請先讓乘客落車 please let passengers alight first!(至第廿六章): 第五章

「請先讓乘客落車 please let passengers alight first!」（第五章）
上回提到： 白背女話佢識得我， 我嘅心態係半信半疑。不過確實亦發生左咁多不可思議嘅嘢， 我冇辦法說服自己完全唔信白背女嘅說話。搵唔到除哥，打去控制室又冇人聽，去警察駐守間房度門竟然一扭就開....
*************************************************************************************************************************************************************************************************
「點解度門冇鎖嘅？」我慢慢咁推開度門

「阿..慕小姐，不如你企喺門口先啦，如果你見到有其他職員，叫佢地去2號月台幫手，唔該！」

我從來都未入過呢間房，淨係知警察有時會喺入面寫報告同休息。心情雖然戰戰兢兢，但為左搵人幫手， 膽粗粗都要入去。

叫慕小姐喺出面等其實係唔想佢見到我淆底個樣唧。





「有冇人呀唔該？」 見冇人應我就周圍行下。

眼前係一間大概10呎乘8呎左右大嘅空間，左邊有一組架，放住一個個應該係裝住文件嘅箱，編好哂號碼，右面就有一張枱，枱上都係得d文件同文具。奇怪竟然沒有電腦！

中間有條走廊，大概5米長， 燈光昏暗，走廊兩旁連幅畫都冇，行到走廊尾轉左再行10步左右有度木門，但已經係半開，入面有光閃下閃下，我以為有人喺入面睇電視，但又聽唔到有聲。

行近望入去，見到一張枱，枱上面有一叠叠文件，我估應該係警察寫d報告。

我推開門，鬼影都冇隻，閃下閃下原來係間房棧燈壞左。 呢間房仲要細d,除左一張枱同個櫃就咩都冇。





我想走嘅時候無啦啦有隻四腳蛇喺天花跌左落我左面個膊頭度，我即刻一路撥一路吞後一路嗌，點知背脊撞到張枱，推跌左d文件。

我諗住喺地下執返起d文件果時， 有張相跌咗出嚟，我望一望，張想雖然有d蒙同殘殘地，但係...

「點解有d似白背女嘅？」

我再打開個file，

1997年10月1日（星期三）大約凌晨二時，一名26歲女子被發現倒斃於灣仔地鐵站（軒尼斯道出口）, 無表面傷痕, 並無掙扎痕跡, 亦無搜掠痕跡。其死因為窒息。




任何公眾人士如有關於此案的消息或與知悉兇徒的身分或其下落，請盡速與警方聯絡。
檔案編號： WCH RN 04238349

我當堂打左個冷震, 然後放低個file就出返去。

「點呀, 有冇人喺入面呀? 」白背女一見到我出黎就問我

「er….冇呀…er…係喇, 你企左咁喇, 有冇職員經過呀咁? 」

「都冇呀…你塊面做咩咁白嘅? 你冇事呀MA? 」

「冇...冇事…係喇, 不如我地去埋車站控制室睇啦。」我眼神唔敢同白背女接觸

「嗯, 好呀。」





我地再上一層, 即係最高果層, 因為我冇CARD嘅關係, 我唯有喺出面”莊”入去,我一跳扶住個壆位, 望入去, 竟然一個人都冇嘅!!!

之前打黎控制室冇人聽仲諗住d同事忙得滯, 點知係冇人!

「去哂邊呢d人? 」我叉住腰問

「不如我地落返月台搵明仔再睇下點先啦! 」

「好, 你咪話要我幫你救一個人嘅, 度車門開左之後, 我幫你呀!」唔知邊度黎嘅勇氣加好奇心驅使我咁大口氣。
白背女對住我微笑.....


點知我同白背女一落番月台, 全部喺月台嘅人已經訓哂喺地下……

第五章 完。 待續...






 *****************************************************************
究竟檔案入面個女仔係邊個？ 點解會似白背女？
點解會冇警察駐守，車站控制室d人又去哂邊?
點解月台全部人訓哂喺地下??
*****************************************************************

100個 like會加快力度出文
50個 share會每篇加字

如想知道最新故事發展, 可以like 小弟 Facebook page~

FB: 一碌木
紙言： 一碌木