「請先讓乘客落車 please let passengers alight first! 」(第十七章)
 
「因為,頭先果架A135/138列車係我渣嘅…」
 
第一至十六章: http://bit.ly/2aTgRST
*****************************************************
 
點解會係阿雪媽咪渣依架列車? 咁Benny呢?
 
「我唔明喎! 你唔係一直都係俾黑頭盔人困住喺果個樓梯底嘅咩?」




 
「其實黑頭盔人知道左我成功研發左時光機,佢地就迫我幫佢地返黎2016年。」
 
「咁點解係你去渣架地鐵嘅?」
 
「我都係被迫嘅...」
 
「被迫?」
 
「嗯...係佢地迫我帶佢地黎依度...」




 
「黎依度?咩唔係佢地困你喺度嘅咩?」
 
「唔係...佢地唔知度依個地方。本來佢地捉左我之後,我一直都唔肯幫佢地返
 
黎2016年,但佢地竟然搵到我個仔阿飛,然後攞佢黎要脅我...所以我冇得簡,
 
唯有帶佢地返黎...。」
 
「你話HARMY叛軍捉左阿飛? 哦…! 怪唔知阿飛都會喺依架地鐵度啦….」




 
「吓? 阿飛喺依架地鐵度? 你見到佢? 」
 
 「佢冇事! 你放心! 我同阿雪頭先就係入去架地鐵度救佢。佢而家同緊阿雪一齊。」
 
「阿雪? 佢都喺度?佢地兩姊弟而家喺邊呀?」阿雪媽咪望左望右然後先問我。
 
「ER…佢地應該仲喺架地鐵入面…」我壓低聲講
 
「咁就好喇...」
 
「ER...係呢...咁點解要黎依度呢? 依度有乜咁特別呢?」
 
我觀察依度嘅環境,基本上就係一個20呎X20呎嘅地牢,右邊有一度門。我同
 




阿雪媽咪就坐左喺中間。望上去,因為樓底係中空,目光會穿過哂d樓梯,天
 
花有一條光管,加上樓梯底嘅光管,勉強將光線打落地牢,感覺好似仲未開場
 
嘅戲院咁。
 
「Sh......」 阿雪媽咪同我打打眼色然後細細聲話:
 
「依度有佢地想要嘅嘢,頭先就係因為我唔肯講,所以佢地就念咒語想催眠
 
我,等我講俾佢地聽...」
 
「佢地想要嘅嘢?」
 
「嗯...你聽住琛仔,佢地要一樣叫 《kryptós》嘅密碼。」




 
「《kryptós》密碼? 係咩黎架? 」
 
「你而家唔需要知道住,但無論如何,你都要幫我保護佢,千祈唔好俾HARMY
 
知道點折解。依個係國家機密,清楚嗎? 」
 
「嗯,你放心! 黑頭盔人都係我嘅敵人,我唔會俾佢地知道嘅。但係,我
 
想知依個密碼而家係咪就收埋喺依度?」
 
阿雪媽咪冇答我,只係點一點頭...
 
「咁我地點算好呀?黑頭盔人實繼續對你念咒語迫你講出黎架喎!」
 




「現家我知道阿飛阿雪冇事,就算佢地迫死我都唔會講架喇。 琛仔,你唔好理
 
我,你走先啦...!」
 
「唔得! 我唔可以依個時候走架!我走左咁你點算呀? 」
 
「你唔走你會俾佢地殺死架...你聽我講快d襯而家走先啦。」
 
「我唔怕,最多咪同佢地死過,頭先喺地鐵我都頂到一陣,好在有支小白...
 
咦?係喎,我有小白喎!」我喺褲袋攞返出黎。
 
「咦? 琛仔,你點得黎架?」
 
「係阿雪頭先俾我架!」




 
「...琛仔,我地或者可以出返去,但可能會有危險,你搏唔搏? 」
 
「搏!! 」我用左零秒時間去作出一個對我性命悠關嘅決定。
 
阿雪媽咪深呼吸左一啖然後話:「好…嗱,陣間黑頭盔人出黎嘅時候,你就....」
 
「咔...」 度走廊門開左...黑頭盔人一步一步走近我同阿雪媽咪…
 
第十七章 完。待續...
*********************************************************************
如想知道最新故事發展或對故事有任何提問, 可以輕輕like下 小弟 Facebook page 同留言~
Facebook:https://www.facebook.com/peoplelaughmetoocrazy/
同步連載:
紙言:http://bit.ly/2b1ZCRp
Discuss: http://bit.ly/2bLNrYy
Penana: http://bit.ly/2bX5tay
 
 
已有 0 人追稿