請先讓乘客落車 please let passengers alight first!(至第廿六章): 第十六章

「請先讓乘客落車 please let passengers alight first!」（第十六章）

「係，我地本來返黎2016年就係為左阻止HARMY軍嘅崛起。」

阿雪媽咪講到依度，突然聽到腳步聲喺走廊傳過黎。

第一至十五章: http://bit.ly/2aTgRST
***************************************************
「快d呢埋先阿琛！」





「哦...」

我即刻鼠返上去樓梯第二層，個腦仲消化緊頭先阿雪媽咪講嘅嘢。我年年考試全

國第一？ 如果真係我就唔渣波板糖啦！ 仲要話我係特工？ 特別低人工就有...

不過，我後頸個紋身又點解釋呢？黑頭盔人突然出現喺地鐵整暈成車人又點解

釋？佢地念下咒語就將阿雪媽咪飄起又點解釋？





喺我仲諗緊以上問題嘅時候，度走廊門已經開左。

阿雪媽咪扮返暈...

係黑頭盔人，不過今次得一個喺走廊行出黎。

佢走近阿雪媽咪度，然後用支短棒「噗」一聲，阿雪媽咪應聲震一震，然後「醒返」。

「喂，你地到底係咩人呀？」阿雪媽咪應該好清楚依班係咩人，佢點解要扮唔知呢？





「教授，唔好再扮嘢喇！頭先你明明就已經醒左！」黑頭盔人點知架？

黑頭盔人一副驚訝嘅樣，然後嘗試勉強兜

「我有夢遊架，會發開口夢有幾出奇呀? 」阿雪媽咪反駁

「我話你醒左唧，我冇話你有講嘢喎，不過既然你自己都講左出黎，嘻嘻嘻...咁就

真係唔該哂喇!」

阿雪媽咪臉色一沉，因為俾黑頭盔人發現佢講大話。

死喇!黑頭盔人知道阿雪媽咪頭先同人講緊嘢，如果俾佢知道我喺度，佢一定唔會

放過我架喎! 我應唔應該走呢? 如果我依個時候走，佢地會唔知點對阿雪媽咪





喎，再講，如果俾阿雪知道我怕死所以走而冇救佢阿媽，佢以後會點睇我呀?

但係，如果我而家唔走，比黑頭盔人捉到咁點算? 而家走左起碼都可以保住條

命，搵機會反擊...

當我仲喺度人生交叉點嘅時候，我聽到背後「噗」一聲，原來另外黑頭盔人已經不

知不覺間喺我後面，襯我唔為意整暈左我。

咦? 咁點解之前阿雪媽咪佢又冇暈到嘅? 黑頭盔人都係用短棒指住佢架喎! 唔通

阿雪媽咪有方法避開?





被整暈之後，我已經冇意識，亦都唔知自己暈左幾耐。淨係知道自己被整醒嘅時

候阿雪媽咪已經坐左喺我隔離。

「你醒喇?!琛仔! 」

「AR….係呀! AR…個頭好痛呀! 」

我想卒下個頭嘅時候，先發覺自己雙手同阿雪媽咪一樣都有手扣扣住。

「我點醒返架? 我暈左幾耐呀? 」我問阿雪媽咪。

「你自己醒嘅，你大概暈左15分鍾到啦!」

「15分鐘? 點解感覺好似好耐咁嘅?」





「因為佢地係用支短棒將你麻醉，令你即時進入深層睡眠狀態，一般人係叫唔醒，

因為你會好似去左第二個空間咁，除非本身受過特訓令自我意志增強，好似你

咁，如果唔係佢可以令你訓足幾日都唔識醒! 」

「吓? 咁恐怖? 」

「係呀，所以月台同喺車廂入面D人暈哂，叫極都唔醒，就係依個原因….」

「吓…你點知道月台D人暈哂架? 」阿雪媽咪唔係一路都被黑頭盔人困住喺依度嘅

咩? 我亦冇印象喺地鐵見到佢。





「因為，頭先果架A135/138列車係我渣嘅…」

第十六章 完。待續...

*****************************************************************************************************
如想知道最新故事發展或對故事有任何提問, 可以輕輕like下 小弟 Facebook page 同留言~

Facebook:https://www.facebook.com/peoplelaughmetoocrazy/
同步連載:
紙言：http://bit.ly/2b1ZCRp
Discuss: http://bit.ly/2bLNrYy
Penana: http://bit.ly/2bX5tay