請先讓乘客落車 please let passengers alight first!(至第廿六章): 第六章
「請先讓乘客落車 please let passengers alight first!」（第六章）
***************************************************************
上回提到： 我同白背女走上一層去警察駐守房間，嘗試通知警察，點知入面冇人不特止，仲要俾我執到個警察file，
入面有張相同白背女個樣好似。控制室又冇人，落到月台竟然見到全部人訓低哂...
第一至五章: http://bit.ly/2aTgRST
********************************************************************
「發生咩事呀依度？」我問
「佢地唔係已經....死左掛？」白背女遮住個口咁問
「唔會掛....」其實都我都唔肯定
白背女望住地下 一步一步好小心咁行上幕門
「阿琛！你睇下！」 白背女指向入面
「入面d人都一樣？」我都慢慢咁跟上然後望入車廂
我轉身某喺地下 仔細咁望下佢地個樣同身體 見唔到有血跡同傷痕
我再膽粗粗咁放隻手指喺其中一個嘅人中度
「喂..有呼吸架...！」 我鬆左一口氣
我同白背女再check多幾個
confirm証實佢地應該只係暈左
「點解會全部人一齊暈嘅？」白背女望住堆訓左喺地嘅人問
「唔通佢地係俾人整暈嘅？」我皺住眉頭猜度
「咁而家點算呀 阿琛？」
「報警啦！」我二話不說就攞左個電話出黎 準備打三條9。
「唔好呀！阿琛！」白背女一手咁住我個電話
我成世人從未試過打999，唔係未遇過d衰嘢，有試過俾人打劫（借錢），不過見錢唔多廢事報警；
又試過見到有人被追殺（阿嫂追阿哥家用），見冇生命危險所以冇驚動警察；
過左2014年，就完全唔想再搵警察幫手LU。
但係，當我的起心肝打999嘅時候，反而有人比我更唔想搵警察...
「做咩事呀 慕小姐？」
「ER….唔可以打俾警察架...」白背女笑笑口咁講
「點解呀？ 成個地鐵d人訓低哂喎 又搵唔到人幫手喎！」
白背女 縮後一步 望住地「警察黎嘅話...佢地會捉我返去㗎！」
「捉你返去？...點解要捉你呀？返去邊呀？ ….你唔係想同我講你係賊下話?!」我抬高少少個頭 帶些少懷疑咁問
「......你唔好問咁多啦...總之...你唔好打俾警察啦 好嗎？」白背女好似有難言之忍
但點解佢要避開警察呢? 唔通佢真係通緝犯? 真係佢整暈成班人?
雖然靚女唔一定唔係賊, 但我真係覺得佢唔似喎…
OK, 就當佢係, 咁點解佢唔解決埋我呢?當我望住佢嘅時候, 我諗起張相….
「好…..我唔打都得，但你先要答我一個題。」我喺褲袋度攞返頭先警察file張相出黎 放喺佢眼前
「呢個係邊個黎?」
「吓⋯⋯！」 白背女雙手蓋住口，「張相…張相..你點得黎架? 」
「你答左我先啦，呢個係邊個黎? 係咪你? 」我企喺白背女面前， 渣住張相對住佢
「…阿媽…呢個..係我阿媽…」白背女攞住張相，凝望住，眼泛淚光
「佢已經……」我想講之際
「唔喺度LU...」白背女輕輕撥一撥眼淚 雙手垂下 手仍然握住張相
算一算手指, 即係白背女今年21歲, 比我細一歲
「哦…唔好意思呀…我仲以為係你…」我唔係故意令白背女傷心 但見到佢眼濕濕我又有d內疚感
「我冇嘢喎 都過左咁耐...係呢，張相你係點得黎架？」白背女問
「係頭先喺警察駐守房入面 冇心咁執到呢張相夾住張相個file話相入面嘅人喺1997年倒斃喺灣仔地鐵站入口 我覺得警察懷疑你媽媽係俾人殺...，但係...阿慕小姐」
「阿雪..你可以叫我做阿雪。慕容係我個姓。」阿雪冇理會到個file講咩，唔通佢一早就知？
「阿雪...咁...點解你會驚俾警察捉嘅？」喺阿雪諗住答我之際突然...
「燈凳...燈凳」聲音喺我背後發出 係幕門開嘅聲
「阿飛呀...阿飛喺入面呀....」阿雪繞過我行去開左門嘅列車我轉身
望住部列車 一部我兩個半月黎每日都會見到嘅列車 唔知點解 突然間覺得好陌生
我見阿雪已經入左去 阿飛應該就係佢要我幫佢救嘅人
「喂 阿雪 等埋我呀...！」
雖然我唔知車入面會發生咩事 或者發生過咩事
我淨係知道 入左車廂之後 我嘅命運亦因此而改寫...
*****************************************************************
點解地鐵同月台嘅人會訓低哂？
點解車門會開返？
我同阿雪入到車廂會點？
仲有 究竟阿雪係咩身分？佢點解會識得我?...
*****************************************************************
如想知道最新故事發展, 可以輕輕like下 小弟 Facebook page~
FB: 一碌木
紙言： 一碌木
第六章 完。 待續...