「大家好!我有一個好消息同壞消息要同你地講,你地想聽邊個先?」大衛高斯道

「咁壞消息先」阿照搶先回答。

「壞消息就係你地雖然搵到大衛高斯,但我地比你早一步清理門戶!佢已經成為永遠保守秘密既人!」這個男人發出令人心寒的笑聲

「你係唔係殺左佢……」阿豪問道

「無錯,佢係背叛組織既人,理應受到應有既懲罰!如果唔殺左佢,恐怕我地會有危險!」





這男人把血淋淋的人頭拿到桌子上,額頭上刻有一個神秘的標誌,我簡稱它是一個天秤。

「你依班人渣,佢係人命黎架,你班好樣點可以咁殘忍!」阿豪指著他怒道。

「人命有分貴賤,正如動物一樣,狗死左你地會為佢喊,但街邊一隻老鼠死左呢?你地都會喊,不過係驚到喊,而唔係出於憐憫之心!死一個人有咩大不了?係我地組織黎講,佢只係一個工具。」

把人當作工具的組織,是一個比恐怖主義更恐怖的集團,因為他們沒有道德底線了。

「點解你仲要同我地視象通話,你既目的唔會單單係要同我地炫耀咁簡單」阿文問題。





「都係你夠醒目!我仲有個好消息要比你地,就係新法則決定要同香港人玩一個遊戲,只要你地成功搵到失去既建築物,我地就會自動解散,所有人會無事。」
已有 0 人追稿