請先讓乘客落車 please let passengers alight first!(至第廿六章): 第十一章

「請先讓乘客落車 please let passengers alight first!」（第十一章）
「過埋今日，歷史將會改寫...」黑頭盔人向向踏一步
黑頭盔人咁講究竟係咩意思？
第一至十章: http://bit.ly/2aTgRST
***************************************************************************
「改寫歷史？ 你講咩呀？ 我淨係知而家成個灣仔站d人暈哂，點解你要咁做？」

「你唔需要知道！我冇殺到佢地已經係好仁慈。」 黑頭盔人繼續迴避我嘅問

題，但係好肯定係佢地整暈d人，不過呢個唔係佢地嘅目的，我估應該係佢地





為左達到某種目的而要咁做。但到底佢地嘅目的係咩呢？！

「我唔知你係咩人！但係呢度係香港，係講法律，唔係你話想點就點！而家你

無端端癱瘓左成個灣仔站，你覺得你可以就咁就算？」我嘗試大一大佢。

「嘿嘿嘿嘿....法律？咩黎架，食得架？我地就係法律！你唔好喺度阻頭阻細，

唔好以為你係佢地我就怕你！」黑頭盔人好大口氣





「佢地？」我心諗緊黑頭盔人指嘅佢地係邊個。

「總之我係唔會俾你喺度亂黎！」我緊緊握住阿雪俾我嘅「小白」，雖然我唔

知佢可唔可以幫到我。

「嘿嘿嘿...好呀...黎吖！我都想睇下你係咪佢地講咁犀利!」黑頭盔人講完就即

刻跑過黎，我眼都未眨佢個拳頭就已經喺我個鼻前面。





雖然我中意打街霸，但現實嘅我其實係和平主義者。以前喺7仔做嘅時候，好

多時都會遇到d麻煩客，通常都係化干戈為玉帛，即係比人D7下就算。但係

而家唔同，而家唔係淨係我嘅問題，係成個灣仔站幾千人嘅問題!

小白，你要幫我呀!...

當我諗住呢槌都要硬食嘅時候，突然「乒」一聲，我右手嘅小白變成一支一尺長嘅

棒，將黑頭盔人嘅拳擋開。然後小白好似控制我隻手咁將支棒打橫，再一

棍隊落黑頭盔人個心口度。佢後退左兩步，頭向下......





「嘿嘿嘿嘿.....幾好吖! 不過力水踭d喎...」黑頭盔人今次係以高速春麗式咁踢

過黎，李小龍係我偶像，但呢個黑頭盔人踢嘅速度簡直比李小龍仲要快。

「乒乒乒乒乒乒乒乒...... 」我右手好似摩打咁擋，我敢肯定，除左__ __，我隻

手從未如此快過!

奇怪嘅係，點解會係「乒乒」聲嘅呢?! 好似打落去d好硬嘅嘢度咁。唔通佢成

身都係護甲?

經過十秒左右嘅高速踢腿，黑頭盔人終於停低…我氣都未喘定。

「嘿嘿嘿嘿.......幾好玩吖，今日同你玩住咁多先... 嘿嘿..... 」黑頭盔人一路講一





路踏向後。

然後佢突然喺掟個波落地下，「呼」一聲，面前出現白色嘅煙，我追上前，黑頭

盔人已經消失左…

而呢個時候，列車亦突然停低...

第十一章 完。待續
*********************************************************************
如想知道最新故事發展, 可以輕輕like下 小弟 Facebook page~
FB: 一碌木
紙言： 一碌木