請先讓乘客落車 please let passengers alight first!(至第廿六章): 第廿二章

「請先讓乘客落車 please let passengers alight first! 」（第廿二章）
 
「依度係我教書嘅地方，普林斯頓高等研究院。黎吖，我有個地方想帶你去。」
 
 第一至廿一章: http://bit.ly/2aTgRST
 
***************************************************************
 
 
由門口行出黎嘅時候，一路行一路俾一d前所未見嘅嘢震撼住我嘅瞳孔，我腳




 
步都被放慢左，當教授叫我嘅時候，佢地已經行左喺我前面。
 
「哦...等一等先！」
 
「你好！我想問而家係咩年？」我行上前問一個企喺走廊嘅男仔，佢喺度篤緊
 
自己個手掌，我行近d先見到原來佢個手掌有個熒幕顯示住，個熒幕係由佢戴
 
著隻手錶投影出黎。




 
「吓？ 而家咪係統一人類聯合國第七年囉。」個男仔
 
「吓？？ 即刻公元幾多年呀？」我R哂到。統一人類聯合國？
 
「哦...睇下先….而家係…公元二千零四十六年囉！」個男仔好奇咁望返我。
 
「唔....唔該！」雖然我知我問黎都多餘，但唔知點解我始終想係由一個素未謀
 
面嘅人話俾我知個事實。 由一開始教授同我講我係同佢一樣黎自未來，我覺得




 
佢同我講笑；到見返Benny，之後跟佢地入去302號房，震完一輪再由間房出
 
返黎，已經係完全另一個地方嘅時候，我開始相信教授講嘅嘢。我信我真係黎
 
左未來，但我係咪都係來自未來？我嘅真正身分係咪真係特工？
 
「快d啦琛仔...」Benny 望向後叫我。
 
原來佢地已經喺走廊盡頭部𨋢入面等緊我。
 
入到𨋢嘅時候，教授將手掌零空放喺𨋢門隔離。我一粒掣都見唔到，但係𨋢門
 
頂個顯示器竟然顯示 「CAR PARK」。之後架𨋢唔係向上唔係向下行，佢係向後
 




行，大概行左10秒，然後轉左行多幾秒，之後再向上。好在速度唔係好快，如
 
果唔係咁chok法，未出𨋢已經暈低。
 
跟住「叮」一聲，部𨋢停左，𨋢門打開，我跟教授Benny出去，見到四圍都係
 
車，大概有有五個足球場咁大，大部分車嘅外表睇落都好似，車頭都有個類似
 
「T」字嘅圖案，但再睇真d，咦喂，點解全部都冇轆嘅？
 
「ER 我想問d車冇轆咁點行？」我實在忍唔住問。
 
「哦，因為用左磁浮技術，所有公路喺四年前已經整哂磁浮裝置，所以唔洗
 
轆。而家你見到嘅所有車都唔已經唔再用油架喇！」教授指住某一架車個車




 
底。
 
「吓，唔用油咁用咩呀？」
 
「大部分都係用電嘅。」
 
嘩，原來30後d用油推動嘅車真係絕哂跡。
 
我地穿過兩行車，突然有架車喺前面駛過黎，我潛意識咁想避開佢，但佢喺教
 
授面前已經停低左，然後開埋門。
 
「上車啦，琛仔。」原來係教授架車，佢識得自動咁駛過黎。教授成架車都係
 




白色，就連原本應該有窗嘅位置都係白色，喺出面跟本睇唔到入面。
 
我跟住Benny坐喺後座。一坐上去就已經有條安全帶自動咁幫你戴。當車門閂
 
嘅時候，成架車即刻著哂燈，原來喺車入面係可以望返出面，仲要係360度都
 
望到，完全見唔到車頂與車身之間有任何支架。
 
「Hello professor!」依把聲音咁熟悉嘅？
 
「Hello Daisy! 」哦...！原來係教授果張玻璃枱把聲。
 
「你而家要去邊度？」Daisy問教授。
 
「聯合國第十二街五十號，唔該 Daisy!」




 
「冇問題。預計到達時間三十分鐘。」 Daisy 一講完架車就開始行，係自動導
 
航咁行。
 
「教授，第十二五十號係咩黎架？」我問教授。
 
教授個位180度咁轉向我地然後話：「去到你就知架喇！」
 
我點一點頭，教授繼續同Benny傾計，我冇特別聽入耳，只係望向出面，腦入
 
面諗緊今日發生嘅一切，但可能因為太攰嘅關係，我諗諗下就訓著左...
 
「琛仔...琛仔....到左喇！」
 
我被Benny拍醒左，一開眼就見到右手邊有間屋。落車之後，眼前係一間淺黃
 
色嘅木屋。
 
「嗱，琛仔！」教授交低條鎖匙俾我。
 
我望住條鎖匙，好似係邊度見過咁…
 
行上兩步樓梯，見到個門牌寫住五十號。心諗依間屋竟然仲要用鎖匙黎開門，
 
條鎖匙仲要係超舊果隻英式門匙。我開左度門之後，發覺入面突然有種好熟悉
 
嘅感覺，面前係客廳，放左張淺啡色嘅梳化喺左手邊，前面一張大正方形地
 
毯，梳化嘅左手邊係一個火爐，客廳後面係飯廳，中間有張長方形柚木枱，過
 
左飯廳有一條樓梯，係通上二樓嘅。沿樓梯上到二樓轉左有兩間房。第一間房
 
門牌寫住 「MUM」。第二間房嘅門牌寫住 「VINCENT」。我推開第二間房，見
 
到一張枱喺右手邊，枱上面竟然有一部類似喺教授間

302號房見到嘅密碼機。
 
而密碼機後面有三個相架，左邊第一張係一個BB，中間

果張係兩個大概5-6歲嘅小朋友，一個男一個女，大家

搭住大家膊頭。而右邊果張…右邊果張….咦?....
 
點解…點解個女仔咁似阿雪嘅? 而喺佢隔離個男仔著住

套大學畢業袍嘅係….係我自己?
 
 第廿二章 完。待續...
 
*********************************************************************
 
如想知道最新故事發展或對故事有任何提問, 可以輕輕like下 小弟 Facebook page 同留言~
 
Facebook:https://www.facebook.com/peoplelaughmetoocrazy/
 
同步連載:
紙言：http://bit.ly/2b1ZCRp
Discuss: http://bit.ly/2bLNrYy
Penana: http://bit.ly/2bX5tay