請先讓乘客落車 please let passengers alight first!(至第廿六章): 第廿三章

「請先讓乘客落車 please let passengers alight first! 」（第廿三章）

而右邊果張…右邊果張….咦?....

點解…點解個女仔咁似阿雪嘅? 而喺佢隔離個男仔著住套大學畢業袍嘅係….係我自己?

第一至廿二章: http://bit.ly/2aTgRST
*****************************************************************************
我望住張相，再望下間房嘅周圍，書枱隔離係一個柚木衣櫃，裏面大部分都係





一套套西裝。靠住衣櫃係一張6尺左右長嘅單人床，床單係迷彩綠色，外面嘅

陽光經過窗簾薄紗射入間房，感覺好柔和。床另外一邊有個床頭櫃，我將佢打

開，發現裏面竟然有一支短棒，同阿雪果支嘅分別就係顏色，依支係金色嘅。

我將支短棒先放入褲袋，然後再攞住枱張相落返樓下...

「教授，你帶我黎依度係咪想喚醒返我嘅記憶呀？」我俾左相教授睇。





「點呀？你係咪記返起喇？」

「我認得相入面個自己，我都認得喺我隔離果個係阿雪，不過，我真係冇印象

我係大學畢業囉！」心諗如果我已經大學畢業咁點解2016年嘅我會做波板糖人。

「唔緊要，慢慢黎，遲早你會記得嘅！」教授安慰我咁講。

「上面有間房，門牌寫住 “MUM” ，佢而家…」我好想知道究竟住喺依間房





「MUM」係邊個。點解我會一d印象都冇嘅?

「你放心，佢喺一個安全嘅地方，我遲d會帶你搵佢。」

「咁我爸爸….」我想再追問教授點解間房個門牌淨係得 “MUM” 嘅時候...

「琛仔，教授，我地而家要離開依度！」Benny攞住支短棒，佢戴住副眼鏡，然後企喺門口裝出面馬路嘅情況。

「吓，點解呀？發生咩事呀？」 我俾Benny咁突然嘅行為嚇親，唯有跟住

Benny企喺門後面。

「總部通知我，情報組喺HARMY叛軍果邊收到消息，話HARMY叛軍知道我救

左你地返黎2046年，所以佢地會黎再捉你地。」Benny一路講一路留意住出面





嘅情況。

「咁我地而家點呀？」我望住Benny。

「係..係...OK!」原來Benny 仲同緊總部對話緊，佢副眼鏡個柄尾有個發聲器對

住佢隻耳仔，佢講嘢嘅時候就按住個眼鏡柄。

「佢地就喺附近，陣間我數到三就沖出去上車。」Benny繼續講。

「佢地」應該係指HARMY叛軍，但點解2046年嘅佢地會知我地喺果個地下室

走甩左呢？





「教授，你可唔可以叫你架車駛近d先？」我醒起架車有依個功能。

「係喎！」教授搖控指示架車駛到去啱啱門口出面大概3米距離。

「好，準備好未？！」Benny渣實支短棒，向我望住我地。

我同教授點頭示意，我將個相架放喺心口，另外隻手渣住支短棒。

「1、2、3！」

Benny一開度門我地三個就衝上架車，架車亦識得自動咁打開度車門。但原來

出面已經有起碼五個黑頭盔人埋伏左喺出面，我地一開門佢地就已經走哂出黎

然後衝向我地度...





「嘭..嘭..嘭...」嘩...原來黑頭盔人佢地支短棒可以變做支短槍，係咁對住我地射...

「Daisy 開車！」我地上左車之後，教授叫架車即刻駛走！

「教授，你有冇受傷呀？」

「冇..冇事！」教授仲抖緊大氣。

「Benny，你呢？」Benny冇反應，只係呼吸聲變大。佢個頭向下，左手按住左

腰，我望真d，原來佢左腰中左槍....!!

「Benny...Benny...你點呀？頂住呀...」





我再望後面，發覺有幾架車開始追住我地…..

第廿三章 完。待續...

*********************************************************************
如想知道最新故事發展或對故事有任何提問, 可以輕輕like下 小弟 Facebook page 同留言~

Facebook:https://www.facebook.com/peoplelaughmetoocrazy/

同步連載:
紙言：http://bit.ly/2b1ZCRp
Discuss: http://bit.ly/2bLNrYy
Penana: http://bit.ly/2bX5tay