請先讓乘客落車 please let passengers alight first!(至第廿六章): 第十章

「請先讓乘客落車 please let passengers alight first!」（第十章）
上回提到： 黑頭盔人準備開門之際，有個對講機掟左過黎，驚動左黑頭盔人。佢回頭去搵掟嘢嘅人，我決定要衝出去...
第一至九章: http://bit.ly/2aTgRST
********************************************************************
「你地喺度等我，我要跟住黑頭盔人。」我同阿雪阿飛講然後準備開門出去

「阿琛 唔好出去呀!...你唔夠佢打架！」阿雪阻止我

「放心，我只係喺後面跟住佢，如果除哥真係喺前面嘅話，我更加唔可以見





死不救！」

「但係.....」

「家姐...你信琛哥啦！或者佢可以呢？」阿飛突然插左一句

「......但係...」阿雪仍然猶豫

「唔好再諗喇 家姐 冇時間喇..」





阿雪深呼吸左一口，然後將佢手上支棒，交左俾我。

「阿琛，如果陣間發生咩事，記住記住同小白講，佢會幫你！」阿雪指住我

手上支棒

「哦......」我望一望支棒，準備開門出去

雖然我唔知出去會發生咩事，不過我地喺度等都唔係辦法。架車一日未停定





我地貿貿然開逃生門走都只係送死。就算跌唔死，咁車上嘅人呢？邊個去救

佢地？ 我唔可以就咁走左去，我要搵個黑頭盔人，我一定要知道佢地嘅目的

係乜...

突然有股暖暖地軟綿綿嘅印喺我右邊臉頰上，我體溫零秒錶到100度，心跳去

到147，眼皮機關槍咁開合左5次，嘴呈O字形。係...果刻我個樣的確係L，L

樣。

「小心d呀，阿琛...！」原來係阿雪嘅唇印...

我而家先知咩叫有口難言。記憶入面，咁大個仔從來都未試個咁樣，喺講唔





到嘢嘅情況之下，我唯有點一點頭，開門出去,然後閂返身後嘅門。

我跟到第七卡左右，見到黑頭盔人就喺第六卡果度停低。頭先掟對講機果個

人嘅位置大概就喺第六卡尾，唔通佢知道掟嘢個人就喺附近？ 但喺我眼前嘅

仍然只有暈左嘅人，佢點解停喺度呢?

黑頭盔人再一次將支棒變做機械蜘蛛發出綠色激光scan周圍訓低嘅人。

「嘟.嘟嘟.嘟.嘟嘟.」係機械蜘蛛發出嘅聲，佢本來綠色嘅激光變成紅色，然

後集中射向一個訓喺地下嘅人。我靠喺長凳邊玻璃，抬高頭探過去，見到訓





喺地個人係著住黃色制服。

雖然見唔到個樣，但憑佢個身形，同佢腰間嘅鎖鑰扣，我肯定佢就係除哥！

機械蜘蛛走向除哥度，由佢嘅腳底一路爬向佢個背脊，鏡頭向番黑頭盔人，

似係等緊指示。

「$@#%》*=+～@」黑頭盔人嘰哩咕嚕咁同機械蜘蛛講完，機械蜘蛛就即刻

將佢其中一隻腳舉高，準備剌入除哥個背脊度。

「走呀除哥!! 」雖然我唔知除哥係咪已經暈左，但我至少希望可以引開注意，

除哥即刻起身然後起勢咁跑。原來佢係冇暈到，怪唔知會被機械蜘蛛發現…





「*&%$#@()_+」機械蜘蛛聽到黑頭盔人嘅指示就即刻追除哥。

黑頭盔人轉身向住我，我由長凳玻璃邊起身，企喺車廂中間。

第一次同黑頭盔人面對面，相隔一個車門距離。

「你係咩人? 係咪你地整暈哂成車人? 」雖然唔知佢聽唔聽得明我講嘅嘢…

「嘿嘿嘿嘿嘿….你唔知咩? 」黑頭盔人發出古怪嘅笑聲，佢仲識講我地嘅語言

「你地到底想點? 」

「嘿嘿嘿….你認為你阻到我地咩? 過左今日，歷史將會改寫…」





第十章 完。待續
*********************************************************************
如想知道最新故事發展, 可以輕輕like下 小弟 Facebook page~
FB: 一碌木
紙言： 一碌木