盔人嘅服裝。到底佢係咪真係政府嘅人，老
實講我真係知條鐵咩。
不過如果佢要害我地嘅話，佢大把機會落手啦，唔需要同我地咁客氣...
「咔嚓」「咔嚓」Benny將我同教授嘅手扣解開。
「教授，我地冇時間喇，佢地好快會行落黎，我地要走架喇! 」Benny開左度走
廊門。
「教授，不如我地跟佢行入走廊啦，總好過企喺度。」經過腦海一輪掙扎之
後，我決定跟Benny入走廊，希望我冇睇錯佢...
「你地等我一陣...」阿雪媽咪走返去我地坐果張凳度，佢喺凳底嗱起左一
堆類似泥嘅嘢，然後就跟住我地入去走廊。
條走廊好長，燈又暗，但係左右兩邊就有好多度門，似去通去唔到嘅方向...
「Benny，究竟我地要去邊度? 」我左望右望，度度門都有號碼牌。
「就到架喇，就喺前面果度門!」Benny指住前面，佢行喺最前，我喺中間。
行左大約50米左右，同我地要出嘅門仲有3米左右，突然右邊度門開左，
Benny即刻張開雙手截停我地…
「原來你係政府嘅人…! 嘿嘿嘿….. 」
我認得依把聲，係果個黑頭盔人! 就係果個放隻機械蜘蛛追除哥同係咁摩打腳
踢我果個黑頭盔人...！
佢閂返度門，右手已經渣住枝短棒…
「想走？嘿嘿嘿...」
第十八章 完。待續...
*********************************************************************
如想知道最新故事發展或對故事有任何提問, 可以輕輕like下 小弟 Facebook page 同留言~
Facebook:https://www.facebook.com/peoplelaughmetoocrazy/
同步連載:
紙言：http://bit.ly/2b1ZCRp
Discuss: http://bit.ly/2bLNrYy
Penana: http://bit.ly/2bX5tay