請先讓乘客落車 please let passengers alight first!(至第廿六章): 第十二章

「請先讓乘客落車 please let passengers alight first!」（第十二章）
第一至十一章: http://bit.ly/2aTgRST
**************************************************************
好在有阿雪俾我嘅小白，如果唔係我就應該係咁先。不過，點解黑頭盔人打打

下就走左去呢？佢一消失架車就跟住停...佢係咪一早就知道架車會停呢？

係喎...架車停左喎...

我望一望車出面，咦？咁黑嘅？ 架車仲未到站喎！我地仲喺灣仔同金鐘之間嘅





隧道入面。點解會喺呢個位停嘅？...唔係Benny有咩事呀？

我再一路向住第一卡走過去，希望可以搵返除哥，同黑頭盔人蹤影。

行到第三卡左右，見到除哥訓左喺地下。

「除哥！」我即刻走上去然後蹲底喺佢隔離

雙手緊按佢嘅膊頭。佢嘴角留緊血，佢嘅左手㩒住腰部，但血已經喺佢嘅手漏





出黎。成件黃色制服下半部已經變成血色...

「除哥...！ 頂住呀！...」我眼角勉強咁裝住d淚水 唔想令除哥難受

「我搵人救你，我call白車...你等我！你要等我呀！」我攞起個電話

「琛...仔...唔洗.喇..太...太遲...」除哥捉住我隻手，我張個耳仔埃近除哥，佢每

個字都講得好細聲，好用力。





（哭）......我嘅淚水已經唔聽話咁跑出黎。

「琛...仔.....出.口..出.....」

「除哥！！除哥！！！！！」除哥隻手慢慢咁放鬆...佢嘅眼皮亦好似舞台劇落

幕一樣，所有演出，所有嘅人生經歷，瞬間已成過去。

我對我老豆嘅印象好模糊，阿媽同我講我好細個佢就已經同第二條女遠走高飛

得返我同阿媽雙依為命。我阿媽因為打麻雀嘅關係，識到除師奶。我以前放學

都會先去隔離座除師奶屋企接我阿媽，通常除哥都會請我飲支可樂，星期六日





有時除哥會帶我去釣魚、行山，然後仲請埋我食宵夜先返屋企......

「AR!!!!!!!!!!!！」

我歇斯底里咁嗌左出黎，然後望住除哥，我仍然握住佢隻手，終於知道咩叫最


遙遠嘅距離。

我慢慢將除哥隻手放低，先發覺原來除哥右手一直握住拳頭，佢隻手入面好似

有d嘢咁嘅?

「咿呀!」我打開除哥隻手，入面有一張相…





咦? 點解咁似…咁似阿雪嘅媽咪嘅? 右邊個男仔又係邊個呢?? 個樣有少少似除

哥喎! 咦?? 點解左邊下巴同除哥一樣都有粒痣嘅?....唔通佢真係除哥?

張相係一男一女，中間有個紅危郵筒，郵筒中間係「E II R」徽號，右下角印上

黃色字「01.07.1997」。

如果相入面嘅男仔真係除哥嘅話，阿雪同佢媽咪咁似，冇理由佢認唔到阿雪架

喎?! 我將張相放入褲袋，然後借左身後張凳一位女仕嘅頸巾，蓋喺除哥身上。

「除哥，無論如何，我都會搵到殺你嘅人，幫你出番啖氣!! 」

出…出…出口!!





頭先除哥叫「出口」，係想叫我去出口，黑頭盔人一定喺果度。

我企返喺身然後向住第一卡嘅緊急出口走過去…….

第十二章 完。待續...

*********************************************************************
如想知道最新故事發展, 可以輕輕like下 小弟 Facebook page~
Facebook: https://www.facebook.com/peoplelaughmetoocrazy/

同步連載:
紙言：http://bit.ly/2b1ZCRp
Discuss: http://bit.ly/2bLNrYy
Penana: http://bit.ly/2bX5tay