請先讓乘客落車 please let passengers alight first!(至第廿六章): 第四章

「請先讓乘客落車 please let passengers alight first!」（第四章）
第三章:http://bit.ly/第三章
第二章: http://bit.ly/第二章
第一章：http://bit.ly/第一章
上回提到: 我跑到第一卡, 見到幾個黑頭盔人, 然後除哥話只有我先可以阻止佢地, 之後仲話白背女搵過佢, 收買除哥指使我去第一卡, 當我想問白背女究竟發生緊咩事嘅時候, 白背女已經追左上黎搵我....
***************************************************************************
「你叫馮永琛, 今年22歲, 喺地鐵返左2個半月工，你之前喺7仔...」白背女對我嘅背景瞭若指掌。

「點解你會知架? 你到底係咩人? 你想點呀?」我一路問一路向後"吞"左兩步





「我可以答你所有問題, 但你要幫我去救一個人。」

「我連你係咩人我都唔知, 我點解要幫你呀?」老實講, 果刻我對白背女存有好大嘅懷疑, 到底佢黎搵我嘅目的係咩我都未知。

「....你真係唔認得我喇? 我係慕容雪呀!」佢向前踏左步。

「慕容雪??」我皺一皺眉頭, 然後搖頭。

「我搵左你好耐喇阿琛。」白背女再行前一步。





「你講咩呀？ 我都唔識你！ 你幫我執返部電話之前我都冇見過你！我點會識你先？ 」

我雖然唔係咩高富帥，但都有拍過下拖，所以知道冇可能有女仔會主動識我。但我諗深一層，佢又好似知道我嘅背景，況且我呢個波板糖人仙都唔仙下，其實都冇咩可以蝕底...或者..佢可能真係想我幫佢？都係問清楚d先。

「咁...咁點解你要我黎第一卡先？仲有 入面果幾個戴頭盔嘅又係咩人黎架？」

「你真係見到佢地？ 」 白背女好肉緊咁捉住我隻手臂

「arrrr......！見到呀！你放手先啦！」佢咁啱就㩒住我頭先跌傷個位





「sorry 呀， 我冇心架...」白背女將雙手縮開我再一次扶住左手手臂問

「你見唔到咩？」我問白背女

「我同你一樣 梗係見到啦！」 白背女回應著。

「吓？你講咩呀？」我諗緊同我一樣係咩意思。

「冇嘢...冇嘢！我意思即係話我都見到咁解law!」白背女笑住講。

我暫時冇再追問佢頭盔人嘅嘢，我反而擔心點去處理月台同車上嘅人。由呢架A135/138列車埋站到而家都差唔多8分鐘， 冇理由到而家都未聽到廣播架？ 照計控制室一定會睇到呢架車埋左站已經好耐， 應該一早有站主任或以

上職員黎了解，但係一路都冇職員黎。另外，按道理下一班車應該都要到站啦。點解完全冇動靜嘅？

唔得 我要搵除哥問清楚！





「 我要打俾除哥。」

我攞起個電話一睇，原來個電話一直都冇收過線， 當我將個電話放喺耳邊嘅時候 喂左幾聲除哥都冇應我。

我收線然後再嘗試打去控制室landline搵佢，換來嘅係長長嘅等候訊號，響左半分鐘都冇人聽。

「點解連控制室都冇人聽電話嘅？」

就算除哥咁啱行開左，經理或高級經理都會喺控制室睇住。冇人聽電話實在不能置信。

「阿琛...你要冷靜呀！ 」

「我點冷靜呀？ 而家成車3000人困住左喺入面，Benny（車長）同除哥都無啦啦冇左影，又call唔到其他人黎幫手！」





「咁除左控制室 仲有冇幾其職員可以幫手呀？」白背女冷靜地問。

「........er....差佬！搵當值差佬!」

我同白背女即刻經電梯上一層，轉左出閘然後轉右行過ATM機， 隔離有一度鐵門，當值差佬就係駐守喺度喇！」

但奇怪嘅係 平日呢度門明明有上鎖嘅，我竟然一拉就開到.....

第四章 完。 待續
*****************************************************************
究竟有冇警察喺入面？ 點解度門冇鎖到嘅？
另外，除哥去左邊？控制室究竟有冇人？白背女（慕容雪）究竟要我救邊個？ 點解佢會識得我？
****************************************************************
100個 like會加快力度出文
50個 share會每篇加字如想知道最新故事發展, 可以like 小弟 Facebook page~




FB: 一碌木
紙言： 一碌木